Month: May 2024

ബെംഗളൂരു : ബെംഗളൂരുവിൽ മലയാളി വിദ്യാർഥിയെ ഭീഷണിപ്പെടുത്തി പണം കവർന്നു. സംഭവത്തിൽ വിദ്യാർഥിയുടെ മുൻ സഹപാഠി മുബാറക് എന്ന മുബയെ പോലീസ് അറസ്റ്റു ചെയ്തു. മയക്കുമരുന്ന് കേസിൽ ഉൾപ്പെടുത്തുമെന്ന് ഭീഷണിപ്പെടുത്തി 22-കാരനായ വിദ്യാർഥിയിൽനിന്ന് 24,500 രൂപ കവരുകയായിരുന്നെന്ന് പോലീസ് പറഞ്ഞു. പിന്നീട് കേരളത്തിൽ നിന്ന് വിദ്യാർഥിയുടെ അച്ഛനെത്തി പോലീസിൽ പരാതി നൽകിയതിനെത്തുടർന്നാണ് അറസ്റ്റ്. വിദ്യാർഥിയും മുബാറകും പി.യു. കോഴ്‌സിന് ഒരുമിച്ച് പഠിച്ചിരുന്നു. കഴിഞ്ഞമാസം 26-നാണ് തട്ടിപ്പുനടന്നത്. മുബാറക് സുഹൃത്തായ സുന്ദറിന്റെ സഹായത്തോടെ വിദ്യാർഥിയെ സാമ്പിഗെ ഹള്ളിയിലെ ഒരു ഹോട്ടലിനുസമീപം കൂട്ടിക്കൊണ്ടുപോയി ഭീഷണിപ്പെടുത്തി പണം കവരുകയായിരുന്നെന്നും…

ബംഗളൂരു : ചെറുമകനും ഹസൻ എംപിയുമായ പ്രജ്വല് രേവണ്ണയുടെ പെൻഡ്രൈവ് കേസിനെ തുടർന്നുണ്ടായ ആശങ്കയും സമ്മർദ്ദവും കാരണം മുൻ പ്രധാനമന്ത്രി എച്ച്‌ഡി ദേവഗൗഡയുടെ ആരോഗ്യനില വഷളായതായി റിപ്പോർട്ട്. അതിനാൽ ദേവഗൗഡ കുടുംബാംഗങ്ങൾ അദ്ദേഹത്തിന്റെ ആരോഗ്യ സ്ഥിതി സംബന്ധിച്ച് ജാഗ്രത പാലിക്കുകയാണെന്നാണ് റിപ്പോർട്ട്. വാർദ്ധക്യസഹജമായ ആരോഗ്യപ്രശ്‌നങ്ങളാൽ ബുദ്ധിമുട്ടുന്ന മുൻ പ്രധാനമന്ത്രി എച്ച്‌ഡി ദേവഗൗഡയെ മൂത്ത മകൻ്റെയും ചെറുമകൻ്റെയും അപവാദങ്ങൾ വല്ലാതെ വേദനിപ്പിക്കുന്നതാകണം. കൂടുതൽ ആശങ്കയുണ്ടാക്കിയ ഈ കേസിൽ അടുത്തിടെ രൂപീകരിച്ച ബി.ജെ.പി-ജെ.ഡി.എസ് സഖ്യത്തിന് പ്രതികൂലമായ പ്രത്യാഘാതമുണ്ടാകാനുള്ള സാധ്യതയും അദ്ദേഹത്തെ ബാധിക്കുന്നുണ്ട് എന്നും റിപ്പോർട്ടുകൾ ഉണ്ട്.