Author: News Team

തിരുവനന്തപുരം: അടുത്ത മൂന്ന് ദിവസത്തിനുള്ളിൽ രാജ്യത്ത്‌ നിന്ന് കാലവർഷം പൂർണ്ണമായും വിടവാങ്ങാൻ സാധ്യത. ഇന്നോ നാളെയോ ആയി തെക്ക് കിഴക്കേ ഇന്ത്യയിൽ തുലാവർഷം ആരംഭിച്ചേക്കുമെന്നും കേന്ദ്ര കാലാവസ്ഥാ വകുപ്പ് അറിയിച്ചു. മധ്യ അറബിക്കടലിൽ തീവ്ര ന്യുനമർദ്ദം സ്ഥിതി ചെയ്യുന്നുണ്ട്. പടിഞ്ഞാറ് വടക്ക് പടിഞ്ഞാറ് ദിശയിൽ സഞ്ചരിച്ച് ന്യൂനമർർദ്ദം ഒമാൻ തീരത്തേക്ക് നീങ്ങി അടുത്ത 12 മണിക്കൂറിനുള്ളിൽ ശക്തി കൂടിയ ന്യൂനമർദ്ദമായി മാറാൻ സാധ്യതയുണ്ടെന്നാണ് അറിയിപ്പ്. തീവ്ര ന്യൂനമർദ്ദത്തിൽ നിന്ന് തെക്കൻ കേരളം വഴി കോമറിൻ മേഖല വരെ ന്യൂനമർദ്ദ പാത്തി സ്ഥിതി ചെയ്യുന്നു. തെക്ക്…

ബെംഗളൂരു : ദസറ ആഘോഷത്തിന് പ്രൗഢിപകർന്ന ആനകളും അവയുടെ പാപ്പാന്മാരും തിങ്കളാഴ്ച കൊട്ടാരനഗരിയോട് വിടപറഞ്ഞ് തങ്ങളുടെ താവളങ്ങളിലേക്കുമടങ്ങി. കൊമ്പൻ അഭിമന്യുവും ഒപ്പമുണ്ടായിരുന്ന 13 ആനകളും അവരുടെ ക്യാമ്പുകളിലേക്ക് മടങ്ങിപ്പോയി. പ്രത്യേകപൂജകൾ ഇതിന്റെഭാഗമായി നടന്നു. ലോറികളിലാണ് ആനകളെ ക്യാമ്പുകളിലേക്ക് മടക്കിക്കൊണ്ടുപോയത്. മതിഗോഡു, രാമപുര, ഭീമനകട്ടെ, ദുബാരെ, ദൊഡ്ഡഹരവെ എന്നീ ആനക്യാമ്പുകളിൽനിന്നുള്ള ആനകളെയാണ് പരിശീലനംനൽകി ജംബൂസവാരിയിൽ എഴുന്നള്ളിച്ചത്. കൊമ്പൻ അഭിമന്യുവാണ് ഇത്തവണയും ചാമുണ്ഡേശ്വരിയുടെ വിഗ്രഹം സ്വർണ അംബാരിയിൽ എഴുന്നള്ളിച്ചത്. ഓഗസ്റ്റ് 21-നാണ് ആനകളെ ഗജപാനയ ചടങ്ങിലൂടെ മൈസൂരുവിലെത്തിച്ചത്. തുടർന്നുള്ളദിവസങ്ങളിൽ അവർ കൊട്ടാരവളപ്പിൽ പ്രത്യേകപരിചരണമേറ്റ് പരിശീലനവുമായി കഴിഞ്ഞുവരുകയായിരുന്നു.

ബെംഗളൂരു : തുണി അലക്കുന്നതിനിടെ അമ്മയും മകളും കനാലിൽ മുങ്ങി മരിച്ചു. റായ്ച്ചൂർ താലൂക്കിലെ ബി.യദ്‌ലാപുര ഗ്രാമത്തിലാണ് സംഭവം. അമ്മ സുജാത (27), മകൾ ശ്രാവണി (10) എന്നിവരാണ് കനാലിൽ മുങ്ങിമരിച്ചത്. അഗ്നിശമന സേനാംഗങ്ങൾ ഓപ്പറേഷൻ നടത്തി അമ്മയുടെ മൃതദേഹം കണ്ടെത്തി. നിലവിൽ മകൾ ശ്രാവണിയെ കണ്ടെത്താൻ തിരച്ചിൽ ആരംഭിച്ചിട്ടുണ്ട്. എല്ലാദിവസത്തെയും പോലെ ഗഭദ്ര ഇടതുകര കനാലിൽ തുണി അലക്കുന്നതിനിടെയാണ് അപകടം. യരാഗേര പോലീസ് സ്‌റ്റേഷൻ പരിധിയിലാണ് സംഭവം.

