ബെംഗളൂരു: തെക്കുപടിഞ്ഞാറൻ മൺസൂൺ ജൂൺ 10 ന് കർണാടകയിൽ എത്താൻ സാധ്യതയെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകി. ഇന്ന് മുതൽ ഒറ്റപ്പെട്ട മഴയ്‌ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. സംസ്ഥാനത്ത് ബെംഗളുരു നഗരത്തിൽ ജൂൺ മാസത്തിൽ 11 സെന്റീമീറ്റർ മഴ ലഭിക്കുമെന്നാണ് പ്രതീക്ഷിക്കുന്നത്, ഇത് സാധാരണ പരിധിയേക്കാൾ അല്പം കൂടുതലാണ്.
ബെംഗളൂരുവിലെ ഐഎംഡിയിലെ സയന്റിസ്റ്റ് ‘ഡി’ എ പ്രസാദ്, മൺസൂൺ എത്തുന്നതിനുള്ള ചെറിയ കാലതാമസത്തിന് നിരവധി ഘടകങ്ങൾ കാരണമാണെന്ന് അഭിപ്രായപ്പെട്ടു. പടിഞ്ഞാറൻ കാറ്റ് സമുദ്രനിരപ്പിൽ നിന്ന് 4.5 കിലോമീറ്റർ ഉയരത്തിൽ കാണണം, അവയുടെ വേഗത 15-20 നോട്ട് ആയിരിക്കണം, ജൂൺ 6 വരെ അതിന്റെ സ്ഥിരത നിരീക്ഷിക്കപ്പെട്ടിട്ടില്ലന്നും അദ്ദേഹം പറഞ്ഞു. മഴ മുന്നറിയിപ്പ് നൽകിയിട്ടുണ്ടെങ്കിലും കേരള-കർണാടക-ലക്ഷദ്വീപ് തീരങ്ങളിൽ മത്സ്യബന്ധനത്തിന് തടസമുണ്ടാകില്ലെന്നും കാലാവസ്ഥ വകുപ്പ് അറിയിച്ചിട്ടുണ്ട്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
