ബെംഗളൂരു ∙ ദേശീയമൃഗമായ കടുവകൾക്കു വസിക്കാൻ കൂടുതൽ അനുയോജ്യം ദക്ഷിണേന്ത്യയിലെ വനങ്ങളാണെന്നു പഠന റിപ്പോർട്ട്. ഉത്തരേന്ത്യൻ വനങ്ങളെ അപേക്ഷിച്ചു ദക്ഷിണേന്ത്യയിൽ കടുവകളുടെ എണ്ണം വർധിക്കുന്നതിനു പിന്നിൽ ഇവിടത്തെ അനുകൂല സാഹചര്യങ്ങളാണെന്നു നാഷനൽ സെന്റർ ഫോർ ബയളോജിക്കൽ സയൻസ് (എൻസിബിഎസ്) നടത്തിയ പഠനം പറയുന്നു.
കാലാവസ്ഥയും പ്രത്യുൽപാദനത്തിനുള്ള അനുകൂല സാഹചര്യവുമാണു കർണാടകയിലെ വനങ്ങളിൽ കടുവകളുടെ എണ്ണം കൂടാൻ സഹായിക്കുന്നതെന്ന് എൻസിബിഎസ് പ്രിൻസിപ്പൽ ഇൻവെസ്റ്റിഗേറ്റർ ഉമാ രാമകൃഷ്ണൻ പറഞ്ഞു. കർണാടകയ്ക്കു പുറമേ കേരളം, തമിഴ്നാട്, മധ്യപ്രദേശ്, ഉത്തരാഖണ്ഡ്, അസം, ഒഡീഷ എന്നിവിടങ്ങളിലെ 21 കടുവാ സങ്കേതങ്ങൾ കേന്ദ്രീകരിച്ചാണു പഠനം നടത്തിയത്. രണ്ടു വർഷം മുൻപു നടന്ന സെൻസസ് പ്രകാരം ഇന്ത്യയിൽ ഏറ്റവും കൂടുതൽ കടുവകളുള്ളതു കർണാടകയിലാണ്. അഞ്ചു കടുവാസങ്കേതങ്ങളിലായി 450 കടുവകൾ കർണാടകയിലെ വനങ്ങളിലുണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക.
If you cannot read Malayalam,Download BengaluruVartha Android app from Google play store and Click On the News Reader Button.