തിരുവനന്തപുരം: ഗതാഗത നിയമ ലംഘനങ്ങള് കണ്ടെത്തുന്നതിനുള്ള മോട്ടോര് വാഹന വകുപ്പിന്റെ ആര്ട്ടിഫിഷ്യല് ഇന്റലിജന്സില് അധിഷ്ഠിതമായി പ്രവര്ത്തിക്കുന്ന ക്യാമറകള് ഇന്ന് മിഴി തുറക്കും. ക്യാമറകളുടെ പ്രവര്ത്തനോദ്ഘാടനം വൈകീട്ട് മസ്ക്കറ്റ് ഹോട്ടലില് മുഖ്യമന്ത്രി പിണറായി വിജയന് നിര്വഹിക്കും. ‘സേഫ് കേരള’ പദ്ധതിക്ക് സര്ക്കാര് അംഗീകാരം നല്കിയതോടെയാണ് ക്യാമറകള് പ്രവര്ത്തിച്ച് തുടങ്ങുന്നത്.
ദേശീയ- സംസ്ഥാന- ഗ്രാമീണ പാതകളില് ഉള്പ്പെടെ 726 എഐ ക്യാമറകളാണ് സ്ഥാപിച്ചിരിക്കുന്നത്. എഐ ക്യാമറകള് വഴി പ്രധാനമായും ആറ് നിയമലംഘനങ്ങളാണ് പിടികൂടുന്നത്. സീറ്റ് ബെല്റ്റും ഹെല്മറ്റും ധരിക്കാതെയുള്ള യാത്ര, ഇരുചക്ര വാഹനത്തില് രണ്ടിലധികം പേരുടെ യാത്ര, വാഹനമോടിക്കുമ്പോള് മൊബൈല് ഫോണ് ഉപയോഗം, ചുമന്ന ലൈറ്റും ട്രാഫിക്ക് ലൈനുകളും മറികടക്കല്, നോ പാര്ക്കിങ് ഏരിയയില് വാഹനം പാര്ക്ക് ചെയ്യുന്നത്, അമിത വേഗം തുടങ്ങിയവ തെളിവ് സഹിതം പിടിവീഴും.
ഒരുദിവസം 30,000 പിഴ നോട്ടിസുകള് അയയ്ക്കാനാകുമെന്നാണ് മോട്ടര്വാഹന വകുപ്പ് പറയുന്നത്. ക്യാമറയില് പിടിച്ചെടുക്കുന്ന നിയമലംഘനങ്ങള് ഇന്സ്പെക്ടറിന്റെ നേതൃത്വത്തില് പരിശോധിച്ച ശേഷമാകും നോട്ടിസ് അയയ്ക്കുക. മുഖ്യമന്ത്രി പിണറായി വിജയനാണ് ‘സേഫ് കേരള’ പദ്ധതി നാളെ മൂന്നരക്ക് ഉദ്ഘാടനം ചെയ്യുക.
പിഴ വിവരങ്ങൾ
1.സീറ്റ് ബെൽറ്റും, ഹെൽമറ്റും ധരിക്കാതെയുള്ള യാത്ര. മുൻ സീറ്റുകളിലെ യാത്രക്കാർ സീറ്റ് ബെൽറ്റ് ധരിച്ചിരിക്കണം
2.ഇരുചക്രവാഹനത്തിൽ രണ്ടിലധികം പേരുടെ യാത്ര
3.വാഹനമോടിക്കുമ്പോള് മൊബൈൽ ഫോണ് ഉപയോഗം
4.ചുമന്ന ലൈറ്റും ട്രാഫിക്ക് ലൈനുകളും മറികടക്കൽ
5.നോ പാര്ക്കിങ് ഏരിയയിൽ വാഹനം പാര്ക്ക് ചെയ്യുന്നത്
6.അമിത വേഗം
നോ പാർക്കിംഗ്- 250
സീറ്റ് ബെൽറ്റ് ധരിച്ചില്ലെങ്കിൽ- 500
ഹെൽമറ്റ് ധരിച്ചില്ലെങ്കിൽ- 500
മൊബൈൽ ഉപയോഗിച്ചാൽ- 2000
റെഡ് ലൈറ്റും- ട്രാഫിക്കും മറികടന്നാൽ- ശിക്ഷ കോടതി തീരുമാനിക്കും
നിരത്തുകളിൽ നിയമലംഘനമുണ്ടായാൽ കൃത്യമായ തെളിവ് സഹിതമകും നിർമ്മിത ബുദ്ധി ക്യാമറകളിൽ പതിയുക.
ഒരു വർഷമായി പരീക്ഷണാടിസ്ഥാനത്തിൽ ക്യാമറകള് പ്രവർത്തിക്കുകയായിരുന്നു. പ്രതിമാസം 30,000 മുതൽ 90,000വരെ നിയമലംഘങ്ങളാണ് ക്യാമറകള് പതിയുന്നത്.
ഇങ്ങനെ നോക്കിയാൽ പിഴത്തുക വഴി സർക്കാർ ഖജനാവിലേക്ക് കോടികളാകും ഒഴുകിയെത്തുക.
നിയമലംഘനത്തിന് ഒരു ക്യാമറയിൽ പതിയുന്ന അതേ വാഹനം വീണ്ടും ഐ ഐ ക്യാമറയിൽ പതിഞ്ഞാൽ വീണ്ടും പിഴവീഴുകയും ചെയ്യും
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