ബെംഗളൂരു : ചന്നപട്ടണ നിയമസഭാ ഉപതിരഞ്ഞെടുപ്പിൽ എൻ.ഡി.എ. സ്ഥാനാർഥിയായി ജെ.ഡി.എസിന്റെ നിഖിൽ കുമാരസ്വാമിയെ ഉടൻ പ്രഖ്യാപിച്ചേക്കും. തിരഞ്ഞെടുപ്പ് ഒരുക്കത്തിന്റെ മുന്നോടിയായി ശനിയാഴ്ച മണ്ഡലത്തിലെ ബിഡദിയിൽ പാർട്ടി പ്രവർത്തകരുടെയും നേതാക്കളുടെയും യോഗംവിളിച്ചിരുന്നു. സ്ഥാനാർഥിയാകാൻ നിഖിലിനുമേൽ പ്രവർത്തകരുടെയും നേതാക്കളുടെയും സമ്മർദമുണ്ടെന്ന് കേന്ദ്രമന്ത്രി എച്ച്.ഡി. കുമാരസ്വാമി യോഗത്തിനുശേഷം പറഞ്ഞു. നിഖിലിനെ സ്ഥാനാർഥിയാക്കാൻ പാർട്ടിയിൽ ഏതാണ്ട് ധാരണയായിരുന്നു. കഴിഞ്ഞയാഴ്ച മണ്ഡലത്തിൽ നടന്ന പൊതുയോഗങ്ങളിൽ നിഖിലിനെ മുന്നിൽനിർത്തിയാണ് കുമാരസ്വാമി പങ്കെടുത്തത്. ലോക്‌സഭയിലേക്കും നിയമസഭയിലേക്കും ഒരോതവണ മത്സരിച്ച് പരാജയപ്പെട്ട നിഖിൽ ഇത്തവണ ചന്നപട്ടണയിൽ മത്സരിക്കാനില്ലെന്ന് നേരത്തെ പ്രഖ്യാപിച്ചിരുന്നു. പാർട്ടിയെ ശക്തിപ്പെടുത്താൻ പ്രവർത്തനരംഗത്തിറങ്ങാനാണ് ഉദ്ദേശിക്കുന്നതെന്നും…

ബെംഗളൂരു : നികുതിവിഹിതം അനുവദിക്കുന്നതിൽ കേന്ദ്രം കർണാടകത്തോട് കാണിക്കുന്ന വിവേചനത്തിനെതിരേ ശബ്ദമുയർത്താതെ സംസ്ഥാനത്തുനിന്നുള്ള ബി.ജെ.പി. എം.പി.മാർ ജനങ്ങളെ വഞ്ചിക്കുകയാണെന്ന് മുഖ്യമന്ത്രി സിദ്ധരാമയ്യ. കർണാടകത്തിന് 6,498 കോടിരൂപ നികുതി വിഹിതമായി അനുവദിച്ചപ്പോൾ ബി.ജെ.പി. ഭരിക്കുന്ന ഉത്തർപ്രദേശിന് 31,987 കോടി രൂപ ലഭിച്ചെന്ന് സിദ്ധരാമയ്യ പറഞ്ഞു. ഈ അനീതിക്കെതിരേ ജനങ്ങൾ ശബ്ദമുയർത്തണമെന്ന് അദ്ദേഹം ആവശ്യപ്പെട്ടു. ബി.ജെ.പി. നേതാക്കൾ കേന്ദ്ര സർക്കാരിനെ പിന്തുണച്ച് കർണാടകത്തിലെ ജനങ്ങളെ വഞ്ചിക്കുകയാണെന്നും പറഞ്ഞു.

