Author: ന്യൂസ് ബ്യുറോ

ബെംഗളൂരു: സാമൂഹിക വിരുദ്ധർ വാക്സിനേഷനെതിരേ വ്യാപകമായി തെറ്റായ പ്രചാരണങ്ങൾ നടത്തുന്നുണ്ടെന്ന പരാതികൾ കൂടിവരുന്നു. ഇനിമുതൽ ഇത്തരം വ്യാജ പ്രചാരണങ്ങൾക്കെതിരേ ശക്തമായ നടപടി സ്വീകരിക്കാനാണ് ആരോഗ്യവകുപ്പിന്റെ തീരുമാനം. സാമൂഹിക മാധ്യമങ്ങളിലൂടെ നടത്തുന്ന അസത്യപ്രചരണങ്ങൾ നിരീക്ഷിച്ചുവരികയാണ്. സന്നദ്ധ സംഘടനകളും വിവിധ പൊതുജനസംഘടനകളും വ്യക്തികളും ഇത്തരം പ്രചാരണങ്ങൾ വയപകമായി നടക്കുന്നതായി ആരോഗ്യവകുപ്പിന്റെ ശ്രദ്ധയിൽപ്പെടുത്തിയിട്ടുണ്ട്. ഇങ്ങനെയുള്ള വ്യാജ പ്രചാരണങ്ങൾ സൈബർ ക്രൈം പോലീസിന് കൈമാറാനാണ് ആരോഗ്യവകുപ്പിന്റെ തീരുമാനം. ഇത്തരക്കാർക്കെതിരെ അറസ്റ്റ് ഉൾപ്പടെയുള്ള ശക്തമായ നടപടികളുമായി മുന്നോട്ടു പോകുമെന്നാണ് റിപ്പോർട്ട്.

ബെംഗളൂരു: ഒക്ടോബറോടെ സംസ്ഥാനത്ത് കോവിഡ് മൂന്നാം തരംഗമുണ്ടാകുമെന്നാണ് ആരോഗ്യവിദഗ്ധർ നൽകുന്ന മുന്നറിയിപ്പ്. കോവിഡ് മൂന്നാം തരംഗം കുട്ടികളിലാണ് രോഗവ്യാപനം തീവ്രമാകുകയെന്ന ആരോഗ്യവിദഗ്ധരുടെ മുന്നറിയിപ്പ് മുൻനിർത്തി ഇതിനെ പ്രതിരോധിക്കാൻ ഡോക്ടർമാർക്കും സർക്കാർ ഉദ്യോഗസ്ഥർക്കുമായി സംഘടിപ്പിക്കുന്ന പരിശീലനക്യാമ്പിന് തുടക്കംകുറിച്ചു. കോവിഡ് ബാധിതരായ കുട്ടികൾക്ക് എങ്ങനെ ഫലപ്രദമായ സൗകര്യമൊരുക്കാം, വ്യാപനത്തോത് എങ്ങനെ കുറയ്ക്കാം തുടങ്ങിയ വിഷയങ്ങളിലാണ് പരിശീലനം. വരുംദിവസങ്ങളിൽ സംസ്ഥാനത്തിന്റെ വിവിധഭാഗങ്ങളിൽ ക്യാമ്പുകൾ നടക്കും. കുട്ടികളുടെ ഡോക്ടർമാരുടെ എണ്ണം നഗരത്തിൽ താരതമ്യേന കുറവായതിനാലാണ് മറ്റ് വിഭാഗത്തിലെ ഡോക്ടർമാർകൂടി കുട്ടികളെ പരിചരിക്കാൻ പരിശീലനം നേടണമെന്ന്‌ ക്യാമ്പ് ഉദ്ഘാടനംചെയ്ത റവന്യൂമന്ത്രി ആർ.…

