Day: 30 September 2024

ബെംഗളൂരു: ആരാധകനെ കൊലപ്പെടുത്തിയ കേസില്‍ ജയിലില്‍ കഴിയുന്ന കന്നഡ സൂപ്പർതാരം ദർശൻ്റെ അഭിഭാഷകൻ വാദങ്ങള്‍ നിരത്താൻ കൂടുതല്‍ സമയം ആവശ്യപ്പെട്ടതിനെത്തുടർന്ന് ജാമ്യാപേക്ഷ പരിഗണിക്കുന്നത് കോടതി ഒക്ടോബർ നാലിലേക്ക് മാറ്റി. കുറ്റപത്രം സമർപ്പിച്ചതിന് ശേഷം സമർപ്പിച്ച ജാമ്യാപേക്ഷയില്‍, താൻ നിരപരാധിയാണെന്നും കേസില്‍ ‘ഫിക്സ്’ ആയെന്നും ജാമ്യാപേക്ഷയില്‍ പറയുന്നു. രേണുകസ്വാമിയുടെ തലയ്‌ക്കേറ്റ വലിയ മുറിവ് ഒഴികെ വലിയ മുറിവുകളൊന്നും കണ്ടെത്തിയിട്ടില്ല. കോടതിയില്‍ നല്‍കിയ മൊഴികളും മെഡിക്കല്‍ റിപ്പോർട്ടും തമ്മില്‍ വൈരുദ്ധ്യമുണ്ട്. തെളിവുകളില്ല. ദർശൻ കൊലപാതകക്കുറ്റം ചെയ്തതായി തെളിയിക്കുക, കേസില്‍ ദർശനെതിരെ അധികാരികള്‍ തെളിവുകള്‍ സൃഷ്ടിച്ചു,” ജാമ്യാപേക്ഷയില്‍ പറയുന്നു.…

ബെംഗളൂരു: ക്ഷേത്രത്തിൽ കാണിക്ക എണ്ണുന്നതിനിടെ പണം മോഷ്ടിച്ച് ക്ഷേത്ര ജീവനക്കാർ. ജീവനക്കാർ പണം മോഷ്ടിക്കുന്നതിന്റെ വിഡിയോ സമൂഹ മാധ്യമങ്ങളിൽ വൈറലായി. ബെംഗളൂരുവിലെ ബ്യാതരായണപുരയിലെ ഗാലി ആഞ്ജനേയ സ്വാമി ക്ഷേത്രത്തിലാണ് സംഭവം. സംഭവത്തിൽ പോലീസ് അന്വേഷണം ആരംഭിച്ചു. വിഡിയോയിൽ അടുക്കി വെച്ചിരിക്കുന്ന പണത്തിന് സമീപം ജീവനക്കാരൻ നിൽക്കുന്നത് കാണാം. പിന്നീട് ഇയാൾ പണമെടുത്ത് പോക്കറ്റിൽ വെക്കുന്നതും കാണാം. അടുത്ത വിഡിയോയിൽ ഇതേ ആൾ പണം മോഷ്ടിക്കുന്നതും മറ്റൊരാൾക്ക് കൈമാറുന്നതും കാണാം. മറ്റൊരു വിഡിയോയിൽ പണവുമായി നിൽക്കുന്ന ഒരാൾ ബാഗിലേക്ക് പണം മാറ്റുന്നതും കസേരയിൽ ഇരിക്കുന്ന ഒരാൾക്ക്…

ബെംഗളൂരു: മുഖ്യമന്ത്രി സിദ്ധരാമയ്യക്കെതിരെ ഇഡി അന്വേഷണം. മുഡ ഭൂമിയിടപാടുമായി ബന്ധപ്പെട്ട് കള്ളപ്പണം വെളുപ്പിക്കല്‍ കുറ്റം ചുമത്തിയാണ് പ്രാഥമിക അന്വേഷണം. സിദ്ധരാമയ്യക്കെതിരെ നേരത്തെ സംസ്ഥാന ലോകായുക്ത കേസെടുത്തിരുന്നു. ഇതിന്റെ അടിസ്ഥാനത്തിലാണ് ഇഡിയും അന്വേഷണം പ്രഖ്യാപിച്ചിരിക്കുന്നത്. സിദ്ധരാമയ്യക്കെതിരെ എഫ്‌ഐആറിന് സമാനമായ എൻഫോഴ്സ്മെന്റ് കേസ് ഇൻഫർമേഷൻ റിപ്പോർട്ട് ഇഡി ഫയല്‍ ചെയ്തു. സിദ്ധരാമയ്യ, ഭാര്യ ബിഎൻ പാർവതി, ഭാര്യ സഹോദരൻ മല്ലികാർജുന സ്വാമി, മല്ലികാർജുന സ്വാമി സ്ഥലം വാങ്ങിയ ദേവരാജു എന്നിവർക്ക് എതിരെയാണ് പ്രാഥമിക അന്വേഷണം. സിദ്ധരാമയ്യ അടക്കം 4 പേർക്ക് എതിരെയും ചുമത്തിയിരിക്കുന്നത് കള്ളപ്പണം വെളുപ്പിക്കല്‍ നിരോധനനിയമ…

ബെംഗളൂരു : ബെംഗളൂരു-മൈസൂരു ദേശീയ പാതയിൽ മണ്ഡ്യയിലെ സാൻജോ ആശുപത്രിക്ക് സമീപം വൻ അപകടം . അപകടത്തിൽ 20ലധികം പേർക്ക് പരിക്കേറ്റിട്ടുണ്ട്, ഇവരുടെ നില ഗുരുതരമാണ്. ബംഗളുരുവിൽ നിന്ന് മണ്ഡ്യ ഭാഗത്തേക്ക് വരികയായിരുന്ന കെ.എസ്ആർടിസി ബസ് ഹൈവേയിൽ നിന്ന് സർവീസ് റോഡിലേക്ക് വരുന്നതിനിടെ ഡ്രൈവർക്ക് നിയന്ത്രണം വിട്ട് നിന്നിരുന്ന കണ്ടെയ്‌നറിൽ ഇടിച്ച് മറിയുകയായിരുന്നു. പരിക്കേറ്റവരെ മണ്ഡ്യയിലെ മിംസ് ആശുപത്രിയിൽ പ്രവേശിപ്പിച്ചു. മണ്ഡ്യ റൂറൽ പോലീസ് സ്റ്റേഷൻ പരിധിയിലാണ് സംഭവം. നിലവിൽ രക്ഷാപ്രവർത്തനങ്ങൾ നടക്കുന്നു