Author: News Team

ബെംഗളൂരു : കുറഞ്ഞ തുകയ്ക്ക് ഭക്ഷണംലഭിക്കുന്ന 50 ഇന്ദിരാ കാന്റീനുകൾകൂടി ബെംഗളൂരുവിൽ തുറക്കാൻ പദ്ധതിയിട്ട് കോർപ്പറേഷൻ (ബി.ബി.എം.പി.). നഗരസഭയിലെ ഓരോവാർഡിലും ഓരോ ഇന്ദിരാ കാന്റീനുകൾ ഉറപ്പുവരുത്തുന്നതിന്റെ ഭാഗമായാണിത്. 225 വാർഡുകളാണ് കോർപ്പറേഷൻ പരിധിയിലുള്ളത്. ബെംഗളൂരു അന്താരാഷ്ട്ര വിമാനത്താവളത്തിൽ അടുത്തിടെ ഇന്ദിരാ കാന്റീൻ ആരംഭിച്ചിരുന്നു. നിലവിൽ 200 കാന്റീനുകളാണ് നഗരത്തിലുള്ളത്. 23 മൊബൈൽ കാന്റീനുകളുമുണ്ട്. പാവപ്പെട്ടവർക്ക് കുറഞ്ഞനിരക്കിൽ ഭക്ഷണം ലഭ്യമാക്കാൻ ലക്ഷ്യമിട്ട് 2013-ലെ സിദ്ധരാമയ്യ സർക്കാരാണ് സംസ്ഥാനവ്യാപകമായി ഇന്ദിരാ കാന്റീനുകൾ ആരംഭിച്ചത്.

ബെംഗളൂരു: വരുമാന വർധനവ് ലക്ഷ്യമിട്ട് പുതിയ പദ്ധതിയുമായി ബിഎംടിസി. ബസുകളുടെ ചുറ്റിലും സ്വകാര്യ പരസ്യങ്ങൾ പ്രദർശിപ്പിച്ച് ഇത് വഴി വരുമാനം വർധിക്കുകയാണ് ലക്ഷ്യം. കടുത്ത സാമ്പത്തിക പ്രതിസന്ധി നേരിടുന്നതിനിടെയാണ് തീരുമാനം. ബിഎംടിസിയുടെ 3,000 നോൺ എയർകണ്ടീഷൻ ബസുകളിലാണ് പരസ്യങ്ങൾ പ്രദർശിപ്പിക്കുക. ഇതുവരെ ബിഎംടിസി ബസുകളുടെ പിൻഭാഗത്ത് മാത്രമാണ് പരസ്യങ്ങൾ അനുവദിച്ചിരുന്നത്. എന്നാൽ, പുതിയ തീരുമാന പ്രകാരം ബസുകളുടെ മുൻവശത്തും പിൻവശത്തും ഗ്ലാസുകൾ ഒഴികെയുള്ള എല്ലാ വശങ്ങളിലും പരസ്യങ്ങൾ പ്രദർശിപ്പിക്കും. ഇതുവഴി പ്രതിമാസം 30 ലക്ഷം രൂപ അധിക വരുമാനം ലഭിക്കുമെന്ന് ബിഎംടിസി അധികൃതർ പറഞ്ഞു

