മോഹന്‍ലാല്‍ ചിത്രം ബിഗ്‌ ബ്രദറിന്‍റെ ഫസ്റ്റ് ലുക്ക്‌ പോസ്റ്റര്‍ പുറത്തുവിട്ടു. ഷര്‍ട്ടും പാന്റ്സും ഷൂസും ധരിച്ച് ഒരു അര മതില്‍ ചാടികടക്കുന്ന മട്ടിലാണ്‌ മോഹന്‍ലാല്‍ പോസ്റ്ററില്‍ ഉള്ളത്.
ഈ ചിത്രം മോഹന്‍ലാല്‍ തന്‍റെ ഫേയ്സ്ബുക്കില്‍ പോസ്റ്റ്‌ ചെയ്തിട്ടുണ്ട്.
സിദ്ദീഖ് സംവിധാനം ചെയ്യുന്ന ഈ ചിത്രത്തിലെ മോഹന്‍ലാലിന്‍റെ കഥാപാത്രത്തെ കുറിച്ചുള്ള കൂടുതല്‍ വിവരങ്ങളൊന്നും ലഭിച്ചിട്ടില്ല. ഇരുപത്തിയഞ്ചുകോടിയാണ് ചിത്രത്തിന്‍റെ ബഡ്‌ജറ്റ്. പ്രധാന ലൊക്കേഷന്‍ ബംഗളൂരുവാണ്.
ബോളിവുഡ് താരം അര്‍ബാസ് ഖാന്‍, റജീന, സത്ന ടൈറ്റസ്, സിദ്ദീഖ്, വിഷ്ണു ഉണ്ണികൃഷ്ണന്‍, അനൂപ്‌ മോനോന്‍, ചെമ്പന്‍ വിനോദ്, ടിനി ടോം, സര്‍ജാനോ ഖാലിദ്‌ എന്നിവരാണ്‌ ചിത്രത്തിലെ പ്രധാന താരങ്ങള്‍.
