Tag: jaint wheel

ബെംഗളൂരു: ജയന്റ് വീലിൽ മുടി കുടുങ്ങി ഗുരുതരമായി പരിക്കേറ്റ കുട്ടിയെ മംഗളൂരുവിലെ ആശുപത്രിയിൽ പ്രവേശിപ്പിച്ചു. മണ്ഡ്യയിൽ ആണ് സംഭവം. ജയന്റ് വീലിൽ കയറിയ ശ്രീവിദ്യ എന്ന പെൺകുട്ടിക്കാണ് അപകടം പറ്റിയത്. കുട്ടിയുടെ മുടി അബദ്ധത്തിൽ ജയന്റ് വീലിൽ കുടുങ്ങുകയായിരുന്നു. തലയുടെ ഒരു ഭാഗത്തിന്റെ പുറംതൊലി വിട്ടു വന്ന ഉടൻ തന്നെ മാതാപിതാക്കൾ ഉൾപ്പെടെയുള്ളവർ ചേർന്ന് കുട്ടിയെ ആശുപത്രിയിൽ എത്തിക്കുകയായിരുന്നു. ശ്രീവിദ്യയുടെ മാതാപിതാക്കളുടെ പരാതിയുടെ അടിസ്ഥാനത്തിൽ ജയന്റ് വീൽ ഉടമയെ പോലീസ് അറസ്റ്റ് ചെയ്തു. അന്വേഷണം ആരംഭിച്ചതായി പോലീസ് അറിയിച്ചു.