ബംഗളുരു: സ്ത്രീ സുരക്ഷ ഉറപ്പിക്കാൻ കൂടുതൽ സൗകര്യങ്ങൾ ഒരുക്കി വെബ് ടാക്സി കമ്പനിയായ ഊബർ. റൈഡിനായി വനിത ഡ്രൈവർമാരെ തിരഞ്ഞെടുക്കാനും ശബ്ദസന്ദേശമായി പരാതി അയയ്ക്കാനുമുള്ള സംവിധാനങ്ങളാണ് ആപ്പിൽ ഒരുക്കിയിട്ടുള്ളത്. വനിതാ ഡ്രൈവർമാരെ തിരഞ്ഞെടുക്കാൻ ആപ്പിലെ വിമൻ റൈഡർ പ്രിഫറെൻസ് ഓപ്ഷൻ ഉപയോഗിക്കാം. ബംഗളുരു ആസ്ഥാനമായ സന്നദ്ധസംഘടനയായ ദുർഗ യുമായി സഹകരിച്ചാണ് ഓഡിയോ റെക്കോർഡിങ് സംവിധാനം ഒരുക്കിയത്. യാത്രയ്ക്കിടെ ഡ്രൈവറുടെ ഭാഗത്ത് നിന്നും മോശം പെരുമാറ്റം ഉണ്ടായാൽ സംവിധാനം ഉപയോഗിക്കാം. റെക്കോഡ് ചെയ്ത ശബ്ദസന്ദേശം നിശ്ചിത സമയത്തിനുള്ളിൽ നീക്കം ചെയ്യപ്പെടും. വെബ് ടാക്സികളിൽ ഒറ്റയ്ക്ക് യാത്ര…

ഡല്‍ഹി: ആധാര്‍ കാര്‍ഡ് വിശദാംശങ്ങള്‍ ഓണ്‍ലൈനായി സൗജന്യമായി പുതുക്കാനുള്ള സമയപരിധി അവസാനിക്കാന്‍ ഇനി രണ്ടാഴ്ച. 2024 ഡിസംബര്‍ 14 വരെ ഫീസില്ലാതെ ആധാര്‍കാര്‍ഡ് ഉടമകള്‍ക്ക് അവരുടെ വിവരങ്ങള്‍ അപ്ഡേറ്റ് ചെയ്യാമെന്ന് യുണീക്ക് ഐഡന്റിഫിക്കേഷന്‍ അതോറിറ്റി ഓഫ് ഇന്ത്യ (യുഐഡിഎഐ) അറിയിച്ചു. ഇതിനോടകം തന്നെ നിരവധി തവണയാണ് സൗജന്യമായി ആധാര്‍ അപ്ഡേറ്റ് ചെയ്യാനുള്ള സമയപരിധി കേന്ദ്രം നീട്ടിയത്. സമയപരിധി ഇനിയും നീട്ടിയില്ലായെങ്കില്‍ ഡിസംബര്‍ 14 ന് ശേഷം വിവരങ്ങള്‍ അപ്ഡേറ്റ് ചെയ്യണമെങ്കില്‍ ഫീസ് നല്‍കേണ്ടി വരും. മൈആധാര്‍ പോര്‍ട്ടല്‍ വഴി മാത്രമാണ് സൗജന്യ സേവനം ലഭിക്കുക.ആധാര്‍…

ബെംഗളൂരു: നഗരത്തിലെ മെട്രോ ട്രെയിൻ സർവീസുകളിലെ തിരക്ക് നിയന്ത്രിക്കുന്നതിൻ്റെ ഭാഗമായി പർപ്പിൾ, ഗ്രീൻ ലൈനുകളിലായി 21 ട്രെയിൻ കൂടി ഏർപ്പെടുത്തുമെന്ന് ബിഎംആർസിഎൽ അറിയിച്ചു. നിലവിൽ തിരക്കേറിയ സമയങ്ങളിൽ 5 മിനിറ്റ് ഇടവേളയിലാണ് സർവീസ് നടത്തുന്നത്. ഇത് മൂന്ന് മിനിറ്റിലേക്ക് മാറ്റുമെന്നും അടുത്തവർഷം ഇത് പ്രാബല്യത്തിൽ വരുത്തുമെന്നും അധികൃതർ അറിയിച്ചു. നിലവിൽ 55 ട്രെയിനുകളാണ് ഇരു റൂട്ടുകളിലും സർവീസ് നടത്തുന്നത്. പ്രതിദിന യാത്രക്കാരുടെ എണ്ണം 8 ലക്ഷത്തിന് അടുത്തെത്തിയതോടെയാണ് ട്രെയിനുകളുടെ എണ്ണം കൂട്ടുന്നത്. പുതിയ ട്രെയിനുകളിലും 6 കോച്ചുകളാണ് ഉണ്ടാകുക.

