Month: July 2024

ബെംഗളൂരു : സാമൂഹികമാധ്യമത്തിൽ മുസ്‌ലിംവിരുദ്ധ പോസ്റ്റ് പ്രചരിപ്പിച്ച സംഭവത്തിൽ കോലാറിൽ രണ്ടുപേരെ പോലീസ് അറസ്റ്റുചെയ്തു. പ്രാദേശിക ബി.ജെ.പി. നേതാവായ നവീൻ ജെയിൻ, വ്യാപാരിയായ ചേതൻ ബണ്ഡ്യ എന്നിവരാണ് അറസ്റ്റിലായത്. നികുതിയടയ്ക്കുന്നതുമായി ബന്ധപ്പെട്ട് മുസ്‌ലിം സമുദായത്തെ വിമർശിച്ചുള്ള കാർട്ടൂണാണ് ഇരുവരും ഫെയ്‌സ്ബുക്കിൽ പോസ്റ്റുചെയ്തത്. ഇതേത്തുടർന്ന് മുസ്‌ലിംസമുദായംഗങ്ങൾ ഇരുവരെയും അറസ്റ്റുചെയ്യണമെന്നാവശ്യപ്പെട്ട് കോലാർ റോബർട്‌സൺ പോലീസ് സ്റ്റേഷനുമുന്നിൽ പ്രതിഷേധിച്ചു. ഡിവൈ.എസ്.പി. പാണ്ഡുരംഗ സ്ഥലത്തെത്തി സമുദായനേതാക്കളുമായി ചർച്ചനടത്തി സമാധാനാന്തരീക്ഷം നിലനിർത്തണമെന്ന് ആവശ്യപ്പെട്ടു. പിന്നീടാണ് പ്രതികളെ അറസ്റ്റുചെയ്യാനുള്ള നടപടികളുണ്ടായത്.

ബെംഗളൂരു: ഭാര്യയ്ക്ക് മുഡ ഭൂമി അനുവദിച്ചത് നിയമപരമായാണെന്ന് സിദ്ധരാമയ്യ ആവർത്തിച്ചു. തനിക്കോ കുടുംബാംഗങ്ങൾക്കോ പങ്കില്ല. ഭാര്യയുടെ ഭൂമിക്കുപകരം ഭൂമി നൽകിയത് മുഡയുടെ മാത്രം തീരുമാനപ്രകാരമാണെന്ന് അദ്ദേഹം പത്രസമ്മേളനത്തിൽ പറഞ്ഞു. ഇതിന്റെ രേഖകൾ മാധ്യമപ്രവർത്തകരെ കാണിച്ചു. 40 കൊല്ലത്തെ തന്റെ പൊതുജീവിതത്തിൽ ഇതുവരെ ഒരു കളങ്കവും ഉണ്ടായിട്ടില്ലെന്നും തന്റെ ജീവിതം തുറന്ന പുസ്തകമാണെന്നും അദ്ദേഹം പറഞ്ഞു.

ബെംഗളൂരു: അർജുന് വേണ്ടിയുള്ള തിരച്ചിലിനിടെ മറ്റൊരു സ്ഥലത്ത് നിന്നു കൂടി സിഗ്നല്‍ ലഭിച്ചതായി ദൗത്യസംഘം. ഗംഗാവാലി നദിയുടെ മദ്ധ്യഭാഗത്തായുളള മൻകൂനയില്‍ നിന്നാണ് പുതിയ സിഗ്നല്‍. നദിയ്ക്ക് കുറുകെ പരിശോധന നടത്തുന്ന ഐ ബോർഡ് ഡ്രോണിനാന് സിഗ്നല്‍ ലഭിച്ചത്. മണ്ണിടിച്ചില്‍ ഉണ്ടായതിന് ശേഷമാണ് നദിയുടെ മദ്ധ്യഭാഗത്തായി മൻകൂന രൂപപ്പെട്ടത്. ഇവിടെ നിന്നും ലഭിച്ച സിഗ്നല്‍ എന്തിന്റേതാണെന്ന് വ്യക്തമല്ല. അർജുന്റെ ട്രക്കിനൊപ്പം മറ്റ് വാഹനങ്ങളും മണ്ണിടിച്ചിലില്‍ അകപ്പെട്ടിരുന്നു. അതിലേതെങ്കിലും വാഹനത്തിന്റെ ഭാഗമാകാം എന്നാണ് സംശയിക്കുന്നത്. മണ്ണിടിച്ചിലില്‍ തകർന്ന മൊബൈല്‍ ടവറിന്റെ ഭാഗമാകാനും സാദ്ധ്യതയുണ്ട്. സിഗ്നല്‍ ലഭിച്ച സ്ഥലത്ത്…

