Day: 28 March 2018

ബെംഗളൂരു:കോട്ടയം (2) എറണാകുളം (3), മൂന്നാർ (1), തൃശൂർ (2), പാലക്കാട് (2), കോഴിക്കോട് (3), മാഹി (1), കണ്ണൂർ (5) എന്നിവിടങ്ങളിലേക്കായി 19 സ്പെഷൽ സർവീസുകളാണ് കർണാടക ആർടിസിക്ക് ഇന്നു ബെംഗളൂരുവിൽ നിന്നുള്ളത്. ഈസ്റ്റർ, മഹാവീർ ജയന്തി ആഘോഷങ്ങളുടെ ഭാഗമായി ഇന്നുമുതൽ 31 വരെ ബെംഗളൂരുവിൽ നിന്നു കർണാടകയുടെ വിവിധ ഭാഗങ്ങളിലേക്കും കേരളം ഉൾപ്പെടെ അന്യസംസ്ഥാനങ്ങളിലേക്കുമായി എണ്ണൂറിലേറെ അധിക സർവീസുകൾ കർണാടക ആർടിസി പ്രഖ്യാപിച്ചിട്ടുണ്ട്.

ബെംഗളൂരു : നമ്മ മെട്രോ ജീവനക്കാരും ബെംഗളൂരു മെട്രോ റെയിൽ കോർപറേഷൻ (ബിഎംആർസിഎൽ) അധികൃതരുമായി ചർച്ച തുടങ്ങി. വിവിധ ആവശ്യങ്ങൾ ഉന്നയിച്ച് മെട്രോ ജീവനക്കാർ കഴിഞ്ഞ മാസം അനിശ്ചിതകാല പണിമുടക്കിന് ആഹ്വാനം ചെയ്തിരുന്നു. ഹൈക്കോടതി നിർദേശപ്രകാരമാണ് തിങ്കളാഴ്ച ആദ്യവട്ട ചർച്ച നടത്തിയത്. രണ്ടാംവട്ട ചർ‌ച്ച ഇന്നു നടക്കും. ഒരു മാസം കൊണ്ടു പ്രശ്നം ചർച്ചയിലൂടെ പരിഹരിക്കാനാണ് കഴിഞ്ഞ 20നു ഹൈക്കോടതി നിർദേശിച്ചത്. ബെംഗളൂരു മെട്രോ റെയിൽ എംപ്ലോയീസ് യൂണിയന് ബിഎംആർസിഎൽ അംഗീകാരം നൽകുക, ഇന്ത്യയിലെ മറ്റു മെട്രോ നെറ്റ്‌വർക്കിലെ ജീവനക്കാരുടേതിനു സമാനമായി ശമ്പളവും ആനുകൂല്യങ്ങളും…