Year: 2020

ബെംഗളൂരു : സമീപകാലത്തെ ആരോഗ്യമേഖലയിലെ ഏറ്റവും വലിയ എറ്റെടുക്കലിലൂടെ രാജ്യത്തെ ഏറ്റവും കൂടുതൽ കിടക്കകളുള്ള രണ്ടാമത്തെ സ്വകാര്യ ആശുപത്രി ശൃംഗലയായി മണിപ്പാൽ ഹോസ്പിറ്റൽസ്.ഒന്നാം സ്ഥാനത്ത് ഉള്ളത് അപ്പോളോ ഹോസ്പ്പിറ്റൽസ് ആണ്. ഈ ഏറ്റെടുക്കലിലൂടെ 15 നഗരങ്ങളിലായി 27 ആശുപത്രികളും 7200 ൽ അധികം കിടക്കകളും 40000 ഡോക്ടർമാരും 10000 ൽ അധികം ജീവനക്കാരുമുള്ള സ്ഥാപനമായി മാറും മണിപ്പാൽ എന്ന് അവർ പത്ര പ്രസ്താവനയിലൂടെ അറിയിച്ചു. യുഎസിലെ കൊളംബിയ പസഫിക് ഗ്രൂപ്പ് 2015ൽ ഹെബ്ബാളിൽ പ്രവർത്തനമാരംഭിച്ച കൊളംബിയ ഏഷ്യക്ക് ബെംഗളൂരു, മൈസൂരു, പൂനെ, ഗാസിയാബാദ്, ഗുരുഗ്രാം, പട്യാല…

ബെംഗളൂരു: സംസ്ഥാനത്ത് സ്കൂൾ തുറക്കുന്ന കാര്യം ചർച്ചചെയ്യാൻ ബുധനാഴ്ച മുതൽ മൂന്നുദിവസത്തേക്ക് ബെംഗളൂരുവിൽ ഉദ്യോഗസ്ഥരുടെ യോഗം പ്രാഥമിക വിദ്യാഭ്യാസമന്ത്രി എസ്. സുരേഷ് കുമാർ വിളിച്ചുചേർത്തിട്ടുണ്ട്. സ്കൂളുകളും പ്രീയൂണിവേഴ്‌സിറ്റി കോളേജുകളും തുറക്കുന്ന കാര്യത്തിൽ സർക്കാർ വെള്ളിയാഴ്ചയ്ക്കുള്ളിൽ അന്തിമതീരുമാനമെടുക്കും. ഡിസംബറോടുകൂടി ഘട്ടംഘട്ടമായി ക്ലാസുകൾ തുടങ്ങാനാണ് സർക്കാർ ലക്ഷ്യമിടുന്നത്. സ്കൂളുകളിലെ ശൗചാലയത്തിന്റെ ലഭ്യത, കുടിവെള്ളം, ക്ലാസ് മുറികൾ എന്നിവ സംബന്ധിച്ച വിശദമായ റിപ്പോർട്ട് നൽകാൻ എല്ലാ ബ്ലോക്ക് എജ്യുക്കേഷൻ ഉദ്യോഗസ്ഥരോടും ആവശ്യപ്പെട്ടിട്ടുണ്ട്. സ്കൂളുകളിൽ വിദ്യാർഥികൾക്ക് കുടിക്കാൻ ചൂടുവെള്ളം ലഭ്യമാക്കാനുള്ള നടപടികൾ സ്വീകരിക്കാൻ തീരുമാനിച്ചിട്ടുണ്ടെന്ന് പൊതുവിദ്യാഭ്യാസവകുപ്പ് കമ്മിഷണർ അൻപുകുമാർ പറഞ്ഞു.…

