Day: 4 December 2024

ബെംഗളൂരു: പുതുവത്സരാഘോഷത്തിനിടെ നഗരത്തിൽ ഒരുതരത്തിലുള്ള നിയമവിരുദ്ധ പ്രവർത്തനങ്ങളും ഉണ്ടാകാതിരിക്കാനുള്ള മുൻകരുതൽ നടപടിയുടെ ഭാഗമായി മയക്കുമരുന്ന് വിതരണക്കേസിലെ പ്രതികളെയും സംശയാസ്പദമായ വ്യക്തികളെയും റൗഡികളെയും ചോദ്യം ചെയ്തു. പബ്ബുകൾ, വൈൻ സ്റ്റോറുകൾ, ബാറുകൾ & റെസ്റ്റോറൻ്റുകൾ, പ്രാദേശിക ധാബകൾ, ഹോട്ടലുകൾ, ലോഡ്ജുകൾ എന്നിവ സന്ദർശിക്കുന്നുമുണ്ട്. നവംബർ 29, 30 തീയതികളിൽ നഗരത്തിലെ എല്ലാ ഡിവിഷനുകളിലെയും പോലീസ് സ്റ്റേഷൻ പരിധികളിൽ പരിശോധന നടത്തി ജാഗ്രത പുലർത്തുമെന്നും ബെംഗളൂരു സിറ്റി പോലീസ് കമ്മീഷണർ ബി.ദയാനന്ദ് പറഞ്ഞു.

ബെംഗളൂരു : വനത്തിൽനിന്ന് മാനിനെ വെടിവെച്ചുകൊന്ന കേസിൽ രണ്ട് പേരെ പോലീസ് അറസ്റ്റുചെയ്തു. സംഘത്തിലെ ഒരാൾ ഓടി രക്ഷപ്പെട്ടു. കുശാൽനഗറിലെ വനമേഖലയിൽ നായാട്ട് നടത്തിയ സിദ്ധാപുര സ്വദേശിയായ സുനിൽ (34), നാപോക്ക് സ്വദേശി കെ.ഡി. മുത്തണ്ണ (59) എന്നിവരാണ് പിടിയിലായത്. നാപോക് സ്വദേശി എ.എൻ. ശ്യാമാണ് രക്ഷപ്പെട്ടതെന്ന് പോലീസ് അറിയിച്ചു. മൂവരും ചേർന്ന് രണ്ട് മാനുകളെ കൊന്നുവെന്നാണ് കേസ്. തുടർന്ന് മാംസം പങ്കിട്ട് ശരീരാവശിഷ്ടങ്ങൾ കുഴിച്ചു മൂടുകയായിരുന്നുവെന്നും പോലീസ് പറഞ്ഞു. അറസ്റ്റിലായവരെ ജുഡീഷ്യൽ കസ്റ്റഡിയിൽ റിമാൻഡ് ചെയ്തു.  

ബെംഗളൂരു : മുഖ്യമന്ത്രി സിദ്ധരാമയ്യയുടെ ഭാര്യ ബി.എം. പാർവതിക്ക് മൈസൂരു നഗരവികസന അതോറിറ്റി (മുഡ) 14 സൈറ്റുകൾ അനുവദിച്ചതിൽ പല ക്രമക്കേടുകളും നടന്നതായി തെളിവുണ്ടെന്ന് എൻഫോഴ്‌സ്‌മെന്റ് ഡയറക്ടറേറ്റ് (ഇ.ഡി.). ഇതുകൂടാതെ മുഡ അനധികൃതമായി 700 കോടിയിലേറെ രൂപ വിലമതിക്കുന്ന 1095 സൈറ്റുകൾ ബിനാമിപേരുകളിലും മറ്റ് നിയമവിരുദ്ധ ഇടപാടുകളിലും അനുവദിച്ചിട്ടുണ്ടെന്നും അന്വേഷണത്തിൽ ഇ.ഡി. കണ്ടെത്തി. മാനദണ്ഡങ്ങൾക്ക് വിരുദ്ധമായിട്ടാണ് പാർവതിക്ക് ഭൂമികൈമാറിയത്.ഓഫീസ് നടപടിക്രമങ്ങളുടെ ലംഘനം, വ്യാജ ഒപ്പുകൾ, സ്വാധീനംചെലുത്തൽ തുടങ്ങിയവയും അന്വേഷണത്തിൽ കണ്ടെത്തിയിട്ടുണ്ട്. സിദ്ധരാമയ്യയുടെ പേഴ്‌സണൽ അസിസ്റ്റന്റ് എസ്.ജി. ദിനേശ്കുമാർ ഭൂമികൈമാറ്റത്തിൽ അനാവശ്യ സ്വാധീനംചെലുത്തിയതായും അന്വേഷണത്തിൽ കണ്ടെത്തി.…