ബെംഗളൂരു: നഗരത്തിൽ പച്ചക്കറിവില കുതിച്ചുയരുന്നു. മറ്റു സംസ്ഥാനങ്ങളിൽ നിന്നും വിദൂരജില്ലകളിൽ നിന്നും എത്തിക്കുന്ന പച്ചക്കറികളുടെ വിലയിലാണ് വർധനയുണ്ടായിരിക്കുന്നത്. തുടർച്ചയായുള്ള ഇന്ധനവില വർധനയും കോവിഡിനെത്തുടർന്നുണ്ടായ യാത്രാനിയന്ത്രണങ്ങളും വിലക്കയറ്റത്തിന് കാരണമായതായി വ്യാപാരികൾ പറയുന്നു. മഴക്കാലം തുടങ്ങുന്നതോടെ സംസ്ഥാനത്ത് പച്ചക്കറി ഉത്‌പാദനം കുറയുന്നതും വിലവർധനയ്ക്ക്‌ കാരണമാകുന്നുണ്ട്. വരുംദിവസങ്ങളിലും പച്ചക്കറിവില കുത്തനെ ഉയരുമെന്നാണ് വ്യാപാരികൾ നൽക്കുന്ന സൂചന. ഗ്രാമപ്രദേശങ്ങളിലും കോവിഡ് വ്യാപനം രൂക്ഷമായതോടെ കൃഷിയുമായി ബന്ധപ്പെട്ട പ്രവർത്തനങ്ങൾ മന്ദഗതിയിലാകുകയും ചെയ്തു. വടക്കൻ ജില്ലകളിൽ ഇതിനോടകം ഉത്‌പാദനം കുത്തനെ കുറഞ്ഞിട്ടുണ്ട്. മുമ്പുണ്ടായിരുന്നതിന്റെ 40 ശതമാനം വാഹനങ്ങൾ മാത്രമേ പച്ചക്കറിയുമായി ഇപ്പോൾ നഗരത്തിലെത്തുന്നുള്ളു…

ബെംഗളൂരു: ബംഗാരപേട്ടിലെ ഒളിത്താവളത്തില്‍ നിന്ന് കൊലപാതകം ഉള്‍പ്പെടെ 35 കേസുകളില്‍ പ്രതിയായ കുപ്രസിദ്ധ ഗുണ്ട ഹരീഷ് കാട്ടൂര്‍ പൊലീസിന്റെ പിടിയിലായതായി റിപ്പോര്‍ട്ട്. ഇയാൾ പൊലീസുകാരെ വെട്ടിക്കൊല്ലുമെന്ന ഭീഷണിയുമായി വാളും കയ്യില്‍ പിടിച്ച്‌ സന്ദേശം പ്രചരിപ്പിച്ചിരുന്നു. ഒളിത്താവളത്തില്‍ നിന്ന് സാഹസികമായി ഇയാളെ പിടികൂടിയത് കേരള പൊലീസിലെ ഇരിങ്ങാലക്കുട ഡിവൈഎസ്പി ടി ആര്‍ രാജേഷിന്റെ നേതൃത്വത്തിലുള്ള സംഘമാണ്. ഓപ്പറേഷന്‍ കോളാറിന്റെ ഭാഗമായി നാലു ദിവസം മുന്‍പാണ് ഹരീഷിനെ പിടികൂടാന്‍ പ്രത്യേക സംഘം സംസ്ഥാനത്ത് എത്തിയത്. മഫ്തിയില്‍ എത്തിയാണ് പോലീസ് സംഘം പ്രതിയെ കീഴ്‌പ്പെടുത്തിയത്. മുടിയും താടിയും വടിച്ച്‌…

ബെംഗളൂരു: നഗരത്തിൽ ലോക്‌ഡൗണിനിടെ രാത്രിയിൽ ആംബുലൻസിൽ കറങ്ങാനിറങ്ങിയവർ കുടുങ്ങി. ഡ്രൈവറുൾപ്പടെ നാലാളുടെ പേരിൽ പോലീസ് കേസെടുത്തു. രാത്രിയിൽ പട്രോളിങ് നടത്തുകയായിരുന്ന പോലീസുകാരാണ് ആംബുലൻസിൽ കറങ്ങാനിറങ്ങിയവരെ പിടികൂടിയത്. വൈറ്റ്ഫീൽഡിലെ സ്വകാര്യ കെട്ടിടനിർമാണ കമ്പനിയിലെ ജീവനക്കാരാണ് ജോലി കഴിഞ്ഞശേഷം കമ്പനിയിലെതന്നെ ആംബുലൻസിൽ നഗരം ചുറ്റാനിറങ്ങിയത്. അശോക് പരമേശ്വർ (33), ആശിഷ് കുമാർ (26), നിർമൽ കുമാർ (53), അർജുൻ അലേക (50) എന്നിരുടെപേരിലാണ്‌ ദുരന്തനിവാരണ നിയമപ്രകാരം കേസെടുത്തത്. പോലീസ് ആംബുലൻസ് പിടിച്ചെടുത്തിട്ടുണ്ട്.