ബെംഗളൂരു:വ്യാജ ട്വിറ്റര്‍ അക്കൗണ്ട് ഉപയോഗിച്ച്‌ വിദ്വേഷ സന്ദേശങ്ങളും യുവതിക്കെതിരെ അപകീര്‍ത്തി പരാമര്‍ശങ്ങളും പ്രചരിപ്പിച്ചു എന്ന പരാതിയില്‍ യുവാവിനെ മംഗളൂരു പോലീസ് അറസ്റ്റ് ചെയ്തു.
ബംഗളൂരു അമൃതഹള്ളി ജക്കുര്‍ മെയിൻ റോഡ് പരിസരത്ത് താമസിക്കുന്ന എച്ച്‌.കെ.ശിവരാജ്(37) ആണ് അറസ്റ്റിലായത്.
തുളുനാടിലെ ദൈവാരാധനയെ ഇകഴ്ത്തിയും യുവതിയെ മോശമായി ചിത്രീകരിച്ചുമുള്ള ട്വിറ്റര്‍ ഏറെ പ്രചാരം നേടിയിരുന്നു.
ഇതേത്തുടര്‍ന്ന് ദൈവാരാധന രക്ഷാ സമിതി നല്‍കിയ പരാതിയില്‍ നടത്തിയ അന്വേഷണത്തിലാണ് വ്യാജ അക്കൗണ്ടിന്റെ ദുഷ്ട ലാക്ക് വെളിപ്പെട്ടത്.
മംഗളൂരു സിറ്റി പോലീസ് കമ്മീഷണര്‍ കുല്‍ദീപ് കുമാര്‍ ആര്‍ ജയിന്റെ നിര്‍ദേശം അനുസരിച്ച്‌ സി.സി.ബി അസി.കമ്മീഷണര്‍ പി.എ.ഹെഗ്ഡെയുടെ നേതൃത്വത്തിലുള്ള സംഘമാണ് അറസ്റ്റ് നടത്തിയത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
