Month: August 2024

ബെംഗളൂരു : പ്രസിഡന്റ്, വൈസ് പ്രസിഡന്റ് സ്ഥാനത്തേക്കുള്ള തിരഞ്ഞെടുപ്പ് നടക്കാനിരിക്കെ ബെലഗാവിയിൽ ബി.ജെ.പി. ടൗൺ പഞ്ചായത്ത് അംഗത്തെ തട്ടിക്കൊണ്ടുപോയി. വ്യാഴാഴ്ച രാത്രിയാണ് പഞ്ചായത്തംഗം നാഗരാജ് അസുണ്ടിയെ ഒരുസംഘമാളുകൾ തട്ടിക്കൊണ്ടുപോയത്. ചൊവ്വാഴ്ചയാണ് തിരഞ്ഞെടുപ്പ്. 18 അംഗങ്ങളിൽ ബി.ജെ.പി.ക്ക് ഒൻപത് സീറ്റും കോൺഗ്രസിന് അഞ്ചുസീറ്റും നാല് സ്വതന്ത്രരുമാണുള്ളത്. സ്വതന്ത്രർ കോൺഗ്രസിനാണ് പിന്തുണ നൽകുന്നത്. അധികാരത്തിലെത്താൻ കോൺഗ്രസാണ് തട്ടിക്കൊണ്ടുപോയതെന്ന് ബി.ജെ.പി. നേതാക്കൾ ആരോപിച്ചു. വ്യാഴാഴ്ച രാത്രി നഗരത്തിൽ നിൽക്കുമ്പോൾ കാറിലെത്തിയ സംഘം നാഗരാജിനെ തട്ടിക്കൊണ്ടുപോവുകയായിരുന്നു. ഇതേത്തുടർന്ന് ബി.ജെ.പി. പ്രവർത്തകർ ചന്നമ്മ കിട്ടൂർ പോലീസ് സ്റ്റേഷനു മുന്നിലെത്തി പോലീസിനെതിരേ മുദ്രാവാക്യം…

ജോലിക്കായി വ്യാജ മാർക്ക് കാർഡ്: 37 ഉദ്യോഗാർഥികൾ അറസ്റ്റിൽ ബെംഗളൂരു : കർണാടക ജലവിഭവവകുപ്പിൽ നേരിട്ടുള്ള റിക്രൂട്ട്‌മെന്റ് വഴി ജോലിയിൽ പ്രവേശിക്കാൻ വ്യാജരേഖകൾ സമർപ്പിച്ച 37 പേരെ ബെംഗളൂരു സെൻട്രൽ ക്രൈംബ്രാഞ്ച് (സി.സി.ബി.) അറസ്റ്റുചെയ്തു. രണ്ടാംവർഷ പി.യു.സി. പരീക്ഷയുടെ മാർക്ക് കാർഡാണ് വ്യാജമായി നിർമിച്ച് അപേക്ഷയോടൊപ്പം സമർപ്പിച്ചത്. 2022 ഒക്ടോബറിലാണ് 182 തസ്തികകളിലേക്ക് ജലവിഭവവകുപ്പ് ഓൺലൈനായി അപേക്ഷ ക്ഷണിച്ചത്. ക്രമക്കേട് തോന്നിയതിനെത്തുടർന്ന് 2023 ജൂലായ് 28-ന് ജലവിഭവവകുപ്പ് സി.സി.ബി.ക്ക് പരാതി നൽകി. തുടർന്ന് കേസെടുത്ത് അന്വേഷണം നടത്തിയപ്പോൾ 62 ഉദ്യോഗാർഥികൾ 12-ാം ക്ലാസിന്റെ വ്യാജ…

