Month: September 2024

ബെംഗളൂരു : പഴയവാഹനങ്ങളുടെ പുക നിയന്ത്രിക്കാൻ നടപടിയെടുക്കാത്ത കുറ്റത്തിന് കർണാടക മലിനീകരണ നിയന്ത്രണ ബോർഡിന് ദേശീയ ഹരിത ട്രിബ്യൂണൽ 10,000 രൂപ പിഴ ചുമത്തി. ട്രിബ്യൂണലിന്റെ ദക്ഷിണ മേഖലാ ബെഞ്ചിന്റേതാണ് നടപടി. പത്ത് വർഷത്തിലധികം പഴക്കമുള്ള വാഹനങ്ങളുടെ പുക നിയന്ത്രിക്കാനുള്ള നടപടികൾ ബോർഡ് സ്വീകരിക്കുന്നില്ലെന്ന് ചൂണ്ടിക്കാട്ടി ബെംഗളൂരു സ്വേദശി സി.എസ്. കൃഷ്ണൻ നൽകിയ ഹർജിയിലാണ് ഉത്തരവ്. വിഷയത്തിൽ സ്വീകരിച്ച നടപടികളുടെ റിപ്പോർട്ട് സമർപ്പിക്കാൻ നേരത്തെ ട്രിബ്യൂണൽ ആവശ്യപ്പെട്ടിരുന്നെങ്കിലും നൽകിയില്ല. തുടർന്നാണ് പിഴ വിധിച്ചത്. ഹർജി സെപ്റ്റംബർ 20-ന് വീണ്ടും പരിഗണിക്കുമ്പോൾ ബോർഡിനോടും സർക്കാരിനോടും റിപ്പോർട്ട്…

ബെംഗളൂരു : ഓടിക്കൊണ്ടിരുന്ന ഓട്ടോറിക്ഷയുടെ മുകളിൽ മരം പൊട്ടിവീണ് ഡ്രൈവർക്ക് ദാരുണാന്ത്യം. ബെംഗളൂരു പാദരായണപുര സ്വദേശി കലീം ഖാൻ(60)ആണ് മരിച്ചത്. ജയനഗർ നാലാം ബ്ലോക്കിൽ ബുധനാഴ്ച രാവിലെയാണ് അപകടമുണ്ടായത്. ഗുരുതരമായി പരിക്കേറ്റ കലീം ഖാൻ ചികിത്സയ്ക്കിടെ വൈകീട്ട് ആശുപത്രിയിൽ മരിക്കുകയായിരുന്നു. റോഡരികിലെ ഗുൽമോഹർ മരത്തിന്റെ ശിഖരമാണ് ഓട്ടോറിക്ഷയ്ക്കുമുകളിലേക്ക് പൊട്ടിവീണത്. കലീം ഖാന്റെ ബന്ധുക്കൾക്ക് അഞ്ച് ലക്ഷം രൂപ നഷ്ടപരിഹാരം നൽകുമെന്ന് ബി.ബി.എം.പി. അറിയിച്ചു. അടുത്തിടെ രണ്ടാമത്തെ സംഭവമാണിത്. കഴിഞ്ഞമാസം 16-ന് നഗരത്തിലെ വിജയനഗറിൽ ഓട്ടോറിക്ഷയുടെ മുകളിലേക്ക് മരം വീണ് ഓട്ടോ ഡ്രൈവർ മരിച്ചിരുന്നു.

ബെംഗളൂരു : ബീദർ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിൽ നവജാത ശിശുക്കളെ പരിചരിക്കുന്ന നിയോനറ്റൽ ഇന്റൻസീവ് കെയർ യൂണിറ്റിൽ ഓക്സിജൻ വിതരണം മുടങ്ങി. ഇതേത്തുടർന്ന് യൂണിറ്റിൽ ചികിത്സയിലുണ്ടായിരുന്ന 40 നവജാത ശിശുക്കളെ മറ്റ് ആശുപത്രികളിലേക്കുമാറ്റി. മാസംതികയാതെ ജനിച്ചതും രോഗാവസ്ഥയിലുള്ളതുമായ ശിശുക്കളാണ് ചികിത്സയിലുണ്ടായിരുന്നത്. ഓക്സിജൻ സഹായത്തോടെയായിരുന്നു ശിശുക്കളെ പരിചരിച്ചുവന്നത്. കനത്ത മഴയിൽ ആശുപത്രിയിലെ ജനറേറ്റർ തകരാറിലായതിനെത്തുടർന്ന് വൈദ്യുതിബന്ധം വിച്ഛേദിക്കപ്പെട്ടതോടെയാണ് ഓക്സിജൻ വിതരണം മുടങ്ങിയതെന്ന് ആശുപത്രി അധികൃതർ പറഞ്ഞു. ആശുപത്രിയുടെ താഴെ നിലയിലുള്ള ജനറേറ്റർ മുറിയിൽ വെള്ളംകയറിയിരുന്നു. 40 ശിശുക്കളാണ് നിയോനറ്റൽ ഇന്റൻസീവ് കെയർ യൂണിറ്റിൽ ചികിത്സയിലുണ്ടായിരുന്നത്.…

