Day: 2 April 2024

ബെംഗളൂരു: യുവതിയുടെ മൃതദേഹം കത്തിക്കരിഞ്ഞ നിലയിൽ കണ്ടെത്തി. തുംകൂറിലെ ഗുബ്ബി താലൂക്കിലെ ദൊഡ്ഗുനിക്ക് സമീപം ഷിമോഗ- ബെംഗളൂരു ദേശീയ പാത 206 (ഹൈവേ റോഡ്) അടുത്താണ് സംഭവം. 25 കാരിയായ യുവതിയെ കൊലപ്പെടുത്തിയ ശേഷം തിരിച്ചറിയാതിരിക്കാൻ കത്തിച്ചതാണെന്നാണ് സംശയം. പാതി കത്തിക്കരിഞ്ഞ നിലയിൽ യുവതിയുടെ മൃതദേഹം കണ്ടതോടെ നാട്ടുകാർ പോലീസിൽ വിവരമറിയിക്കുകയായിരുന്നു. വിവരമറിഞ്ഞ് പോലീസ് സ്ഥലത്തെത്തി മൃതദേഹം പോസ്റ്റ്‌മോർട്ടത്തിന് അയച്ചു. യുവതിയുടെ മുഖം പൂർണമായും പൊള്ളലേറ്റതിനാൽ തിരിച്ചറിയാനുള്ള നെട്ടോട്ടത്തിലാണ് പോലീസ്. നിലവിൽ ചേലൂർ പോലീസ് കേസെടുത്ത് അന്വേഷണം തുടരുകയാണ്.

ബെംഗളൂരു : കനത്തചൂട് അനുഭവപ്പെടുന്ന ബെല്ലാരിയിൽ ശാരീരിക അസ്വാസ്ഥ്യത്തെത്തുടർന്ന് ചികിത്സതേടിയത് 20 കുട്ടികൾ. രണ്ടുദിവസത്തിനിടെയാണ് നിർജലീകരണം, പനി, ഛർദി തുടങ്ങിയവുമായി കുട്ടികൾ ബെല്ലാരി ജില്ലാ ആശുപത്രിയിലും വിവിധ സ്വകാര്യ ആശുപത്രികളിലും ചികിത്സതേടിയെത്തിയത്. 10 വയസ്സിനുതാഴെ പ്രായമുള്ള കുട്ടികളാണ് ചികിത്സതേടിയെത്തിയതെന്ന് ആരോഗ്യവകുപ്പ് അധികൃതർ അറിയിച്ചു. ആരുടെയും നില ഗുരുതരമല്ല. കഴിഞ്ഞ ഒരാഴ്ചയായി ജില്ലയിൽ അനുഭവപ്പെടുന്ന ശരാശരി താപനില 40 ഡിഗ്രിസെൽഷ്യസാണ്. ചൂടുകൂടുന്ന സാഹചര്യത്തിൽ ഉച്ചയ്ക്ക് ഒന്നുമുതൽ നാലുവരെ കുട്ടികളും പ്രായമായവരും നേരിട്ട് വെയിലേൽക്കുന്ന പ്രദേശങ്ങളിൽനിന്ന് പരമാവധി മാറി നിൽക്കണമെന്ന് ജില്ലാ ഭരണകൂടം നിർദേശിച്ചിട്ടുണ്ട്. വരും ദിവസങ്ങളിലും…

