Day: 22 April 2021

ബെംഗളൂരു : കോവിഡ് രണ്ടാം തരംഗം രാജ്യത്ത് ആഞ്ഞടിക്കുകയാണ് വിവിധ സംസ്ഥാനങ്ങള്‍ കര്‍ശന നിയന്ത്രണങ്ങള്‍ പ്രഖ്യാപിച്ചതിനിടെ വൈറലായി ആള്‍ക്കൂട്ടത്തിന്‍റെ വീഡിയോ. ചിക്കമംഗളൂരില്‍ റോഡില്‍ അപകടത്തില്‍പ്പെട്ട ബിയര്‍ ലോറിയില്‍ നിന്ന് കുപ്പികള്‍ എടുത്തുകൊണ്ടുപോകാന്‍ ശ്രമിക്കുന്ന ആള്‍ക്കൂട്ടത്തിന്‍റേതാണ് വീഡിയോ. ഏപ്രില്‍ 20നാണ് ചിക്കമഗളൂരിലെ തരിക്കെരി താലൂക്കിലെ എം സി ഹള്ളിക്ക് സമീപമാണ് ബിയര്‍ ലോറി മറിഞ്ഞത്. നഞ്ചൻഗുഡിലെ കിംഗ്ഫിഷര്‍ ഡിസ്റ്റിലറിയില്‍ നിന്നുള്ളതായിരുന്നു അപകടത്തില്‍പ്പെട്ട ലോറി. അപകട വിവരമറിഞ്ഞ് സ്ഥലത്തേക്ക് എത്തിയവര്‍ മറിഞ്ഞത് ബിയര്‍ ലോറിയാണെന്ന് മനസ്സിലാക്കിയതോടെ കൊവിഡ് പ്രൊട്ടോക്കോള്‍ പോയിട്ട് മുഖാവരണം പോലുമില്ലാതെ നിരവധിയാളുകളാണ് ഇവിടേക്ക് കൂട്ടമായി എത്തിയത്.…

ബെംഗളൂരു : നഗരത്തിൽ ലോക്ക് ഡൗൺ പ്രഖ്യാപിക്കും എന്ന രീതിയിൽ ഉച്ചക്ക് ശേഷം പ്രാദേശിക മാധ്യമങ്ങളിൽ വാർത്തകൾ വരുന്നുണ്ട്, മാത്രമല്ല മല്ലേശ്വരം അടക്കം നിരവധി സ്ഥലങ്ങളിൽ പോലീസ് ഇടപെട്ട് കടകൾ അടപ്പിക്കുന്നുമുണ്ട്, ഇത് ലോക്ക് ഡൗൺ മുന്നിൽ കണ്ടു കൊണ്ടാണ് എന്ന രീതിയിലും അഭ്യൂഹങ്ങൾ പരക്കുന്നുണ്ട്. എന്നാൽ സംസ്ഥാനത്ത് ഇനിയൊരു ലോക്ക് ഡൗൺ പ്രഖ്യാപിക്കുകയോ പ്രഖ്യാപിക്കാനുള്ള സാധ്യതയോ കുറവാണ്. രണ്ട് ദിവസം മുൻപ് കൃത്യമായി പറഞ്ഞാൽ 20ന് വൈകുന്നേരം കർണാടക സർക്കാർ കൊണ്ടുവന്ന ഉത്തരവ് ഇപ്പോൾ നടപ്പിലാക്കുക മാത്രമാണ് ഇപ്പോൾ ചെയ്യുന്നത്. മെയ് നാല്…

ബെംഗളൂരു: 15 ദിവസം നീണ്ട ട്രാൻസ്പോർട്ട് ജീവനക്കാരുടെ സമരം ഇന്നലെ പിൻവലിച്ചു. കോവിഡ് സാഹചര്യത്തിൽ പൊതുജനങ്ങളുടെ ബുദ്ധിമുട്ട് പരിഗണിച്ച് ജോലിക്ക് ഹാജരാകണമെന്ന് ഹൈക്കോടതി നിർദേശിച്ചതിന് പിന്നാലെയാണ് നടപടി. കോടതിയിൽ വിശ്വാസവും ബഹുമാനവുമുണ്ടെന്നും സമരം താത്കാലികമായി പിൻവലിക്കുകയാണെന്നും കർണാടക റോഡ് ട്രാൻസ്‌പോർട്ട് എംപ്ലോയീസ് ലീഗ് പ്രസിഡന്റ് കൊടിഹള്ളി ചന്ദ്രശേഖർ അറിയിച്ചു. ജീവനക്കാരിൽ ഒരു വിഭാഗം നേരത്തേ തന്നെ പണിമുടക്കിൽനിന്ന് പിന്മാറിയിരുന്നു. സർക്കാർ ചർച്ചയ്ക്ക് തയ്യാറാകാതിരുന്നതോടെ നേതൃത്വത്തിനെതിരേ സംഘടനയ്ക്കുള്ളിൽത്തന്നെ അഭിപ്രായവ്യത്യാസം രൂപപ്പെടുകയും ചെയ്തിരുന്നു. 60 ശതമാനത്തോളം ബസുകൾ കഴിഞ്ഞ ദിവസങ്ങളിൽ തന്നെ നിരത്തിലിറങ്ങിയിരുന്നു. വ്യാഴാഴ്ച മുതൽ നാലു…