Month: March 2024

ബെംഗളൂരു : നഗരത്തിലെ ക്യാമ്പ് ഏരിയയിലെ മൊബൈൽ പോലീസ് സ്റ്റേഷൻ വളപ്പിൽ അജ്ഞാതൻ്റെ മൃതദേഹം കണ്ടെത്തി. കണ്ടുകെട്ടിയ ബസിൻ്റെ പിൻസീറ്റിൽ കണ്ടെത്തിയ മൃതദേഹം അഴുകിയ നിലയിലാണ്. ഇത് ഏകദേശം 40-45 വയസ്സ് പ്രായമുള്ള ഒരാളുടേതാണെന്നാണ് റിപ്പോർട്ടുകൾ. 15 ദിവസം മുമ്പ് മരിച്ചതായി സംശയം തോന്നിയതിനെ തുടർന്ന് ക്യാമ്പ് പോലീസ് സ്ഥലത്തെത്തി അന്വേഷണം നടത്തി. കൊലപാതകമാണോ സ്വാഭാവിക മരണമാണോ എന്നാണ് അന്വേഷണം. മൃതദേഹം പോസ്റ്റ്‌മോർട്ടത്തിനായി ബെലഗാവി ബീംസ് ആശുപത്രിയിലേക്ക് അയച്ചു. പോലീസ് സ്റ്റേഷൻ വളപ്പിൽ മൃതദേഹം കണ്ടെത്തിയത് ഏറെ ദുരൂഹതകൾക്കിടയാക്കിയിട്ടുണ്ട്. ക്യാമ്പ് പോലീസ് സ്റ്റേഷനിൽ കേസ്…

ബെംഗളൂരു : സംസ്ഥാനത്ത് എസ്.എസ്.എൽ.സി. പരീക്ഷ ഇന്ന് തുടങ്ങും. 8.7 ലക്ഷം വിദ്യാർഥികളാണ് ഇത്തവണ പരീക്ഷയെഴുതുന്നത്. പരീക്ഷാകേന്ദ്രങ്ങളിൽ സൗകര്യങ്ങളൊരുക്കിയതായി വിദ്യാഭ്യാസവകുപ്പ് അറിയിച്ചു. പരീക്ഷയ്ക്ക് രജിസ്റ്റർചെയ്തവരിൽ 4.4 ലക്ഷം ആൺകുട്ടികളും 4.3 ലക്ഷം പെൺകുട്ടികളുമാണെന്ന് വിദ്യാഭ്യാസ വകുപ്പ് അധികൃതർ അറിയിച്ചു. തിങ്കളാഴ്ച ഇംഗ്ലീഷ്‌, കന്നഡ, ഹിന്ദി, തെലുഗു, തമിഴ്, ഉറുദു, മറാഠി എന്നീ ഭാഷാ പരീക്ഷകളാണ് നടക്കുക. ഏപ്രിൽ ആറിനാണ് പരീക്ഷ അവസാനിക്കുന്നത്. കൂടാതെ അഞ്ച്, എട്ട്, ഒമ്പത് ക്ലാസുകളിലെ ബോർഡ് പരീക്ഷയും ഇന്ന് മുതൽ നടക്കും. കഴിഞ്ഞ വെള്ളിയാഴ്ചയാണ് ഈ ക്ലാസുകളിലേക്ക് ബോർഡ് പരീക്ഷ…

ബെംഗളൂരു : റെയിൽവേ സ്റ്റേഷനുകളിൽ 2700 സി.സി.ടി.വി. ക്യാമറകൾകൂടി സ്ഥാപിക്കാൻ ദക്ഷിണപശ്ചിമ റെയിൽവേ. യാത്രക്കാരുടെ സുരക്ഷപരിഗണിച്ചാണ് കൂടുതൽക്യാമറകൾ സ്ഥാപിക്കുന്നതെന്ന് റെയിൽവേയധികൃതർ അറിയിച്ചു. ഇതിന്റെ ടെൻഡർനടപടികൾ ആരംഭിച്ചു. നിലവിൽ 835 സുരക്ഷാ ക്യാമറകളാണ് ദക്ഷിണ പശ്ചിമറെയിൽവേയുടെ കീഴിലുള്ള റെയിൽവേ സ്റ്റേഷനുകളിൽ ആകെയുള്ളത്. അതിഗുണനിലവാരമുള്ള സി.സി. ക്യാമറകളാണ് റെയിൽവേ സ്റ്റേഷനുകളിൽ സ്ഥാപിക്കുകയെന്ന് അധികൃതർ അറിയിച്ചു.