Day: 25 September 2024

ബെംഗളൂരു: ഉഡുപ്പി ജില്ലയിലെ യെഡ്‌തരെ ഗ്രാമത്തിലെ തടാകത്തില്‍ നീന്തുന്നതിനിടെ രണ്ട് സ്‌കൂള്‍ വിദ്യാർത്ഥികള്‍ മുങ്ങി മരിച്ചു. മരിച്ചവർ പ്രദേശവാസികളാണെന്നാണ് സൂചന. ചൊവ്വാഴ്ച സ്‌കൂള്‍ പരീക്ഷ പൂർത്തിയാക്കിയതിന് തൊട്ടുപിന്നാലെയാണ് സംഭവം നടന്നതെന്ന് പോലീസ് പറഞ്ഞു. ഇരുവരും ബൈന്ദൂർ ഗവണ്‍മെൻ്റ് ഹൈസ്‌കൂള്‍ വിദ്യാർത്ഥികളായിരുന്നു. പോലീസും ഫയർഫോഴ്‌സും ചേർന്ന് ചൊവ്വാഴ്ച രാത്രി തിരച്ചില്‍ നടത്തി മൃതദേഹങ്ങള്‍ പുറത്തെടുത്തു.

ബെംഗളൂരു: മണ്ണിടിച്ചിലിൽ കാണാതായ അർജുന്റെ ലോറിയുടെ കണ്ടെത്തി. ലോറിയുടെ ക്യാബിൻ ഭാഗമാണ് കണ്ടെത്തിയത്. ഉള്ളിൽ ഒരു മൃതദേഹം ഉണ്ടെന്നാണ് പുറത്ത് വരുന്ന റിപ്പോർട്ടുകൾ. അർജുന്റെ ബോഡിയും ലോറിയിലുണ്ടെന്ന് ലോറി ഉടമ മനാഫ് പറഞ്ഞു. മനാഫ് ലോറി സ്ഥിരീകരിച്ചിട്ടുണ്ട്. രാവിലെ നടത്തിയ തിരച്ചിലിൽ കൂടുതൽ ലോഹഭാഗങ്ങൾ കണ്ടെത്തിയിരുന്നു. കണ്ടെത്തിയത് അർജുൻ സഞ്ചരിച്ചിരുന്ന ലോറിയുടെ ക്രാഷ് ഗാർഡ് ആണെന്ന് സംശയിക്കുന്നതായി ലോറി ഉടമ മനാഫ് പറഞ്ഞിരുന്നു.