Day: 26 May 2021

ബെംഗളൂരു: ചാമരാജ്നഗറിൽ കോവിഡ് മഹാമാരിയെ പരാജയപ്പെടുത്താൻ ‘കൊറോണ മാരമ്മ’ എന്ന പേരിൽ സ്ഥാപിച്ച പ്രതിഷ്ഠ ജില്ലാഭരണകൂടം നീക്കംചെയ്തു. ലോക്ഡൗൺ സമയത്ത് ഇവിടെ ആളുകൾ സന്ദർശിക്കുന്നതും അധികൃതർ വിലക്കിയിട്ടുണ്ട്. ചാമരാജ്നഗർ ജില്ലയിലെ കൊല്ലേഗൽ താലൂക്കിലെ മധുവനഹള്ളി ഗ്രാമപ്പഞ്ചായത്ത് മുൻ പ്രസിഡന്റ് യേശാദമ്മയുടെ നേതൃത്വത്തിലുള്ള സംഘമാണ് മഹാമാരിയെ തോൽപ്പിക്കാൻ ദേവതയുടെ പ്രതിഷ്ഠ നടത്തിയത്. ഏതാനും ഗ്രാമവാസികളും പൂജാരിയും ചേർന്ന് കഴിഞ്ഞ വ്യാഴാഴ്ച രാത്രിയാണ് യശോദാമ്മയുടെ നേതൃത്വത്തിൽ ‘കൊറോണ മാരമ്മ’ എന്ന പേരിൽ വിഗ്രഹം പ്രതിഷ്ഠിച്ചത്. തുടർന്ന് ഇവർ പൂജയും നടത്തി. സംഭവമറിഞ്ഞ് കൊല്ലേഗൽ തഹസിൽദാർ കെ. കുണാലും…

ബെംഗളൂരു : സർക്കാർ സാമ്പത്തിക സഹായം നൽകാൻ തയാറായില്ലെങ്കിൽ ഓൺലൈൻ ക്ലാസുകൾ ആരംഭിക്കില്ലെന്നമായി സ്വകാര്യ സ്കുളുകൾ. അധ്യാപകരുടേയും മാനേജ്മെൻറുകളുടേയും ഏകോപന സമിതി യോഗത്തിലാണ് ഈ ഭീഷണി. കോവിഡ് പ്രതിസന്ധിയെ തുടർന്ന് അധ്യാപക ,അനധ്യാപക ജീവനക്കാർക്ക് സർക്കാർ സാമ്പത്തിക സഹായം നൽകുന്നതടക്കമുള്ള നിരവധി ആവശ്യങ്ങൾ കഴിഞ്ഞ ഒരു വർഷമായി സർക്കാറിൻ്റെ മുമ്പിൽ വച്ചിട്ടുണ്ട്. എന്നാൽ അതിൽ ഒരു തീരുമാനവും ഉണ്ടായിട്ടില്ല. ഓൺലൈൻ ക്ലാസിൽ ഹാജർ നില നിർബന്ധമാക്കുക, സ്കൂൾ ജീവനക്കാർക്ക് വാക്സിനേഷൻ ലഭ്യമാക്കുക തുടങ്ങിയ ആവശ്യങ്ങൾ അടിയന്തിര പ്രാധാന്യത്തോടെ പരിഗണിക്കണമെന്ന് ഇവർ സർക്കാറിനോട് ആവശ്യപ്പെട്ടു.