ബെംഗളൂരു: നടൻ ശിവ രാജ്കുമാറിനെ നഗരത്തിലെ വൈദേഹി ആശുപത്രിയിൽ പ്രവേശിപ്പിച്ചു. താരത്തിന് ഗുരുതര ആരോഗ്യപ്രശ്‌നങ്ങളൊന്നുമില്ലെന്നും ജനറൽ ചെക്കപ്പിനാണ് എത്തിയതെന്നും ഡോക്ടർ പറഞ്ഞു. കഴിഞ്ഞ കുറച്ച് ദിവസങ്ങളായി ഷിമോഗയിൽ ഭാര്യ ഗീത ശിവരാജ്കുമാറിന് വേണ്ടി ശിവണ്ണ പ്രചാരണം നടത്തിയിരുന്നു. ഷിമോഗ ചുറ്റി ആദ്യഘട്ട പ്രചാരണം പൂർത്തിയാക്കി ബെംഗളുരുവിലേക്ക് മടങ്ങുന്നതിനിടെ ദേഹാസ്വാസ്ഥ്യം അനുഭവപ്പെട്ടതിനെ തുടർന്നാണ് ആശുപത്രിയിൽ പ്രവേശിപ്പിച്ചതെന്നാണ് സൂചന. ബന്ധുക്കളും സിനിമാ മേഖലയിലെ പ്രമുഖരും ആശുപത്രിയിലെത്തി ശിവണ്ണയുടെ ആരോഗ്യവിവരങ്ങൾ ചോദിച്ചറിയുന്നുണ്ട്. നടൻ ഗുരുദത്ത് ഉൾപ്പെടെ നിരവധി പേർ ആശുപത്രിയിലെത്തി. ശിവണ്ണ മിക്കവാറും നാളെ ഡിസ്ചാർജ് ചെയ്യപ്പെടാൻ സാധ്യതയുണ്ട്..…

ബെംഗളൂരു: കാണാതായ റിട്ട. ബാങ്ക് ജീവനക്കാരൻ്റെ മൃതദേഹം കണ്ടെത്തി. മഞ്ജുനാഥ് (70) നെയാണ് സംശയാസ്പദമായ നിലയിൽ മരിച്ച കണ്ടെത്തിയത്. ഹാസൻ ജില്ലയിലെ അരസിക്കരെ നഗരത്തിലാണ് സംഭവം. അരസിക്കരെ നഗർ ലക്ഷ്മിപൂർ ബാരങ്കേയിൽ താമസക്കാരനായ മഞ്ജുനാഥ് മാർച്ച് 27 ന് വീട്ടിൽ നിന്ന് നടക്കാൻ പോയതായിരുന്നു. രാത്രിയായിട്ടും മഞ്ജുനാഥ് വീട്ടിൽ തിരിച്ചെത്താത്തതിനെ തുടർന്ന് വീട്ടുകാർ എല്ലായിടത്തും തിരച്ചിൽ നടത്തി. പിന്നീട് ഒരു തുമ്പും ലഭിക്കാതായപ്പോൾ മഞ്ജുനാഥിൻ്റെ ഭാര്യ സരോജ നിംബണ്ണനാവർ അടുത്ത ദിവസം മാർച്ച് 28 ന് അരസിക്കരെ നഗർ പോലീസ് സ്റ്റേഷനിൽ പരാതി നൽകി.…

ബംഗളൂരു: തലസ്ഥാനമായ ബെംഗളൂരുവിൽ ഡ്രൈവറുടെ അശ്രദ്ധയിൽ ഒരു ആൺകുട്ടിക്ക് ജീവൻ നഷ്ടപ്പെട്ടു. ബംഗളൂരുവിൽ നടന്ന വാഹനാപകടത്തിൽ 5 വയസ്സുള്ള ആൺകുട്ടി മരിച്ചു . അശ്വിത് എന്ന കുട്ടിയാണ് മരിച്ചതെന്നാണ് വിവരം. ബംഗളൂരുവിലെ ഉർവശി തിയറ്ററിനു സമീപമായിരുന്നു അപകടം. കണ്ടൈനർ ഡ്രൈവറുടെ പിഴവാണ് അശ്വിന് ജീവൻ നഷ്ടമായത്. ടാങ്കർ പിന്നോട്ട് പോകുന്നതിനിടെ ഇടിക്കുകയായിരുന്നു. തുടർന്ന് താഴെ വീണ അശ്വിത് ടയറിനടിയിൽ കുടുങ്ങി. ഡ്രൈവറുടെ അശ്രദ്ധമൂലം ഗുരുതരമായി പരിക്കേറ്റ അശ്വിത് സംഭവസ്ഥലത്ത് തന്നെ മരിച്ചു. വിവരമറിഞ്ഞ് കലാശിപാളയ പോലീസ് സ്ഥലത്തെത്തി പരിശോധന നടത്തി. മൃതദേഹം പോസ്റ്റ്‌മോർട്ടത്തിന് അയച്ചിട്ടുണ്ട്.…