ന്യൂഡല്ഹി: ഇന്ത്യ നാലാമത്തെ ആണവ അന്തര്വാഹിനി പുറത്തിറക്കി. വിശാഖപട്ടണം കപ്പല് നിര്മ്മാണശാലയില് കേന്ദ്ര പ്രതിരോധമന്ത്രി രാജ്നാഥ് സിങ് ആണ് ആണവോര്ജ്ജത്തില് പ്രവര്ത്തിക്കുന്ന ബാലിസ്റ്റിക് മിസൈല് അന്തര്വാഹിനിയുടെ ലോഞ്ച് നിര്വഹിച്ചത്.
ഇന്ത്യയില് തദ്ദേശീയമായി നിര്മ്മിച്ച രണ്ടാമത്തെ ആണവോര്ജ്ജത്തില് പ്രവര്ത്തിക്കുന്ന ബാലിസ്റ്റിക് മിസൈല് അന്തര്വാഹിനിയായ (എസ്എസ്ബിഎന്) ഐഎന്എസ് അരിഘാത് ഓഗസ്റ്റ് 29നാണ് കമ്മീഷന് ചെയ്തത്. ഇന്ത്യയുടെ മൂന്നാമത്തെ എസ്എസ്ബിഎന് അടുത്ത വര്ഷം കമ്മീഷന് ചെയ്യാനാണ് പ്രതിരോധമന്ത്രാലയം പദ്ധതിയിട്ടിരിക്കുന്നത്.
