Day: 16 August 2021

ബെംഗളൂരു: സംസ്ഥാനത്തെ കോവിഡ് നിയന്ത്രണത്തിന്റെ ഭാഗമായുള്ള സർക്കാർ ഉത്തരവനുസരിച്ച് അടച്ചിട്ട ക്ഷേത്രത്തിനു സമീപം റോഡരികിൽ വിശ്വാസികൾ പൂജ അർപ്പിച്ചു. തുമകൂരു ജില്ലയിലെ പവഗാഡ ടൗണിലെ ശനീശ്വര ക്ഷേത്രത്തിനു മുമ്പിലുള്ള റോഡരികിലാണ് വിശ്വാസികൾ പൂജ സമർപ്പിച്ചത്. ശ്രാവണമാസത്തിലെ അവസാന ശനിയാഴ്ച ക്ഷേത്ര ദർശനത്തിനെത്തിയവരാണ് പൂജ ചെയ്തത്. കൂടുതൽ പേർ ദർശനത്തിനെത്താൻ സാധ്യത ഉള്ളതിനാൽ ശനിയാഴ്ച ക്ഷേത്രത്തിൽ ഭക്തരെത്തുന്നത് തടഞ്ഞിരുന്നു. എന്ന ക്ഷേത്രം അടഞ്ഞുകിടക്കുന്നത് കണ്ടതോടെ പൂജക്കായി വന്ന ഭക്തർ റോഡരികിൽ പൂജതുടങ്ങുകയും നടപ്പാതയിൽ തന്നെ പൂജയർപ്പിച്ചു മടങ്ങുകയും ചെയ്തു.

ബെംഗളൂരു: സാധാരണക്കാരൻ്റെ നികുതിയിൽ നിന്ന് ശമ്പളം എഴുതിയെടുക്കുന്ന വി.ഐ.പികളായ ജനപ്രതിനിധികൾ ഇതേ സാധാരണക്കാരെ റോഡിൽ തടഞ്ഞ് നിർത്തി കൊടി വച്ച കാറിൽ പറന്നു പോകുന്നത്  രാജ്യത്തെ ഒരു നിത്യ കാഴ്ചയാണ്. സുരക്ഷാ പ്രശ്നങ്ങളുള്ള പ്രധാനമന്ത്രിയോ, രാഷ്ട്രപതിയോ സുരക്ഷാ പ്രശ്നങ്ങളുള്ള സംസ്ഥാനങ്ങളിലെ മുഖ്യമന്ത്രിമാരോ ഇങ്ങനെ യാത്ര ചെയ്യുന്നതിൻ്റെ സാംഗത്യം നമുക്ക് മനസ്സിലാക്കാം. എന്നാൽ സുരക്ഷാ പ്രശ്നങ്ങൾ ഇല്ലാത്ത മന്ത്രിമാരുടെ വാഹനവ്യൂഹം കടന്നു പോകുമ്പോൾ സാധാരണക്കാരന് കാത്ത് നിൽക്കേണ്ടി വരുന്നത് വളരെ വിഷമകരമായ കാര്യമാണ്.ഈ വി.ഐ.പി സംസ്കാരത്തിന് അറുതി വരുത്തിയിരിക്കുകയാണ് കർണാടക മുഖ്യമന്ത്രി ബസവരാജ ബൊമ്മെ. മുഖ്യമന്ത്രിയുടെ…