Month: September 2024

ബെംഗളൂരു : ബെംഗളൂരു – മൈസൂരു പാതയിൽ അപകടമരണങ്ങൾ കുറഞ്ഞത് പോലീസ് ഏർപ്പെടുത്തിയ നിയന്ത്രണങ്ങൾ ഫലവത്തായതായി സൂചിപ്പിക്കുന്നു. 2023 ജനുവരിക്കും ഓഗസ്റ്റിനുമിടയിൽ അപകടങ്ങളിൽ 147 പേർ മരിച്ചപ്പോൾ ഈവർഷം ഇതേ കാലയളവിൽ 50 മരണമാണ് സംഭവിച്ചത്. ഈവർഷം ജനുവരിയിൽ 12 മരണമുണ്ടായി. ഇതിനു ശേഷം ഓരോ മാസവും മരണസംഖ്യ കുറഞ്ഞു വരുകയാണ്. ഓഗസ്റ്റിൽ രണ്ടു മരണമാണുണ്ടായത്. പാതയിൽ ഏർപ്പെടുത്തിയ കർശന നിയന്ത്രണങ്ങൾ കാരണമാണ് അപകടങ്ങൾ കുറഞ്ഞതെന്ന് പോലീസ് വ്യക്തമാക്കി. ഓട്ടോമാറ്റിക് നമ്പർ പ്ലേറ്റ് റെക്കഗ്നിഷൻ ക്യാമറകൾ വഴി വാഹനങ്ങളുടെ വേഗം കണ്ടെത്തി പിഴയീടാക്കാനും കേസെടുക്കാനും…

ബെംഗളൂരു : കനത്ത മഴയെ തുടർന്ന് റായ്ച്ചൂരിൽ 108 ഓളം വീടുകൾ തകർന്നു. ദേവദുർഗ താലൂക്കിൽ 9 വീടുകൾ തകർന്നപ്പോൾ ലിംഗസൂഗൂരിൽ 32 വീടുകൾ തകർന്നു. റായ്ച്ചൂർ താലൂക്കിൻ്റെ വിവിധ ഭാഗങ്ങളിലായി 19 വീടുകൾ തകർന്നു. ആന്ധ്ര-തെലങ്കാന അതിർത്തിയിലുള്ള സിന്ധനൂർ താലൂക്കിൽ 33 വീടുകളും മസ്‌കി താലൂക്കിൽ 9ഉം സിർവാർ താലൂക്കിൽ 4ഉം വീടുകൾ തകർന്നു. റായ്ച്ചൂർ താലൂക്കിലെ ബി.യദ്‌ലാപുര വില്ലേജിലെ ദിവാകറിൻ്റെ വീട് തകർന്നു, പരിക്കേൽക്കാതെ രക്ഷപ്പെട്ടു. ആറ് പേർ താമസിച്ചിരുന്ന വീട് പൂർണമായും തകർന്നു. 40 വർഷം പഴക്കമുള്ള മൺ വീടാണ്…

ബംഗളൂരു; കര്‍ണാടക മുഖ്യമന്ത്രി സിദ്ധരാമയ്യയുടെ സോഷ്യല്‍ മീഡിയ ടീമിന്റെ ഒരുമാസത്തെ ശമ്പളം 54 ലക്ഷം രൂപ. വിവരാവകാശ മറുപടിയിലാണ് വെളിപ്പെടുത്തല്‍. സിദ്ധരാമയ്യയുടെ സോഷ്യല്‍ മീഡിയ പ്ലാറ്റ്‌ഫോമുകളുടെ മേല്‍നോട്ടം നിര്‍വഹിക്കുന്നതിനായി 35 അംഗങ്ങള്‍ അടങ്ങിയ ടീമാണ് പ്രവര്‍ത്തിക്കുന്നതെന്നും മറുപടിയില്‍ പറയുന്നു. സര്‍ക്കാരിന്റെ ഉടമസ്ഥതയിലുള്ള കര്‍ണാടക സ്റ്റേറ്റ് മാര്‍ക്കറ്റിങ് കമ്യൂണിക്കേഷന്‍ 2023 ഒക്ടോബര്‍ മുതല്‍ 2024 മാര്‍ച്ച് വരെ ഏകദേശം 3.18 കോടി രൂപ ചെലവഴിച്ചതായും വിവരാവകാശ മറുപടിയില്‍ പറയുന്നു. സിദ്ധരാമയ്യയും ഭാര്യയും ഉള്‍പ്പെട്ട മൈസൂരു അര്‍ബന്‍ ഡെവലപ്മെന്റ് അതോറിറ്റി (മുഡ) സൈറ്റ് അലോട്ട്മെന്റ് അഴിമതിയുമായി ബന്ധപ്പെട്ട…

ബെംഗളൂരു: ബൈക്കും ടിപ്പറും കൂട്ടിയിടിച്ച് ബൈക്ക് യാത്രികൻ മരിച്ചു. നാഗരാജ ചന്നദാസറാണ് (30) നിർഭാഗ്യവശാൽ മരിച്ചത്. ബാഗൽകോട്ടിലെ ദേശീയപാത 218ൽ കേരൂരിന് സമീപം ബടകുർക്കി ക്രോസിലാണ് സംഭവം. ബാഗൽകോട്ട് നവനഗർ വാംബെ കോളനിയിലെ താമസക്കാരനാണ് നാഗരാജ്. ടിപ്പർ കൂട്ടിയിടിച്ച് ഗുരുതരമായ രക്തസ്രാവത്തെ തുടർന്നാണ് നാഗരാജ് മരിച്ചത്. കേരൂര പോലീസ് സ്ഥലത്തെത്തി പരിശോധന നടത്തി. മൃതദേഹം പോസ്റ്റ്‌മോർട്ടത്തിന് അയച്ചിട്ടുണ്ട്. കേരൂര പോലീസ് സ്റ്റേഷൻ പരിധിയിലാണ് സംഭവം.

ബെംഗളൂരു : കുടിശ്ശിക ലഭിക്കാത്തതിൽ പ്രതിഷേധിച്ച് ബൃഹത് ബെംഗളൂരു മഹാനഗര പാലികെയുടെ (ബി.ബി.എം.പി.) കെട്ടിട നിർമാണ കരാറുകാർ അനിശ്ചിതകാല സമരം ആരംഭിച്ചു. ഇതേത്തുടർന്ന് കോർപ്പറേഷന്റെ പരിധിയിലെ വിവിധ നിർമാണ പ്രവർത്തനങ്ങളെ ബാധിച്ചു. 25 ശതമാനം തുകയാണ് കോർപ്പറേഷൻ പിടിച്ചു വെച്ചിരിക്കുന്നതെന്നും 2021 മുതലുള്ള തുക ലഭിക്കാനുണ്ടെന്നും ബി.ബി.എം.പി. വർക്കിങ് കോൺട്രാക്ടേഴ്‌സ് അസോസിയേഷൻ പ്രസിഡന്റ് കെ.ടി. മഞ്ജുനാഥ് പറഞ്ഞു. ആവശ്യം അംഗീകരിക്കാതെ സമരം പിൻവലിക്കില്ലെന്നും അദ്ദേഹം വ്യക്തമാക്കി.