Month: April 2021

ബെംഗളൂരു: കോവിഡ്​ ബാധിക്കുന്നവരുടെ എണ്ണം വര്‍ദ്ധിക്കുന്നതിനൊപ്പം അവശ്യത്തിന്​ ചികിത്സാ സംവിധാനം ലഭിക്കാത്തതിനെ തുടര്‍ന്ന് അശാസ്​ത്രീയമായ​ നാട്ടുചികിത്സകളെ ജനങ്ങള്‍ ആശ്രയിക്കുന്നത്​ വര്‍ദ്ധിച്ചിരിക്കുകയാണ്​. ഇങ്ങനെ അശാസ്​ത്രീയമായ​ നാട്ടുചികിത്സ ചെയ്ത, കോവിഡിനെ പ്രതിരോധിക്കാൻ മൂക്കില്‍ നാരങ്ങാ നീരിട്ട അധ്യാപകന് ദാരുണാന്ത്യം. സിന്ധനൂര്‍ താലൂക്കില്‍ സര്‍ക്കാര്‍ സ്​കൂള്‍ അദ്ധ്യാപകനായ ബസവരാജ് മാലിപട്ടിലാണ് മരിച്ചത്. രണ്ട് തുള്ളി നാരങ്ങ നീര് മൂക്കിലിറ്റിച്ചാല്‍ ശരീരത്തില്‍ ഓക്സിജ​ന്റെ അളവ്​ വര്‍ദ്ധിപ്പിക്കുകയും കോവിഡ് -19 അണുബാധ തടയുകയും ചെയ്യുമെന്ന്​ മുന്‍ എം.പി. വിജയ് സാങ്കേശ്വർ ചാനലില്‍ അവകാശപ്പെടുന്ന വീഡിയോ വൈറലായിരുന്നു. ഇതു വിശ്വസിച്ചാണ്​ സിന്ധനൂര്‍ താലൂക്കില്‍ സര്‍ക്കാര്‍…

ബെംഗളൂരു: സംസ്ഥാനത്ത് ഇപ്പോഴുള്ള കർഫ്യൂ കഴിഞ്ഞ ലോക്‌ഡൗൺ കാലത്തുണ്ടായിരുന്ന നിയന്ത്രണങ്ങളാണ്  ഏർപ്പെടുത്തിയിരിക്കുന്നത്. കോവിഡ് വ്യാപനം നിയന്ത്രിക്കാൻ ഏർപ്പെടുത്തിയ കർഫ്യൂ ലംഘിച്ചവരെ പോലീസ് ഏത്തമിടീക്കുന്ന വാർത്തകളാണ് പുറത്ത് വരുന്നത്. നഗരത്തിൽ നിയന്ത്രണം ലംഘിച്ചെത്തിയ യാത്രക്കാരെ പോലീസ് തടഞ്ഞുനിർത്തി ഏത്തമിടീക്കുകയായിരുന്നു. അടിയന്തര ആവശ്യത്തിനു പോകുകയാണെന്നു തെളിയിക്കാൻ മതിയായ രേഖകളില്ലാതെ വന്നവരാണ് പോലീസിന്റെ ശിക്ഷയിൽ കുടുങ്ങിയത്. ബെലഗാവി ജില്ലയിലും പോലീസിന്റെ ശിക്ഷാനടപടി അരങ്ങേറി. ബെലഗാവിയിലെ നിപ്പണിയിലാണ് ആളുകളെ ഒരുമിച്ചുനിർത്തി ഏത്തമിടീച്ചത്. മതിയായ രേഖകളില്ലാതെ യാത്ര ചെയ്യാനിറങ്ങിയെന്ന് ചൂണ്ടിക്കാട്ടിയായിരുന്നു ഏത്തമിടീക്കൽ. കഴിഞ്ഞ വർഷത്തെ ലോക്ഡൗൺ കാലത്തും പോലീസിന്റെ ഏത്തമിടീക്കൽ ശിക്ഷ അരങ്ങേറിയിരുന്നു.…

ബെംഗളൂരു : നഗരത്തിൽ കർഫ്യൂ പ്രഖ്യാപിച്ച സാഹചര്യത്തിൽ സ്വന്തം സംസ്ഥാനങ്ങളിലേക്ക് മടങ്ങാൻ ആഗ്രഹിക്കുന്ന അന്യസംസ്ഥാന തൊഴിലാളികൾക്കായി 20 സ്പെഷൽ ട്രെയിനുകൾ അനുവദിച്ചതായി ദക്ഷിണ പശ്ചിമ റെയിൽവേ അറിയിച്ചു. മുസാഫർപൂർ, ഗുവാഹട്ടി, ഹൗറ, അഗർത്തല, ഡൽഹി, ഗോവ എന്നിവിടങ്ങളിലേക്കാണ് നഗരത്തിൽ നിന്ന് സ്പെഷൽ സർവ്വീസ് നടത്തുന്നത്. നാടുകളിലേക്കു മടങ്ങുന്നവരുടെ വൻ തിരക്കാണ് കഴിഞ്ഞ ദിവസങ്ങളിൽ യശ്വന്ത് പുര, സിറ്റി റെയിൽവേ സ്റ്റേഷനുകളിൽ അനുഭവപ്പെട്ടത്.

ബെംഗളൂരു : ഏതൊരു പ്രശ്നങ്ങൾക്കും ഭരണകൂടങ്ങളെയും സംവിധാനങ്ങളേയും കുറ്റ പ്പെടുത്തുക എന്നതാണ് സാധാരണക്കാരുടെ പ്രധാന ജോലി ,അതേ സമയം നഗരത്തിലെ സാധാരണ പൗരൻമാർക്കും ചില കടമകൾ ഒക്കെ ഉണ്ട് എന്ന് നമ്മൾ പലരും മറന്നു പോകുന്നു. ഈ നഗരത്തിൽ കോവിഡ് സ്ഥിരീകരിച്ച 3000 ൽ ഏറെ പേരെ കണ്ടെത്താൻ ഇതുവരെ പോലീസിന് കഴിഞ്ഞിട്ടില്ല. ആർ.ടി.പി.സി.ആർ.ഫലം പോസിറ്റീവ് ആണ് എന്ന് അറിയുന്നതോടെ മൊബൈൽ ഫോൺ സ്വിച്ച് ഓഫ് ചെയ്ത് മുങ്ങുന്നവരാണ് കോവിഡ് വ്യാപനത്തിന് പിന്നിൽ എന്ന് ആഭ്യന്തര മന്ത്രി ബസവരാജ് ബൊമ്മെ അറിയിച്ചു. കോവിഡ് പോസിറ്റീവ്…