ബെംഗളൂരു: കോവിഡ് 19 രോഗം പിടിപെടുന്നതിന് സാധ്യതയുള്ള കേസുകൾ തിരിച്ചറിയുന്നതിനായി നഗരത്തിൽ നടത്തുന്ന ഡോർ ടു ഡോർ സർവേ ഫലം കാണുന്നു.
ബെംഗളൂരു അർബൻ ജില്ലാ ഉദ്യോഗസ്ഥർ ഇൻഫ്ലുവൻസ പോലുള്ള അസുഖം (ഐ എൽ ഐ)അല്ലെങ്കിൽ കടുത്ത അക്യൂട്ട് റെസ്പിറേറ്ററി അണുബാധ രോഗലക്ഷണമുള്ള 18,669 ആളുകളെ ഡോർ ടു ഡോർ സർവ്വേയിലൂടെ കണ്ടെത്തി.
ബൃഹത് ബെംഗളൂരു മഹാനഗര പാലികെ പരിധിയിൽ ജൂൺ 1 മുതൽ ഓഗസ്റ്റ് 15 വരെയുള്ള കാലയളവിൽ ലഭ്യമായ ഡാറ്റ പ്രകാരമാണിത്.
ഇതിൽ 1,909 പേർക്ക് ആർടി–പിസിആർ, റാപ്പിഡ് ആന്റിജൻ ടെസ്റ്റുകൾക്ക് ശേഷം കോവിഡ് പോസിറ്റീവ് സ്ഥിരീകരിച്ചു . “വൈദ്യര നടേ ഹള്ളിയ കാദെ” എന്ന കോവിഡ് മൊബൈൽ ക്ലിനിക് ടീം 1,602 രോഗികളെ ഹോം ഐസൊലേഷനിലേക്കും 241 രോഗികളെ കോവിഡ് കെയർ സെന്ററുകളിലേക്കും 66 രോഗികളെ കോവിഡ് ഹെൽത്ത് സെന്ററുകളിലേക്കും റഫർ ചെയ്തു.
ആശാ പ്രവർത്തകർ, അംഗൻവാടി ജീവനക്കാർ, പ്രാഥമികാരോഗ്യ കേന്ദ്രം ഡോക്ടർ, അധ്യാപകൻ, റവന്യൂ വകുപ്പ് ഉദ്യോഗസ്ഥൻ, ഗ്രാമവികസന ഉദ്യോഗസ്ഥൻ എന്നിവരടങ്ങുന്ന സംഘം വീടുതോറും സർവേ നടത്തുന്നു.
ഏതെങ്കിലും തരത്തിലുള്ള കോവിഡ് ലക്ഷണങ്ങൾ ഉണ്ടോ എന്ന് അവർ അന്വേഷിക്കുന്നു, ഒപ്പം വരുന്ന ഒരു ടെസ്റ്റിംഗ് ടീം സ്ഥലത്തുതന്നെ പരിശോധനകൾ നടത്തുന്നു.
വീട്ടിലെ സൗകര്യങ്ങളെ അടിസ്ഥാനമാക്കി, അവരെ വീട്ടിൽ ഐസൊലേഷനിൽ വിടാനും മെഡിക്കൽ കിറ്റ് നൽകാനും നിർദ്ദേശിക്കുന്നു, ”ബെംഗളൂരു അർബൻ ഡിസി ജെ മഞ്ജുനാഥ് പറഞ്ഞു.
രോഗികൾക്ക് ആവശ്യമായ സൗകര്യങ്ങൾ ഇല്ലെങ്കിൽ, അവരെ അടുത്തുള്ള കോവിഡ് കെയർ സെന്റർ അല്ലെങ്കിൽ സർക്കാർ ആശുപത്രിയിലേക്ക് റഫർ ചെയ്യുന്നുണ്ട് എന്നും അദ്ദേഹം പറഞ്ഞു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