ബെംഗളൂരു : കൊപ്പാളിലെ അഞ്ജനാദ്രിക്കടുത്തുള്ള ഗംഗാവതി ടൗണിൽ ഗദയുടെയും വില്ലിന്റെയും മാതൃകകളോടെ സ്ഥാപിച്ച തെരുവുവിളക്കുകൾ നീക്കംചെയ്യാൻ കർണാടക റവന്യു വകുപ്പ് ഉത്തരവിട്ടതിനെച്ചൊല്ലി വിവാദം. എസ്.ഡി.പി.ഐ. പ്രവർത്തകർ കൊപ്പാൾ ഡെപ്യൂട്ടി കമ്മിഷണർക്ക് നൽകിയ പരാതിയെത്തുടർന്നാണ് ഇവ നീക്കംചെയ്യാൻ തഹസിൽദാർ ഉത്തരവിട്ടത്. കർണാടക റൂറൽ ഇൻഫ്രാസ്‌ട്രക്ചർ ഡിവലപ്‌മെന്റ് കോർപ്പറേഷനാണ് തെരുവുവിളക്കുകൾ സ്ഥാപിച്ചത്. മതചിഹ്നങ്ങളുടെ മാതൃകയിൽ തെരുവുവിളക്കുകൾ സ്ഥാപിച്ചതിന് കോർപ്പറേഷന്റെ എൻജിനിയർമാരുടെ പേരിൽ കേസെടുക്കാനും നിർദേശിച്ചു. വിവാദമായതിനെത്തുടർന്ന് തഹസിൽദാർ ഉത്തരവ് പിൻവലിച്ചു. തെരുവുവിളക്കിന്റെ മുകളിൽ സ്ഥാപിച്ച ഗദയുടെയും വില്ലിന്റെയും മാതൃകകളാണ് വിവാദമുയർത്തിയത്. തഹസിൽദാറുടെ നടപടിയെ വിമർശിച്ച് ബി.ജെ.പി. രംഗത്തെത്തി.…

ബെംഗളൂരു : ജെ.ഡി.എസ്. എം.എൽ.എ.യും മുൻമന്ത്രിയുമായ എച്ച്.ഡി. രേവണ്ണയ്ക്കെതിരായ ലൈംഗിക പീഡനക്കസ് റദ്ദാക്കണമെന്നാവശ്യപ്പെട്ടുള്ള ഹർജി ഹൈക്കോടതി സെപ്റ്റംബർ 19-ന് വാദം കേൾക്കാനായി മാറ്റി. എച്ച്.ഡി. രേവണ്ണ സമർപ്പിച്ച ഹർജിയാണ് മാറ്റിയത്. അതുവരെ ജനപ്രതിനിധികളുടെ പ്രത്യേക കോടതിയിൽ രേവണ്ണയുടെപേരിലുള്ള കേസിൽ നടപടിയെടുക്കരുതെന്ന് നിർദേശിച്ചു. രേവണ്ണയുടെ വീട്ടിലെ മുൻ ജീവനക്കാരി നൽകിയ പരാതിയിൽ ഹാസൻ ഹൊളെനരസിപുര പോലീസാണ് കേസെടുത്തത്. മകനും ജെ.ഡി.എസ്. മുൻ എം.പി.യുമായ പ്രജ്ജ്വൽ രേവണ്ണയുടെ അശ്ലീലവീഡിയോയിൽ ഉൾപ്പെട്ട അതിജീവിതയെ തട്ടിക്കൊണ്ടുപോയ കേസിൽ രേവണ്ണയെ നേരത്തെ അറസ്റ്റുചെയ്തിരുന്നു. പിന്നീട് ജാമ്യത്തിലിറങ്ങി. പീഡനക്കേസിൽ അറസ്റ്റിലായ പ്രജ്ജ്വൽ ഇപ്പോഴും…

തിരുവനന്തപുരം: വാഹനത്തിലെ എംഎല്‍എ ബോര്‍ഡ് നീക്കി മുകേഷ്. എംഎല്‍എ ബോര്‍ഡ് നീക്കിയ വാഹനത്തിലാണ് ഇന്നലെ രാവിലെ തിരുവനന്തപുരത്തെ വീട്ടില്‍ നിന്നും മുകേഷ് പുറപ്പെട്ടത്. കനത്ത പൊലീസ് സുരക്ഷയിലാണ് യാത്ര. എന്നാല്‍ എങ്ങോട്ടേക്കാണ് യാത്രയെന്നതില്‍ വ്യക്തതയില്ല. ലൈംഗികാതിക്രമ പരാതിയില്‍ മുകേഷിന്റെ രാജി ആവശ്യം ശക്തമായിരിക്കെയാണ് വാഹനത്തില്‍ നിന്നും എംഎല്‍എ ബോര്‍ഡ് നീക്കിയത്. പോകുന്നവഴികളില്‍ പ്രതിഷേധ സാധ്യത കണക്കിലെടുത്ത് കൂടിയാവാം ബോര്‍ഡ് നീക്കിയതെന്നും സൂചനയുണ്ട്. മുകേഷിന്റെ രാജി സംബന്ധിച്ച നിര്‍ണ്ണായക ദിനമാണിന്ന്. മുകേഷ് നിയമസഭാംഗത്വം രാജിവെയ്ക്കണമെന്ന സിപിഐയുടെ ആവശ്യം ഇന്നലെ സിപിഐഎം സംസ്ഥാന സെക്രട്ടറിയേറ്റ് ചര്‍ച്ച ചെയ്യും.…