ബെംഗളൂരു: രാജ്യത്ത് വിവാദമാകുന്ന ഹിജാബ്, മതാചാരങ്ങളുടെ ഭാഗമല്ലെന്ന് ആവര്ത്തിച്ച് കര്ണാടക സര്ക്കാര്. ഒരു കാരണവശാലും വിദ്യാഭ്യാസ സ്ഥാപനങ്ങളില് മതചിഹ്നങ്ങള് അനുവദിക്കില്ലെന്ന് കര്ണാടക ഹൈക്കോടതിയില് പറഞ്ഞു.
വസ്ത്രവും ഭക്ഷണവും മതാചാരങ്ങളുടെ ഭാഗമല്ലെന്നും, പ്രത്യേക മതവിഭാഗത്തിനായി ഇക്കാര്യത്തില് ഇളവ് നല്കാനാവില്ലെന്നും ശബരിമല കേസിലും മുത്തലാഖ് കേസിലും ഇക്കാര്യം വ്യക്തമാക്കിയിട്ടുണ്ടെന്ന് കര്ണാടക സര്ക്കാര് കോടതിയില് വ്യക്തമാക്കി.
വിദ്യാഭ്യാസ സ്ഥാപനങ്ങളിലെ ഹിജാബ് നിരോധനത്തിനെതിരെ വിദ്യാര്ഥികള് നല്കിയ ഹര്ജി ഹൈക്കോടതി പരിഗണിക്കുന്നതിനിടെയാണ് കര്ണാടക സര്ക്കാര് നയം വ്യക്തമാക്കിയത്.
ഖുറാന് മാത്രം മുന്നിര്ത്തി ഹിജാബിന് വേണ്ടി വാദിക്കുന്നതില് അര്ഥമില്ല. ഭരണഘടനയുടെ 25ആം അനുച്ഛേദം ഹിജാബിന്റെ കാര്യത്തില് ബാധകമല്ല. ഹിജാബ് മതാചാരത്തിന്റെ ഭാഗമെന്ന് തെളിയിക്കാന് നിലവില് വസ്തുതകളില്ലെന്നും സര്ക്കാര് കോടതിയില് പറഞ്ഞു.
നിലവിൽ ഹിജാബ് നിരോധവുമായി ബന്ധപ്പെട്ട ഹര്ജിയില് കര്ണാടക ഹൈക്കോടതിയില് വാദം തുടരുകയാണ്. വിഷയത്തില് ഇന്നലെയും രൂക്ഷമായ വാദമാണ് കോടതിയില് അരങ്ങേറിയത്. ഫുള് ബെഞ്ചാണ് വാദം കേള്ക്കുന്നത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