ബെംഗളൂരു : റായ്ചൂരുവിൽ സ്കൂൾവാനും കെ.എസ്.ആർ.ടി.സി. ബസും കൂട്ടിയിടിച്ച് രണ്ടുകുട്ടികൾക്ക് ദാരുണാന്ത്യം. വാനിലുണ്ടായിരുന്ന സമർഥ് (7), ശ്രീകാന്ത് (12) എന്നിവരാണ് മരിച്ചത്. 30 കുട്ടികളുൾപ്പെടെ 40 പേർക്ക് പരിക്കേറ്റു. മൂന്നുകുട്ടികളുടെ നില ഗുരുതരമാണ്. ഇവർ റായ്ചൂരു ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിൽ ചികിത്സയിലാണ്. ഇവരെക്കൂടാതെ 14 കുട്ടികളുടെ പരിക്ക് സാരമുള്ളതാണ്. റായ്ചൂരുവിലെ കാപാൽ ഗ്രാമത്തിൽ വ്യാഴാഴ്ച രാവിലെയായിരുന്നു അപകടം. മാൻവിയിലെ ലയോള സ്കൂളിന്റെ വാനാണ് അപകടത്തിൽപ്പെട്ടത്. കുട്ടികളുമായി സ്കൂളിലേക്കുപോകുകയായിരുന്ന വാൻ റായ്ചൂരുവിൽനിന്ന് മാൻവിയിലേക്ക്‌ വരുകയായിരുന്ന ബസുമായി കൂട്ടിയിടിക്കുകയായിരുന്നു. വാനിന്റെ മുൻഭാഗം പൂർണമായും തകർന്നു. പരിക്കേറ്റവരിൽ…

ബെംഗളൂരു : ബെംഗളൂരു കെംപെഗൗഡ അന്താരാഷ്ട്ര വിമാനത്താവളത്തിൽനിന്ന് 100 സ്ഥലങ്ങളിലേക്ക് നേരിട്ട് വിമാന സർവീസുകളായി. ഇതിൽ 72 എണ്ണം ആഭ്യന്തര ഡെസ്റ്റിനേഷനും 28 എണ്ണം അന്താരാഷ്ട്ര ഡെസ്റ്റിനേഷനുമാണ്. ഇൻഡിഗോയുടെ ജബൽപുരിലേക്കുള്ള സർവീസാണ് കെംപെഗൗഡ വിമാനത്താവളത്തിൽനിന്ന് അവസാനം ആരംഭിച്ച സർവീസ്. ദക്ഷിണേന്ത്യയിലേക്കും മധ്യ ഇന്ത്യയിലേക്കും സ്വാഭാവിക കവാടമാകാനുള്ള ശ്രമത്തിലെ സുപ്രധാന നാഴികക്കല്ലാണിതെന്ന് ബെംഗളൂരു ഇന്റർനാഷണൽ എയർപോർട്ട് ലിമിറ്റഡ് (ബി.ഐ.എ.എൽ.) ചീഫ് ഓപ്പറേറ്റിങ് ഓഫീസർ സത്യകി രഘുനാഥ് പറഞ്ഞു. വിമാനത്താവളം തുടങ്ങി ആദ്യവർഷത്തെ 90 ലക്ഷം യാത്രക്കാരിൽനിന്ന് ഇപ്പോൾ നാലു കോടി യാത്രക്കാരായെന്നും രണ്ടു ടെർമിനലുകളായെന്നും അദ്ദേഹം…