ബംഗളുരു : കർണാടക ആർ ടി സിയുടെ ശബരിമല ഐരാവത് എ.സി ബസ് ഇന്ന്   സർവീസ് ആരംഭിക്കും. ആദ്യ സർവീസിലെ മുഴുവൻ ടിക്കറ്റും വിറ്റഴിഞ്ഞു. ഉച്ചയ്ക്ക് 1.50ന് ശാന്തിനാഗർ ടെർമിനലിൽ നിന്ന് പുറപ്പെടുന്ന ബസ് പിറ്റേന്ന് രാവിലെ 6:45ന് നിലയ്ക്കലിലെത്തും. തിരിച്ച് വൈകിട്ട് 5ന് നിലയ്ക്കലിൽ നിന്നും പുറപ്പെട്ട് പിറ്റേന്ന് രാവിലെ 10ന് ബംഗളുരുവിലെത്തും. പ്രവർത്തിദിവസങ്ങളിൽ 1748 രൂപയും വരാന്ത്യങ്ങളിൽ 1913 രൂപയുമാമാണ് നിരക്ക്. തിരക്കേറുന്നതോടെ വരാന്ത്യങ്ങളിൽ ഒരു സർവീസ് കൂടി നടത്തുമെന്നും അറിയിച്ചിട്ടുണ്ട്.

ബെംഗളൂരു : കഴിഞ്ഞ മൂന്നുമാസത്തിനിടെ ടിക്കറ്റില്ലാതെ യാത്രചെയ്തതിനും സ്ത്രീകളുടെ സീറ്റ് കൈയടക്കിയതിനുമുൾപ്പെടെ യാത്രക്കാരിൽനിന്ന് ബെംഗളൂരു മെട്രോപൊളിറ്റൻ ട്രാൻസ്പോർട്ട് കോർപ്പറേഷൻ (ബി.എം.ടി.സി.) പിഴയായി ഈടാക്കിയത് 19 ലക്ഷംരൂപ. 10,069 യാത്രക്കാരിൽ നിന്നാണ് ഇത്രയും തുക ഈടാക്കിയത്. ടിക്കറ്റില്ലാതെ യാത്രചെയ്യുന്നവരെ കണ്ടെത്താൻ ബി.എം.ടി.സി. ചെക്കിങ് ജീവനക്കാർ നഗരത്തിന്റെ വിവിധഭാഗങ്ങളിൽ പരിശോധന ഊർജിതമാക്കിയിട്ടുണ്ട്. ഓഗസ്റ്റ്  സെപ്റ്റംബർ, ഒക്ടോബർ മാസങ്ങളിൽ ചെക്കിങ് ജീവനക്കാർ 57,219 ട്രിപ്പുകൾ പരിശോധിച്ചപ്പോൾ ടിക്കറ്റില്ലാതെ യാത്രചെയ്ത 8891 ആളുകളെയാണ് കണ്ടെത്തിയത്. ഇവരിൽനിന്നായി 17,96,030 രൂപ പിഴയീടാക്കി. സ്ത്രീകളുടെ സീറ്റ് കൈയടക്കിയതിന് 1178 പേർക്കെതിരേയാണ് നടപടിയെടുത്തത്. ഇവരിൽനിന്നായി…