ബെംഗളൂരു : മാധ്യമപ്രവർത്തകനെന്ന വ്യജേന ബേക്കറി ഉടമകളെ ഭീഷണിപ്പെടുത്തി പണം തട്ടിയ യുട്യൂബറെ പോലീസ് അറസ്റ്റുചെയ്തു. ബൊമ്മനഹള്ളി സ്വദേശി ഷാഫിയാണ് അറസ്റ്റിലായത്. ബൊമ്മനഹള്ളി, എച്ച്.എസ്.ആർ. ലേഔട്ട് ഭാഗങ്ങളിലെ ബേക്കറികളിൽ വൃത്തിയില്ലെന്ന് പറഞ്ഞ് വീഡിയോ എടുത്താണ് ഭീഷണിപ്പെടുത്തുന്നത്. വീഡിയോ ഭക്ഷ്യസുരക്ഷാ ഉദ്യോഗസ്ഥർക്കും ബെംഗളൂരു കോർപ്പറേഷൻ അധികൃതർക്കും അയച്ചുകൊടുക്കുമെന്നും ലൈസൻസ് റദ്ദാകുമെന്നും പറഞ്ഞ് പണം തട്ടുകയായിരുന്നുവെന്ന് പോലീസ് പറഞ്ഞു.

കൊല്ലം: സംസ്ഥാനത്ത് വീണ്ടും അമീബിക് മസ്തിഷ്‌ക ജ്വരം സ്ഥിരീകരിച്ചു. കൊല്ലത്ത് പത്തുവയസുകാരനാണ് രോഗം സ്ഥിരീകരിച്ചത്. നിലവില്‍ എസ്എടി ആശുപത്രിയില്‍ കുട്ടി ചികിത്സയില്‍ തുടരുകയാണ്. ആരോഗ്യനില തൃപ്തികരമാണെന്നാണ് ആശുപത്രി അധികൃതരും അറിയിക്കുന്നത്. ഒക്ടോബര്‍ 11 മുതലാണ് കുട്ടിക്ക് പനിയും തലവേദനയും അനുഭവപ്പെട്ടത്. 12ന് കടുത്ത തലവേദനയെയും പനിയെയും തുടര്‍ന്ന് കൊട്ടാരക്കര താലൂക്ക് ആശുപത്രിയില്‍ പ്രവേശിപ്പിച്ചു. എന്നാല്‍ ചികിത്സയില്‍ രോഗം ഭേദമായില്ല. തുടര്‍ന്നാണ് വിദഗ്ധ ചികിത്സയ്ക്കായി എസ്എടി ആശുപത്രിയിലേക്ക് മാറ്റിയത്. രോഗം സ്ഥിരീകരിച്ചതോടെ ജില്ലയില്‍ ആരോഗ്യവകുപ്പ് ജാഗ്രതാനിര്‍ദേശം നല്‍കി. ജലാശയങ്ങളില്‍ ഇറങ്ങുന്നവര്‍ പ്രത്യേകം ശ്രദ്ധിക്കണമെന്നാണ് മാര്‍ഗനിര്‍ദേശത്തില്‍ പറയുന്നത്.

തൃശൂര്‍:തൃശൂരിൽ തലയറ്റ നിലയിൽ പുരുഷന്‍റെ മൃതദേഹം കണ്ടെത്തി.തൃശൂര്‍ പുതുക്കാട് ആമ്പല്ലൂര്‍ മണലിപ്പുഴയിലാണ് അജ്ഞാത മൃതദേഹം കണ്ടെത്തിയത്. പുഴയിൽ ചാക്കിൽ കെട്ടി ഉപേക്ഷിച്ച നിലയിലായിരുന്നു മൃതദേഹമെന്നും അഞ്ചു ദിവസത്തിലധികം പഴക്കമുണ്ടെന്നും പൊലീസ് പറഞ്ഞു.പുഴയുടെ സമീപത്തുണ്ടായിരുന്ന വഞ്ചിക്കാരാണ് ചാക്ക് കെട്ട് കണ്ടെത്തിയത്. തുടര്‍ന്ന് പൊലീസിൽ വിവരം അറിയിക്കുകയായിരുന്നു. മൃതദേഹത്തിന് അരികിൽ നിന്ന് മൊബൈല്‍ ഫോണും കണ്ടെത്തിയിട്ടുണ്ട്. കണ്ടെത്തിയത് പുരുഷന്‍റെ മൃതദേഹമാണെന്നും അന്വേഷണം നടക്കുകയാണെന്നും പൊലീസ് അറിയിച്ചു. കൊലപ്പെടുത്തിയശേഷം ചാക്കിൽ കെട്ടി തള്ളിയതാണെന്നാണ് പൊലീസ് സംശയിക്കുന്നത്. പൊലീസ് കേസെടുത്തു. മരിച്ചയാളെ തിരിച്ചറിഞ്ഞിട്ടില്ല.