ബെംഗളൂരു: നടി സഞ്ജന ഗല്‍റാണിയുടെയും രാഗിണി ദ്വിവേദിയുടെയും ജാമ്യാപേക്ഷ കര്‍ണാടക ഹൈക്കോടതി തള്ളി. ഇതോടൊപ്പം ലഹരിമരുന്ന് കേസില്‍ പ്രതികളായ ശിവപ്രകാശ്, അഭിസ്വാമി, പ്രശാന്ത് രാജു ജി എന്നിവരുടെ മുന്‍കൂര്‍ ജാമ്യാപേക്ഷയും കോടതി തളളിയിട്ടുണ്ട്. അറസ്റ്റ് തടയുന്നതിനായാണ് ഇവര്‍ മുന്‍കൂര്‍ ജാമ്യാപേക്ഷ നല്‍കിയത്. കഴിഞ്ഞദിവസം പ്രതികളുടെ വാദം കേട്ട ശേഷം ഇന്ന് വിധി പറയാന്‍ കേസ് മാറ്റിവെയ്ക്കുകയായിരുന്നു. ജസ്റ്റിസ് ശ്രീനിവാസ് ഹരീഷ് കുമാറാണ് വിധി പറഞ്ഞത്. ഒറ്റവരിയിലുള്ള വിധിയിലാണ് എല്ലാ ജാമ്യാപേക്ഷയും തള്ളിയതായി പറഞ്ഞിരിക്കുന്നത്. പ്രത്യേക കോടതി ജാമ്യം നിഷേധിച്ചതിനെ തുടര്‍ന്നാണ് പ്രതികള്‍ ഹൈക്കോടതിയെ സമീപിച്ചത്.…

ബെംഗളൂരു: വൈദ്യുതി മുടക്കം കാരണം കച്ചെഗുഡയില്‍ നിന്നുള്ള പ്രത്യേക തീവണ്ടി മാണ്ട്യക്കടുത്ത എളിയൂറില്‍ 45 മിനുട്ട് പിടിച്ചിട്ടു. കാരണമറിയാതെ ക്ഷുഭിതരായ യാത്രക്കാര്‍ സമൂഹ മാദ്ധ്യമങ്ങളിലൂടെ പ്രതികരിച്ചതിനെത്തുടര്‍ന്ന് അധികൃതര്‍ ബദല്‍ സംവിധാനത്തില്‍ വൈദ്യുതിയെത്തിച്ച്‌ യാത്ര പുനരാരംഭിച്ചു. രാവിലെ 6.45ന് ബെംഗളൂരു വിട്ട ട്രയിന്‍ 8.30നാണ് എളിയൂറില്‍ എത്തിയത്. സബ് സ്റ്റേഷനില്‍ നിന്ന് വൈദ്യതി വിതരണം നിലച്ചതാണ് ട്രയിന്‍ നിശ്ചലമാവാന്‍ കാരണമെന്ന് റയില്‍വേ അധികൃതര്‍ വിശദീകരിച്ചു.

ബെംഗളൂരു: വസ്ത്രത്തിൽ പ്രത്യേക അറയുണ്ടാക്കി കുഴമ്പുരൂപത്തിൽ സ്വർണക്കടത്ത്. ഇങ്ങനെ ഒളിപ്പിച്ചു കടത്താൻ ശ്രമിച്ച 83 ലക്ഷം രൂപ വിലമതിക്കുന്ന സ്വർണമാണ് കസ്റ്റംസ് ഉഗ്യോഗസ്ഥർ പിടിച്ചെടുത്തത്. വസ്ത്രത്തിനുള്ളിൽ ഒളിപ്പിച്ച് 1.6 കിലോഗ്രാം സ്വർണം കടത്താൻ ശ്രമിച്ച അബുദാബിയിൽനിന്ന്‌ വന്ന യാത്രക്കാരനെയാണ് ബെംഗളൂരു വിമാനത്താവളത്തിൽ കസ്റ്റംസ് ഉഗ്യോഗസ്ഥർ പിടികൂടിയത്. കുടക് സ്വദേശിയായ ഹരിശ്ചന്ദ്ര (45)യാണ് പിടിയിലായത്. അബുദാബിയിൽനിന്ന് എത്തിഹാദ് എയർവേയ്‌സ് വിമാനത്തിലായിരുന്നു ഇയാൾ എത്തിയത്. പെരുമാറ്റത്തിൽ സംശയം തോന്നി പരിശോധിച്ചപ്പോൾ വസ്ത്രത്തിലെ പ്രത്യേക അറയിൽ കുഴമ്പുരൂപത്തിലുള്ള സ്വർണം കണ്ടെത്തി. വിശദമായി പരിശോധിച്ചപ്പോൾ അടിവസ്ത്രത്തിനകത്തും സ്വർണം ഒളിപ്പിച്ച നിലയിൽ കണ്ടെത്തുകയായിരുന്നുവെന്ന് കസ്റ്റംസ് ഉഗ്യോഗസ്ഥർ വെളിപ്പെടുത്തി.