ബെംഗളൂരു : ഒക്ടോബറിൽ രാജ്യത്തെ ഏറ്റവും തിരക്കേറിയ മൂന്നാമത്തെ വിമാനത്താവളമായി ബെംഗളൂരു കെംപെഗൗഡ രാജ്യാന്തര വിമാനത്താവളം. ചെന്നൈ, കൊച്ചി വിമാനത്താവളങ്ങളെ മറികടന്നാണ് ബെംഗളൂരു മൂന്നാമതെത്തിയതെന്ന് എയർപോർട്ട് അതോറിറ്റി ഓഫ് ഇന്ത്യ (എ.എ.ഐ.) നൽകുന്ന വിവരങ്ങൾ വ്യക്തമാക്കുന്നു. ഒക്ടോബറിൽ ബെംഗളൂരു വിമാനത്താവളത്തിൽ ആകെ 35.7 ലക്ഷം യാത്രക്കാരാണ് എത്തിയത്. 64.4 ലക്ഷം യാത്രക്കാരുമായി ഡൽഹി വിമാനത്താവളവും 44.2 ലക്ഷം യാത്രക്കാരുമായി മുംബൈ വിമാനത്താവളവും ഒന്നും രണ്ടും സ്ഥാനങ്ങൾ നിലനിർത്തി. ഒക്ടോബറിൽ 4.9 ലക്ഷം രാജ്യാന്തര യാത്രക്കാരും 30.8 ലക്ഷം ആഭ്യന്തര യാത്രക്കാരുമാണ് ബെംഗളൂരു വിമാനത്താവളത്തിലൂടെ യാത്ര…

ബെംഗളൂരു : ബെംഗളൂരു – മൈസൂരു പാതയിൽ കാർ നിയന്ത്രണം വിട്ട് എതിരേവന്ന ബസുമായി കൂട്ടിയിടിച്ച് മൂന്നുപേർ മരിച്ചു. കാറിലുണ്ടായിരുന്ന ബെംഗളൂരു ശിവാജിനഗർ സ്വദേശികളായ ലിയാഖത് (50), അസ്മ (38), നൂർ (40) എന്നിവരാണ് മരിച്ചത്. ചൊവ്വാഴ്ച രാത്രി പത്തോടെ രാമനഗര സംഗബസവനദൊഡ്ഡിക്ക് സമീപത്തായിരുന്നു അപകടം. മൈസൂരുവിൽ കുടുംബ പരിപാടിയിൽ പങ്കെടുക്കാൻ പോവുകയായിരുന്നു മൂന്നുപേരും. നിയന്ത്രണം വിട്ട കാർ ഡിവൈഡറിലിടിച്ച ശേഷം മറികടന്ന് എതിരേ വന്ന കർണാടക ആർ.ടി.സി. ബസുമായി കൂട്ടിയിടിക്കുകയായിരുന്നു. ലിയാഖത്തും നൂറും അപകട സ്ഥലത്തും അസ്മ ആശുപത്രിയിലുമാണ് മരിച്ചത്. അപകടത്തിൽ കാർ…

കോഴിക്കോട്: ഇത്രയും കാലം താൻ ആരെയാണോ അകറ്റാൻ ശ്രമിച്ചത് അവർ തന്നെയാണ് തന്നെ സ്നേഹാശ്ലേഷങ്ങളുമായി പൊതിഞ്ഞതെന്ന് സന്ദീപ് വാര്യർ. ഫേസ്ബുക്കിൽ പങ്കുവെച്ച കുറിപ്പിലാണ് സന്ദീപ് വാര്യർ തൻ്റെ നിലപാട് വ്യക്തമാക്കിയിരിക്കുന്നത്. സനാതന ഹിന്ദുവായി ജീവിക്കാനും മരിക്കാനും തനിക്ക് ആരുടെയും സർട്ടിഫിക്കറ്റ് ആവശ്യമില്ല. വെറുപ്പും വിദ്വേഷവും ജീവിതത്തിൽ പകർത്താത്ത ഒട്ടേറെ സനാതന ഹിന്ദുക്കൾ ഈ രാജ്യത്ത് ഇപ്പോഴുമുണ്ടെന്നും അവരിൽ ഒരാളായി താൻ കഴിഞ്ഞോളാമെന്നും സന്ദീപിൻ്റെ ഫേസ്ബുക്ക് കുറിപ്പിലുണ്ട്. ശിക്ഷ കഴിഞ്ഞ് ഇറങ്ങിയിട്ട് പോലും മോചിതനാകാൻ സമ്മതിക്കാത്ത മലയാളി സമൂഹത്തിൻ്റെ കഥ ലോഹിതദാസ് സേതുമാധവൻ എന്ന കഥാപാത്രത്തിലൂടെ…