ചെന്നൈ: തന്റെ പേരും ചിത്രവും ഉൾപ്പെടുത്തി സമൂഹമാധ്യമങ്ങളിലൂടെ പണം ആവശ്യപ്പെട്ടു വ്യാജ സന്ദേശങ്ങൾ പ്രചരിപ്പിക്കുന്നതിനെതിരെ ഗായിക കെ.എസ്.ചിത്ര പൊലീസിൽ പരാതി നൽകി. വ്യാജ സോഷ്യൽമീഡിയാ അക്കൗണ്ടുകൾ ഉണ്ടാക്കി ചിത്രയുടെ പേരും ചിത്രവുംവെച്ച് പണം നിക്ഷേപിക്കാനാവശ്യപ്പെട്ടുകൊണ്ടാണ് തട്ടിപ്പ് നടത്തിയിരുന്നത്. തട്ടിപ്പുമായി ബന്ധപ്പെട്ട് കഴിഞ്ഞദിവസം ചിത്ര ഒരു സ്ക്രീൻഷോട്ട് പുറത്തുവിട്ടിരുന്നു. ഇത് ശരിക്കും ചിത്ര ചേച്ചിയാണോ എന്ന് ഒരാൾ ചോദിക്കുമ്പോൾ അതെയെന്നും താൻ ഒരു കമ്പനിയുടെ ബ്രാൻഡ് അംബാസിഡറാണെന്നും വ്യാജൻ മറുപടി കൊടുക്കുന്നതാണ് സ്ക്രീൻഷോട്ടിലുണ്ടായിരുന്നത്. 10,000 രൂപ നിക്ഷേപിച്ചാ ഒരാഴ്ചയ്ക്കകം 50000 രൂപ ലഭിക്കുന്ന പദ്ധതിയുടെ അംബാസഡറാണ്,…

കൊച്ചി: നടിയെ ആക്രമിച്ച കേസിലെ സുപ്രധാന തെളിവായ മെമ്മറി കാര്‍ഡ് തുറന്നതില്‍ അതിജീവിതയുടെ ഹര്‍ജി ഹൈക്കോടതി തള്ളി. മെമ്മറി കാര്‍ഡ് തുറന്നതില്‍ എഫ്‌ഐആര്‍ രജിസ്റ്റര്‍ ചെയ്ത്, ഉന്നത പൊലീസ് ഉദ്യോഗസ്ഥരുടെ നേതൃത്വത്തിലുള്ള അന്വേഷണം വേണമെന്ന അതിജീവിതയുടെ ആവശ്യം കോടതി നിരാകരിച്ചു. ഉപഹര്‍ജി നിയമപരമായി നിലനില്‍ക്കുന്നതല്ലെന്ന് ചൂണ്ടിക്കാട്ടിയാണ് ജസ്റ്റിസ് ഡി എസ് ഡയസ് തള്ളിയത്. മെമ്മറി കാര്‍ഡ് ഹാഷ് വാല്യു മാറിയതില്‍ അതിജീവിത നല്‍കിയ പരാതിയില്‍ ഹൈക്കോടതി നേരത്തെ വസ്തുതാന്വേഷണത്തിന് ഉത്തരവിട്ടിരുന്നു. എറണാകുളം പ്രിന്‍സിപ്പല്‍ സെഷന്‍സ് കോടതി ജഡ്ജി അന്വേഷിച്ച് റിപ്പോര്‍ട്ട് നല്‍കാനായിരുന്നു നിര്‍ദേശം. ഇതനുസരിച്ച്…