Day: 27 July 2020

ബെംഗളൂരു : കോവിഡ് രോഗികളുടെ എണ്ണത്തില്‍ ഉള്ള വര്‍ധന കര്‍ണാടകയില്‍ വീണ്ടും തുടരുന്നു.ഇന്ന് സംസ്ഥാന ആരോഗ്യ വകുപ്പ് പുറത്തിറക്കിയ ബുള്ളറ്റിന്‍ പ്രകാരം സംസ്ഥാനത്ത് 5324 പേര്‍ക്ക് പുതിയതായി കോവിഡ് സ്ഥിരീകരിച്ചു. കൂടുതല്‍ വിവരങ്ങള്‍ താഴെ. കര്‍ണാടക : ഇന്ന് കോവിഡ് മരണം :75 അകെ കോവിഡ് മരണം : 1953 ഇന്നത്തെ കേസുകള്‍ : 5324 ആകെ പോസിറ്റീവ് കേസുകള്‍ : 101465 അകെ ആക്റ്റീവ് കേസുകള്‍ : 61819 ഇന്ന് ഡിസ്ചാര്‍ജ് : 1847 അകെ ഡിസ്ചാര്‍ജ് : 37685 തീവ്ര പരിചരണ…

ബെംഗളൂരു: നഗരത്തിൽ ദിവസേന ശരാശരി 2000 പേർക്ക് രോഗം സ്ഥിരീകരിക്കുന്നുണ്ട്. ഇവരിൽ പലരും വ്യാജമേൽവിലാസവും ഫോൺനമ്പറും നൽകിയതിനാൽ നഗരത്തിൽ ഇപ്പോൾ 4500-ഓളം കോവിഡ് രോഗികളെക്കുറിച്ച് ഒരു വിവരമില്ല. പരിശോധനാഫലം പോസിറ്റീവായാൽ കോവിഡ് കെയർ കേന്ദ്രങ്ങളിലെ ക്വാറന്റീൻ ഒഴിവാക്കാനാണ് പലരും വ്യാജ മേൽവിലാസവും ഫോൺനമ്പറും നൽകുന്നത്. രോഗം സ്ഥിരീകരിക്കുന്നവരുടെ പ്രാഥമിക, ദ്വിതീയ സമ്പർക്കപ്പട്ടികയിലുള്ളവരാണ് പരിശോധനാസമയത്ത് വ്യാജമേൽവിലാസം നൽകുന്നത്. ഇവരുടെ പരിശോധനാ ഫലം പോസിറ്റീവായാലും അധികൃതർക്ക് ഇവരെ കണ്ടെത്താനാകുന്നില്ല. കോവിഡ് രോഗികളെ കണ്ടെത്താനാകാത്തതോടൊപ്പം ഇവരുടെ സമ്പർക്ക പട്ടികയിലുള്ളവരെയും കണ്ടെത്തി നിരീക്ഷണത്തിലാക്കാനാകാത്തത് കോർപ്പറേഷന് വെല്ലുവിളിയായിരിക്കുകയാണ്.

ബെംഗളൂരു: ബക്രീദിന്റെ സമയത്ത് മുസ്ലീങ്ങൾ നടത്തുന്ന ഒരു പ്രധാന ആചാരമാണ് ബഹുജന പ്രാർത്ഥനയെന്ന് ചൂണ്ടികാട്ടുന്ന സംസ്ഥാന സർക്കാർ ഇറക്കിയ ഉത്തരവില്‍, കോവിഡ് 19 മഹാമാരിയുടെ പശ്ചാത്തലത്തില്‍ ഈദ് ഗാഹുകളിലും മറ്റുസ്ഥലങ്ങളിലും ബഹുജന പ്രാര്‍ത്ഥന നിരോധിക്കുക്കുന്നതായി വ്യക്തമാക്കി. എന്നിരുന്നാലും, 50 ൽ കൂടുതൽ ആളുകൾ പങ്കെടുക്കരുതെന്ന നിയന്ത്രണത്തോടെ പള്ളികളിൽ പ്രാർത്ഥന അനുവദിക്കും. കൂടുതൽ ആളുകളുണ്ടെങ്കിൽ, പ്രാർത്ഥനകൾ ബാച്ചുകളായി നടത്തണമെന്ന് വകുപ്പ് ഉത്തരവിൽ പറഞ്ഞു. പ്രാർത്ഥനയ്ക്കായി പള്ളികൾ സന്ദർശിക്കുന്നവർ മാസ്ക് ധരിക്കണമെന്നും സാമൂഹിക അകലം പാലിക്കണമെന്നും ന്യൂനപക്ഷ ക്ഷേമ, വക്ഫ് വകുപ്പ് സെക്രട്ടറി എ ബി ഇബ്രാഹിം പുറത്തിറക്കിയ ഉത്തരവിൽ…

