ബെംഗളൂരു : മഹാനഗരപാലികെ(ബിബിഎംപി)യുടെ കീഴിലുള്ള ഇന്ദിരാ കന്റീനുകളിൽ റാഗി മുദ്ദെ, പായസം തുടങ്ങിയ വിഭവങ്ങളും എത്തുന്നു. നിലവിൽ പ്രാതലിന് ഇഡ്ഡലി, ഉപ്പുമാവ് എന്നിവയും ഉച്ചയ്ക്കും രാത്രിയും പുലാവ്, വാങ്കിബാത്ത്, ബിസിബെലെ ബാത്ത് തുടങ്ങിയ വിഭവങ്ങളുമാണ് കന്റീനിൽ ലഭിക്കുന്നത്. നഗരവാസികളുടെ പ്രിയഭക്ഷണമായ റാഗി മുദ്ദെ ഉൾപ്പെടെ കൂടുതൽ വിഭവങ്ങൾ അധികം വൈകാതെ ലഭിക്കുമെന്ന് ഇന്ദിരാ കന്റീനുകളുടെ ചുമതലയുള്ള ബിബിഎംപി സ്പെഷൽ കമ്മിഷണർ മനോജ് രാജൻ പറഞ്ഞു.
രുചിയും ഗുണവും കൂടുതലുള്ള പാലക് ഇഡ്ഡലി, റാഗി മുദ്ദെ തുടങ്ങിയ വിഭവങ്ങൾ അധികമായി ഉൾപ്പെടുത്താനാണ് ശ്രമം. റാഗി മുദ്ദെ മെഷീനുകൾ ഉപയോഗിച്ചാണ് തയാറാക്കുക. 250 ഗ്രാം റാഗിമുദ്ദെ 10 രൂപയ്ക്കു ലഭിക്കും. ആദ്യഘട്ടത്തിൽ പരീക്ഷണാടിസ്ഥാനത്തിൽ മൂന്നോ നാലോ വാർഡുകളിലാണ് പുതിയ വിഭവങ്ങൾ ലഭിക്കുക. പിന്നിട് പടിപടിയായി നഗരത്തിലെ എല്ലാ വാർഡുകളിലേക്കും ഇവ വ്യാപിപ്പിക്കും. ദിവസേന 2.25ലക്ഷം പേർ ബെംഗളൂരുവിലെ 168 ഇന്ദിരാ കന്റീനുകളിൽ നിന്നുമായി ഭക്ഷണം കഴിക്കുന്നുണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക.
If you cannot read Malayalam,Download BengaluruVartha Android app from Google play store and Click On the News Reader Button.
