Day: 7 January 2020

ബെംഗളൂരു : INTUC, AITUC, HMS, CITU, AIUTUC, TUCC, SEWA, AICCTU, LPF, UTUC തുടങ്ങിയ യൂണിയനുകൾ സംയുക്തതമായി പ്രഖ്യാപിച്ചിട്ടുള്ള അഖിലേന്ത്യാ പണിമുടക്ക് നാളെ നടക്കുകയാണ്. യൂണിയനുകൾ പ്രവർത്തിക്കുന്ന ബാങ്കിംഗ് മേഖലയെ പണിമുടക്ക് സാരമായി ബാധിക്കാൻ സാദ്ധ്യതയുണ്ട്. ബി.എം.ടി.സി.യിൽ പ്രവർത്തിക്കുന്ന  യൂണിയനുകൾ പണിമുടക്കിൽ പങ്കെടുക്കുന്നുണ്ട് . എന്നാൽ ബി.എം.ടി.സി.യും കെ.എസ്.ആർ.ടി.സിയും എന്നത്തേയും പോലെ നഗരത്തിൽ സർവ്വീസ് നടത്തും. മെട്രോ ട്രെയിൻ സർവീസ് നടത്തും. സ്കൂളുകൾക്കും കോളേജുകൾക്കും അവധി നൽകിയിട്ടില്ല, സാധാരണ ഓഫീസുകൾ പ്രവർത്തിക്കുമെങ്കിലും യൂണിയനുകൾ പ്രവർത്തിക്കുന്ന ഫാക്ടറികൾ പലതും അവധി നൽകിയിട്ടുണ്ട്. ജിഗനി,…

ബെംഗളൂരു : പാകിസ്ഥാൻ സ്വദേശി എന്ന് ആരോപിച്ച് മലയാളി വ്യാപാരിയുടെ അറസ്റ് ആവശ്യപ്പെട്ട് ആർഎസ്എസ് പ്രവർത്തകർ ബിഡദി പോലീസ് സ്റ്റേഷൻ ഉപരോധിച്ചു. കണ്ണൂർ പാനൂർ പാറാട് സ്വദേശിയും മുസ്ലിംലീഗ് കർണാടക സംസ്ഥാന സമിതി അംഗവുമായ മുഹമ്മദ് അഫ്സൽ പാറേങ്ങൽ (32) ന്റെ 11 കടകൾ ബലംപ്രയോഗിച്ച് അടപ്പിച്ച ശേഷമാണ് രണ്ടു ദിവസം മുൻപ് രാവിലെ ഉപരോധം സംഘടിപ്പിച്ചത്. കടയിലുണ്ടായിരുന്ന തൻറെ സഹോദരനെ അജ്മലിനെ മറ്റു ജീവനക്കാരെയും പ്രതിഷേധക്കാർ മർദ്ദിച്ചതായി ചൂണ്ടിക്കാട്ടി പോലീസിൽ പരാതി നൽകി . ലീഗ് പതാക ഒപ്പമുള്ള തൻറെ ചിത്രങ്ങൾ ആർഎസ്എസ്…

  ബെംഗളൂരു: മലയാളിയുവതിയെ ബെംഗളൂരു സ്വദേശികളുൾപ്പെടെ മൂന്നുപേർ പീഡിപ്പിക്കുകയും മതം മാറാൻ പ്രേരിപ്പിക്കുകയും ചെയ്തെന്ന പരാതിയിൽ പോലീസ് അന്വേഷണം തുടങ്ങി. ബെംഗളൂരു സ്വദേശികളായ രണ്ടുപേരും കണ്ണൂർ സ്വദേശിയായ യുവാവും പലതവണ പീഡിപ്പിച്ചതായി ആരോപിച്ച് കാസർകോട് സ്വദേശിയായ 18-കാരിയാണ് കർണാടക മുഖ്യമന്ത്രി ബി.എസ്. യെദ്യൂരപ്പയ്ക്ക് പരാതിനൽകിയത്. ബി.ജെ.പി. നേതാവും എം.പി.യുമായ ശോഭ കരന്തലജെയ്ക്കൊപ്പമാണ് യുവതി യെദ്യൂരപ്പയ്ക്ക് പരാതിനൽകാനെത്തിയത്. മതം മാറിയില്ലെങ്കിൽ പീഡനദൃശ്യങ്ങൾ സാമൂഹികമാധ്യമങ്ങളിൽ പ്രചരിപ്പിക്കുമെന്ന് യുവതിയെ ഭീഷണിപ്പെടുത്തുകയാണെന്നുമാണ് വെളിപ്പെടുത്തിയത്. സംഭവത്തിൽ പരപ്പന അഗ്രഹാര പോലീസ് കേസെടുത്തു.

ബെംഗളൂരു:പ്രളയക്കെടുതി ദുരിതാശ്വാസത്തിനായുള്ള കടുത്ത സമ്മർദത്തിനൊടുവിൽ കർണാടകത്തിന് കൂടുതൽ കേന്ദ്ര സഹായം. ദുരിതാശ്വാസ പ്രവർത്തനത്തിനായി 1869.85 കോടി രൂപയാണ് കൂടുതലായി അനുവദിച്ചത്. ആഭ്യന്തരമന്ത്രി അമിത് ഷായുടെ അധ്യക്ഷതയിൽ ചേർന്ന ഉന്നതതല സമിതിയാണ് കർണാടകത്തിന് കൂടുതൽ ഫണ്ട് അനുവദിക്കാൻ തീരുമാനിച്ചത്. നേരത്തെ 1200 കോടി രൂപയുടെ സഹായം അനുവദിച്ചിരുന്നു. ഇതോടെ കർണാടകത്തിന് കേന്ദ്രത്തിൽനിന്ന് 3069 കോടി രൂപ ലഭിച്ചു. പ്രളയക്കെടുതി നേരിട്ട 13 സംസ്ഥാനങ്ങളിൽ ഏറ്റവും കൂടുതൽ ഫണ്ട് ലഭിച്ചത് കർണാടകത്തിനാണ്. ശക്തമായ കാലവർഷത്തിൽ കർണാടകത്തിന് 30,000 കോടി രൂപയുടെ നാശനഷ്ടമുണ്ടായെന്ന് കാണിച്ചാണ് കേന്ദ്രസർക്കാരിന് റിപ്പോർട്ട് നൽകിയത്.…