ബെംഗളൂരു: ഡ്രൈവറില്ലാത്ത ഒരു കാർ അടുത്തിടെ ബെംഗളൂരുവിലെ തെരുവുകളിൽ കറങ്ങിനടന്ന് ആളുകളെ അത്ഭുതപ്പെടുത്തി.
ഏതെങ്കിലും ഹോളിവുഡ് സയൻസ് ഫിക്ഷൻ സിനിമയിലെ വാഹനം പോലെ തോന്നിക്കുന്ന കാറിന്റെ വീഡിയോ അനിരുദ്ധ് രവിശങ്കർ എന്ന ഉപയോക്താവാണ് ട്വീറ്റ് ചെയ്തത്, കാർ നഗരത്തിലെ തെരുവിൽ കണ്ടതാണെന്ന് അവകാശപ്പെടുന്നത്.
ബെംഗളുരുവിലെ തെരുവുകളിൽ എന്ന അടിക്കുറിപ്പും അദ്ദേഹം പോസ്റ്റിന് നൽകി
ബെംഗളൂരു ആസ്ഥാനമായുള്ള മൈനസ് സീറോ എന്ന സ്റ്റാര്‍ട്ടപ്പാണ് ആര്‍ട്ടിഫിഷ്യല്‍ ഇന്റലിജന്‍സ് അടിസ്ഥാനമാക്കിയുള്ള ഡ്രൈവറില്ലാ കാര്‍ ‘zPod’ (സെഡ്പോഡ്) വികസിപ്പിച്ചെടുത്തത്.
സാങ്കേതിക വിദ്യയുടെ സഹായത്തോടെ പ്രവര്‍ത്തിക്കുന്ന ഈ കാര്‍ യാത്രക്കാരുടെ സുരക്ഷയ്ക്കായി നിരവധി സുരക്ഷാ ഫീച്ചറുകള്‍ സജ്ജീകരിച്ചിരിച്ചിട്ടുണ്ട്.
എന്നാല്‍ ഈ വാഹനം വാണിജ്യാടിസ്ഥാനത്തിൽ വിപണിയിലെത്തിക്കാൻ ആയിട്ടില്ലെന്ന് കമ്പനി അറിയിച്ചു. മൈനസ് സീറോ വികസിപ്പിച്ച ZPod വാഹനത്തില്‍ പരമ്പരാഗത വാഹനങ്ങളില്‍ കാണുന്നതുപോലെ മാനുവല്‍ കണ്‍ട്രോളുകള്‍ ഒന്നും കാണാന്‍ സാധിക്കില്ല.
സ്റ്റിയറിംഗ് വീല്‍, ബ്രേക്ക്, ആക്‌സിലറേഷന്‍, ക്ലച്ച് തുടങ്ങിയ പ്രധാന ഫീച്ചറുകളൊന്നും ഇതില്‍ ഉണ്ടാകില്ല. പകരം സ്‌ക്രീന്‍ മാത്രമാണ് നല്‍കിയിരിക്കുന്നത്. ഇപ്പോൾ, പുതിയ മോഡലിന്റെ പരീക്ഷണം ബെംഗളൂരു നിരത്തുകളിലും ആരംഭിച്ചിരിക്കുകയാണ്.
പതിനാലായിരത്തിലധികം കാഴ്‌ചകളോടെ, വീഡിയോ തൽക്ഷണം ട്വിറ്ററിൽ വ്യാപകമായി ഷെയർ ചെയ്യപ്പെടാൻ തുടങ്ങി.
ഒരാൾ ഇതിനെ “ഇന്ത്യൻ സൈബർ ട്രക്ക്” എന്ന് വിളിച്ചപ്പോൾ, വാഹനത്തെക്കുറിച്ചും അത് ഏത് തത്വത്തിലാണ് പ്രവർത്തിക്കുന്നത് എന്നതിനെക്കുറിച്ചും കൂടുതൽ അറിയാൻ പലരും ആഗ്രഹിച്ചു.
ഒരു ഉപയോക്താവ് അഭിപ്രായപ്പെട്ടു, ഇന്ത്യൻ ഗതാഗതത്തിന്റെ ഭാവി കെട്ടിപ്പടുക്കുന്നത് മഹത്തരമാണ്. എന്നാണ്.
അതേസമയം, ബെംഗളൂരുവിലെ താറുമാറായ ട്രാഫിക്കിൽ മടുത്ത ഒരു ഉപയോക്താവ് തമാശയായി പറഞ്ഞു, “ഗാഡി തോ ബാൻ ജായേഗി ബട്ട് ചലനേ കേ ലിയേ റോഡ്സ് നഹി ബനേഗി. എന്നെന്നേക്കുമായി സിൽക്ക് ബോർഡിൽ കുടുങ്ങി!”
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