ബംഗളൂരു: വിക്ടോറിയ ആശുപത്രി വളപ്പിലെ നിർമാണ പ്രവർത്തനങ്ങൾക്കിടെ ഏണി താഴേക്ക് വീണ് തൊഴിലാളിക്ക് ഗുരുതര പരിക്ക്. തൊഴിലാളി 11-ാം നിലയിൽ നിന്ന് വീണു, ഇപ്പോൾ അത്യാഹിത വിഭാഗത്തിൽ ഡോക്ടർമാർ ചികിത്സയിലാണ്. തമിഴ്നാട് ധർമപുരി സ്വദേശി മുനിരാജു എന്ന കൂലിപ്പണിക്കാരനാണ് പരിക്കേറ്റത്. വിക്ടോറിയ ആശുപത്രി വളപ്പിൽ 1000 കിടക്കകളുള്ള ശസ്ത്രക്രിയാ ആശുപത്രിയുടെ നിർമാണം കഴിഞ്ഞ 4 വർഷമായി നടന്നുവരികയാണ്. മുൻകരുതൽ നടപടികളൊന്നും സ്വീകരിക്കാതെ കെട്ടിട നിർമാണം ആരംഭിച്ചതാണ് അപകടത്തിന് കാരണമെന്ന് പറയുന്നു. പോലീസ് സ്ഥലം സന്ദർശിച്ച് അന്വേഷണം നടത്തി. വിവിപുരം പോലീസ് സ്റ്റേഷനിൽ കേസ് രജിസ്റ്റർ…

ബെംഗളൂരു: ഷിരൂരില്‍ മലയിടിച്ചിലിനെ തുടർന്നുണ്ടായ അപകടത്തില്‍ കാണാതായിരുന്ന തമിഴ്നാട് ഡ്രൈവർ ശരവണൻ മരിച്ചതായി തിരിച്ചറിഞ്ഞു. കഴിഞ്ഞ ദിവസങ്ങളില്‍ കരയില്‍ നടന്ന പരിശോധനയില്‍ മണ്ണിനടിയില്‍ നിന്നും ലഭിച്ചിരുന്ന ശരീരഭാഗം ശരവണന്റേത് ആണ് എന്നാണ് തിരിച്ചറിഞ്ഞിരിക്കുന്നത്. ഡിഎൻഎ പരിശോധന ഫലം പുറത്തുവന്നതയോടെയാണ് ഇക്കാര്യം സ്ഥിരീകരിച്ചത്. ശരവണൻ ഓടിച്ചിരുന്ന പെട്രോള്‍ ടാങ്കറിന്റെ ടാങ്ക് ഭാഗം നേരത്തെ പുഴയില്‍ നിന്നും കണ്ടെത്തിയിരുന്നു. ഷിരൂരിലെ അപകടത്തില്‍ കാണാതായിരുന്ന കോഴിക്കോട് സ്വദേശിയായ അർജുനും അദ്ദേഹം ഓടിച്ചിരുന്ന ട്രക്കിനും വേണ്ടി നടത്തിയ തിരച്ചിലിനിടയില്‍ ആയിരുന്നു കരഭാഗത്തെ മണ്ണ് മാറ്റുന്നതിനിടയില്‍ മൃതദേഹ അവശിഷ്ടങ്ങള്‍ കണ്ടെത്തിയിരുന്നത്. ഈ…