ബെംഗളൂരു: ബുധനാഴ്ച ഉച്ചയ്ക്ക് സെൻട്രൽ ബെംഗളൂരുവിൽ മദ്യപിച്ച ട്രക്ക് ഡ്രൈവർ മൂലമുണ്ടായ അപകടത്തിൽ സ്വിഗ്ഗി ഡെലിവറി ബോയ് മരിച്ചതായി പോലീസ് അറിയിച്ചു.
ശിവാജിനഗർ സ്വദേശിയായ നസീം (36) ലോവർ ആഗ്രം റോഡിൽ വിവേക് നഗറിലേക്ക് സ്കൂട്ടറിൽ പോകുമ്പോൾ അമിതവേഗതയിലെത്തിയ ടിപ്പർ ലോറി പിന്നിൽ നിന്ന് ഇടിക്കുകയായിരുന്നു. തലയ്ക്ക് പരിക്കേറ്റ ഇയാളെ പിന്നീട് ആശുപത്രിയിൽ എത്തിച്ചെങ്കിലും മരിച്ചിരുന്നു.
ട്രക്ക് ഡ്രൈവർ ഭോജരാജുവിനെ (38) അശോക്‌നഗർ ട്രാഫിക് പോലീസ് അറസ്റ്റ് ചെയ്യുകയും വാഹനം പിടിച്ചെടുക്കുകയും ചെയ്തു. മെഡിക്കൽ പരിശോധനയിൽ 100 മില്ലി രക്തത്തിൽ 550 മില്ലിഗ്രാം ആൽക്കഹോൾ ഉണ്ടെന്ന് തെളിഞ്ഞതായി പോലീസ് പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
