Day: 23 October 2024

ബെംഗളൂരു: ഇന്റർനെറ്റും അതുമായി ബന്ധപ്പെട്ട സേവനങ്ങളും എല്ലാ രംഗത്തും വ്യാപകമായതോടെ വ്യക്തികളുടെ സ്വകാര്യത സംബന്ധിച്ചുള്ള ആശങ്കകളും വർധിച്ചു. ഇപ്പോഴിതാ ബെംഗളൂരു നിന്നുള്ള ഒരു യുവതി കഴിഞ്ഞ ദിവസം സോഷ്യല്‍ മീഡിയ പ്ലാറ്റ്ഫോമില്‍ പങ്കുവെച്ച തന്റെ അനുഭവം ഇത്തരത്തിലെ ആശങ്കകള്‍ വർദ്ധിപ്പിക്കുന്നതാണ്. താനുമായി ബന്ധം അവസാനിപ്പിച്ച്‌ പിരിഞ്ഞുപോയ മുൻ കാമുകൻ തന്റെ എല്ലാ വിവരങ്ങളും അപ്പപ്പോള്‍ അറിയുന്നു എന്നായിരുന്നു യുവതിയുടെ പോസ്റ്റ്‌. ബംബ്ള്‍ ഡേറ്റിങ് അപ്പിലൂടെയാണ് യുവതി ഒരു യുവാവിനെ പരിചയപ്പെടുന്നത്. ഒരു ഫുഡ് ഡെലിവറി ആപ്പില്‍ ജോലി ചെയ്യുകയായിരുന്നു അയാള്‍. പിന്നീട് ബന്ധം അവസാനിപ്പിച്ചു.…

ബെംഗളൂരു: ചന്നപട്ടണ നിയമസഭ ഉപതെരഞ്ഞെടുപ്പില്‍ എൻ.ഡി.എ സ്ഥാനാർഥിയായി പരിഗണിച്ചിരുന്ന ബി.ജെ.പി നേതാവ് സി.പി യോഗേശ്വർ കോണ്‍ഗ്രസില്‍ ചേർന്നു. മുഖ്യമന്ത്രി സിദ്ധരാമയ്യയെയും ഉപമുഖ്യമന്ത്രി ഡി.കെ ശിവകുമാറിനെയും സന്ദർശിച്ച ശേഷമാണ് കോണ്‍ഗ്രസ് പ്രവേശനം. ചന്നപട്ടണ ഉപതെരഞ്ഞെടുപ്പില്‍ യോഗേശ്വറിനെ ജെ.ഡി.എസ് ടിക്കറ്റില്‍ മത്സരിപ്പിക്കുന്നതിന്റെ സാധ്യത പരിശോധിക്കാൻ ബി.ജെ.പി അധ്യക്ഷൻ ജെ.പി നദ്ദ തന്നെ വിളിച്ച്‌ ആവശ്യപ്പെട്ടതായി ജെ.ഡി.എസ് നേതാവ് എച്ച്‌.ഡി കുമാരസ്വാമി പാർട്ടി പ്രവർത്തകരോട് വെളിപ്പെടുത്തിയതിന് പിന്നാലെയാണ് കൂടുമാറ്റം. ബി.ജെ.പി ടിക്കറ്റ് നല്‍കിയില്ലെങ്കില്‍ യോഗേശ്വർ കോണ്‍ഗ്രസിലെത്തുമെന്ന് സൂചനയുണ്ടായിരുന്നു. ചന്നപട്ടണയില്‍ യോഗേശ്വർ കോണ്‍ഗ്രസ് സ്ഥാനാർഥിയായേക്കും.

ബെംഗളൂരു: നഗരത്തിൽ നിർമ്മാണത്തിലിരുന്ന കെട്ടിടം തകർന്നുണ്ടായ അപകടത്തില്‍ മരിച്ചവരുടെ എണ്ണം അ‍ഞ്ചായി. ഹർമാൻ (26), ത്രിപാല്‍ (35), മുഹമ്മദ് സഹില്‍ (19), സത്യ രാജു (25), ശങ്കര്‍ എന്നിവരാണ് മരിച്ചത്. അപകടത്തിൽ നിരവധി പേർക്ക് പരിക്കേറ്റിട്ടുണ്ട്. പരിക്കേറ്റവരെ ബംഗളൂരു നോർത്ത് ആശുപത്രിയിലും ഹോസ്മാറ്റ് ആശുപത്രിയിലും പ്രവേശിപ്പിച്ചതായി അധികൃതർ അറിയിച്ചു. കൂടുതല്‍ ആളുകള്‍ കെട്ടിടാവശിഷ്ടങ്ങള്‍ക്കിടയില്‍ കുടുങ്ങിക്കിടക്കുന്നുണ്ടെന്നാണ് വിലയിരുത്തല്‍. ഇവർക്കായുള്ള തിരച്ചില്‍ തുടരുകയാണ്. ഡോഗ് സ്ക്വാഡ് ഉള്‍പ്പെടെയെത്തിയാണ് തിരച്ചില്‍ നടത്തുന്നത്. ഉപമുഖ്യമന്ത്രി ഡി.കെ ശിവകുമാർ അപകട സ്ഥലം സന്ദർശിച്ചു. അപകട സമയത്ത് കെട്ടിടത്തില്‍ 21 പേരുണ്ടായിരുന്നുവെന്നാണ് ലഭിച്ച…