ബെംഗളൂരു: നഗരത്തിൽ ദിവസേനയുള്ള കോവിഡ് 19 കേസുകളുടെ എണ്ണം 20,000 ന് മുകളിൽ ഉയർന്ന സാഹചര്യത്തിൽ പരിശോധനാ ഫലങ്ങൾ പുറത്തുവിടുന്നതിലെ കാലതാമസം ആശുപത്രി കിടക്കകൾ തേടുന്ന രോഗികളെ കൂടുതൽ സമയം കാത്തിരിപ്പിന് നിർബന്ധിതരാകുന്നു.
സ്വകാര്യ ലാബുകൾ പ്രോട്ടോക്കോൾ പാലിക്കുന്നില്ലെന്ന് ബൃഹത്‌ ബെംഗളൂരു മഹാനഗര പാലികെ(ബിബിഎംപി) ആരോപിച്ചു. ഇന്ത്യൻ കൗൺസിൽ ഓഫ് മെഡിക്കൽ റിസർച്ച് (ഐസിഎംആർ) പോർട്ടലിൽ ഫലങ്ങൾ അപ്‌ലോഡ് ചെയ്യുന്നത് മുതൽ സ്വാബ് ശേഖരണം വരെയുള്ള കാര്യങ്ങൾ ബി ബി എം പി സ്വകാര്യലാബുകളിൽ ആരോപിക്കുന്നുണ്ട്. ഉയർന്ന അളവിലുള്ള ടെസ്റ്റുകൾ കാരണമാണ് ഇത് സംഭവിക്കുന്നത് എന്ന് ലാബുകൾ പറഞ്ഞു.
ഒരു രോഗി പോസിറ്റീവ് ആണെന്ന് പരിശോധിച്ചതിന് ശേഷം, ഐസിഎംആർ പോർട്ടലിൽ അപ്‌ലോഡ് ചെയ്ത പോസിറ്റീവ് റിപ്പോർട്ടിനെ അടിസ്ഥാനമാക്കി ഒരു പേഷ്യന്റ് കോഡ് (പി കോഡ്) സൃഷ്ടിക്കപ്പെടുന്നു. അതിന്ശേഷമാണ് ബിബിഎംപി കോവിഡ് 19 വാർ റൂം വഴി രോഗിക്ക് ഒരു ആശുപത്രിയിൽ പ്രവേശിക്കുന്നതിന് ഒരു ബി യു കോഡ് നൽകുന്നത്.
കടുത്ത കോവിഡ് ലക്ഷണങ്ങളുള്ള പല രോഗികളും പോസിറ്റീവ് റിപ്പോർട്ടില്ലാത്തതിന്റെ പേരിൽ ആശുപത്രിയിൽ പ്രവേശനം നേടാൻ കഴിയാതെ കാത്തിരിക്കേണ്ടി വരുന്നതായി റിപ്പോർട്ടുകൾ പറയുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