ബെംഗളൂരു : കലക്ടറും മലയാളിയുമായ അഭിറാം.ജി.ശങ്കർ താൻ കോവിഡ് പോ സിറ്റീവാണെന്ന സ്രവപരിശോധനാ റിപ്പോർട്ട് കണ്ട് അത്ഭുതപ്പെട്ടു. പരിശോധനക്ക് സാംപിൾ നൽകിയിട്ടില്ലാത്ത കലക്ടർക്ക് ആദ്യം സംഭവമെന്തെന്നു വ്യക്തമായില്ല. തുടർന്നുളള അന്വേഷണത്തിലാണ് കോവിഡ് ഫലത്തിന്റെ സത്യം അറിയുന്നത്. ഹെബ്ബാളിൽ നിന്നുള യുവാവ് സ്രവപരിശോധനയ്ക്കു സാംപിൾ നൽകിയപ്പോൾ കൈമാറിയത് കലക്ടറുടെ ഫോൺ നമ്പർ ആണ്. മനഃപൂർവമാണോ തന്റെ നമ്പർ നൽകിയതെന്നു വ്യക്തമല്ലെന്നും ഇക്കാര്യം അന്വേഷിച്ചുവരികയാണെന്നും അഭിറാം പറഞ്ഞു.

ബെംഗളൂരു: ഇന്ത്യയുടെ തദ്ദേശീയ വെന്റിലേറ്റർ ‘സ്വസ്ത്‌വായു’ ബെംഗളൂരു മണിപ്പാൽ ആശുപത്രിയിൽ ഉടൻ പരീക്ഷണം നടത്തും. ശ്വാസകോശത്തിൽ കുഴൽ കടത്താതെ രോഗിക്ക് മുഖാവരണംവഴി ഓക്‌സിജൻ ലഭ്യമാക്കുന്ന ദൗത്യം ഏറ്റെടുത്തിട്ടുള്ളത് നഗരത്തിലെ നാഷണൽ എയറോസ്പേസ് ലാബോറട്ടറീസ്(എൻ.എ.എൽ.) ആണ്. രാജ്യത്തു നിർമിക്കുന്ന ആദ്യത്തെ നോൺ-ഇൻവേസീവ്(ശരീരത്തിനകത്തേക്ക് ഘടകങ്ങൾ കടത്താത്ത), പോർട്ടബിൾ  വെന്റിലേറ്ററാണ് ‘സ്വസ്ത്‌വായു’. മണിപ്പാൽ ആശുപത്രിയിലെ ശ്വാസകോശചികിത്സാവിദഗ്ധരായ ഡോ. അനുരാഗ് അഗർവാളിന്റെയും ഡോ. സത്യനാരായണയുടെയും നിർദേശങ്ങൾ സ്വീകരിച്ചാണിതു വികസിപ്പിച്ചത്. ‘സ്വസ്ത്‌വായു’ വെന്റിലേറ്റർ വൈറസ് വ്യാപനം കുറയ്ക്കുന്നതിൽ നിർണായകപങ്കുവഹിക്കുമെന്നും ഓക്‌സിജൻ കോൺസെൻട്രേറ്ററിലേക്ക് പുറമേക്കൂടി ബന്ധിപ്പിക്കാൻ ഇതിൽ പ്രത്യേകസംവിധാനമുണ്ടെന്നും ഡോ. സത്യനാരായണ പറഞ്ഞു. കോവിഡ്…