ബെംഗളൂരു: ഇന്ജക്ഷന് ഡോസ് കൂടിപ്പോയതിനാല് ഏഴ് വയസ്സുകാരന് മരിച്ചതായി പരാതി. കര്ണാടകയിലെ ചിക്കമംഗളൂരു ജില്ലയിലാണ് സംഭവം.
സോനേഷ് എന്ന ഏഴ് വയസ്സുകാരനാണ് മരിച്ചത്. സോനേഷിന്റെ അച്ഛന് അശോകന് അജ്ജംപുര പൊലീസ് സ്റ്റേഷനില് നല്കിയ പരാതിയെ തുടര്ന്ന് ഡോക്ടര്ക്കെതിരെ കേസെടുത്തു.
കടുത്ത പനിയെ തുടര്ന്നാണ് സോനേഷിനെ ആശുപത്രിയില് പ്രവേശിപ്പിച്ചത്. കുത്തവെയ്പ്പ് നല്കി ഡോക്ടര് വരുണ് കുട്ടിയെ വീട്ടിലേക്ക് തിരിച്ചയച്ചു.
വീട്ടിലെത്തിയപ്പോഴേക്കും സോനേഷിന്റെ ശരീരത്തില് കുമിളകള് കണ്ടെത്തി. പിന്നാലെ ശിവമോഗയിലെ സ്വകാര്യ ആശുപത്രിയിലേക്ക് മാറ്റി.
വെള്ളിയാഴ്ചയാണ് കുട്ടിയുടെ മരണം സംഭവിച്ചത്. മരുന്നിന്റെ ഡോസ് കൂടിയതാണ് മകന്റെ മരണത്തിന് കാരണമെന്ന് മാതാപിതാക്കള് പൊലീസില് പരാതി നല്കി.
ആയുര്വേദ ഡോക്ടറാണ് (ബിഎഎംഎസ്) വരുണെന്നും രോഗികള്ക്ക് കുത്തിവയ്പ്പ് നല്കാനുള്ള അധികാരമില്ലെന്നും പ്രാഥമിക അന്വേഷണത്തില് കണ്ടെത്തിയതായി മാധ്യമങ്ങള് റിപ്പോര്ട്ട് ചെയ്തു. പൊലീസ് കേസെടുത്ത് അന്വേഷണം തുടങ്ങി.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