ബെംഗളൂരു: നിര്‍ദിഷ്ട സ്‌കൈഡെക്കിന്റെ സ്ഥാനം ഹെമിഗേപുരിയില്‍ നിന്നു മാറ്റിയേക്കുമെന്ന് സൂചന. പദ്ധതിക്കായി ഹെമിഗേപുരിയില്‍ നന്ദി ഇന്‍ഫ്രാസ്ട്രക്ചര്‍ കോറിഡോര്‍ എന്റര്‍പ്രൈസസിന്റെ ഉടമസ്ഥതയിലുളള 25 ഏക്കര്‍ ഭൂമി ഏറ്റെടുക്കാന്‍ സര്‍ക്കാര്‍ തീരുമാനിച്ചിരുന്നു.

ബെംഗളൂരൂ : രാജാജി നഗറിൽ ബികോം വിദ്യാർഥിനി ജീവനൊടുക്കിയത് നിക്ഷേപത്തട്ടിപ്പിന് ഇരയായതിനെത്തുടർന്നാണെന്ന് പോലീസ്. കഴിഞ്ഞദിവസമാണ് ബി.കോം വിദ്യാർഥിനിയായ പ്രിയങ്കയെ (26) വീടിന്റെ ബാൽക്കണിയിൽ തൂങ്ങിമരിച്ച നിലയിൽ കണ്ടെത്തിയത്. സംഭവത്തിൽ പോലീസ് അസ്വാഭാവിക മരണത്തിന് കേസെടുത്തിരുന്നു. തുടർന്ന് നടത്തിയ അന്വേഷണത്തിലാണ് പ്രിയങ്ക നിക്ഷേപ തട്ടിപ്പിനിരയായതായി കണ്ടെത്തിയത്. കൂടുതൽതുക വാഗ്ദാനംചെയ്ത് സഹപാഠിയും സുഹൃത്തുമായ ദിഗന്ത് 15 ലക്ഷത്തോളം വിലവരുന്ന സ്വർണാഭരണങ്ങൾ പ്രിയങ്കയിൽ നിന്ന് തട്ടിയെടുത്തതായി പൊലീസ് കണ്ടെത്തി.  

ബെംഗളൂരു : കർണാടകത്തിൽ എൻജിനിയറിങ് സീറ്റ് തട്ടിപ്പ് കേസിൽ കർണാടക പരീക്ഷാ അതോറിറ്റി (കെ.ഇ.എ.) ഉദ്യോഗസ്ഥനുൾപ്പെടെ എട്ടുപേരെ പോലീസ് അറസ്റ്റുചെയ്തു. എൻജിനിയറിങ് കോളേജുകളിലെ ജീവനക്കാരും ഇടനിലക്കാരുമാണ് അറസ്റ്റിലായ മറ്റുള്ളവർ. വിവിധ എൻജിനിയറിങ് കോളേജുകളിൽ 2024-25 വർഷത്തേക്കുള്ള കോഴ്‌സുകളിലെ സീറ്റുകളാണ് ബ്ലോക്ക് ചെയ്തത്. നവംബർ 13-നാണ് സീറ്റ് ബ്ലോക്ക് ചെയ്യുന്ന കാര്യം അറിഞ്ഞത്. ഇതേത്തുടർന്ന് കെ.ഇ.എ. അധികൃതർ മല്ലേശ്വരം പോലീസ് സ്റ്റേഷനിൽ പരാതി നൽകുകയായിരുന്നു. മൂന്ന് സ്വകാര്യ എൻജിനിയറിങ് കോളേജുകളുടെ മാനേജ്‌മെന്റുകളെ ചോദ്യംചെയ്ത് തെളിവുശേഖരിച്ചെന്ന് പോലീസ് പറഞ്ഞു. കോടതിയിൽ ഹാജരാക്കിയ പ്രതികളെ പത്തുദിവസം പോലീസ് കസ്റ്റഡിയിൽ…