Month: October 2019

ബെംഗളൂരു: തണ്ടർബോൾട്ട് സംഘത്തിന്റെ വെടിവെപ്പിൽ പാലക്കാട് അഗളിയിൽ കൊല്ലപ്പെട്ട മാവോവാദികളിൽ രണ്ടുപേർ കർണാടകത്തിലെ ചിക്കമഗളൂരു സ്വദേശികൾ. ചിക്കമഗളൂരു മുഡിഗരെ താലൂക്കിലെ അങ്ങാടി വില്ലേജ് സ്വദേശിയാണ് കൊല്ലപ്പെട്ട സുരേഷ് (40). കൊല്ലപ്പെട്ടതായി പോലീസ് സ്ഥിരീകരിച്ച സാവിത്രിയും ചിക്കമഗളൂരു സ്വദേശിയാണ്. ചിക്കമഗളൂരുവിൽനിന്നു പോലീസ് അഗളിയിലെത്തിയതായും കൊല്ലപ്പെട്ടവരെ തിരിച്ചറിഞ്ഞതായും ചിക്കമഗളൂരു എസ്.പി. ഹരീഷ് പാണ്ഡെ പറഞ്ഞു. സുരേഷ് ചിക്കമഗളൂരു ജില്ലയിലെ വിവിധ പോലീസ് സ്റ്റേഷനുകളിലായി 21 കേസുകളിൽ പ്രതിയാണ്. വിദ്യാർഥിയായിരുന്ന കാലംമുതൽ സാമൂഹികപ്രവർത്തനങ്ങളിൽ പങ്കാളിയായിരുന്നു. പിന്നീട് ആദിവാസികളുടെ അവകാശസമരങ്ങളിൽ ചേർന്നു. കുടുംബത്തിലെ ഏക ബിരുദധാരിയായ സുരേഷ് 20 വർഷംമുമ്പ്…

ബെംഗളൂരു: സംസ്ഥാനത്ത് ഹുബ്ബള്ളി റെയിൽവേ സ്റ്റേഷനിൽ നടന്ന സ്ഫോടനവുമായി ബന്ധപ്പെട്ട് സ്റ്റേഷൻമാസ്റ്ററെയും റെയിൽവേ സംരക്ഷണസേന(ആർ.പി.എഫ്.) എ.എസ്.ഐ.യെയും സസ്പെൻഡ് ചെയ്തു. കഴിഞ്ഞ ദിവസം റെയിൽവേ സഹമന്ത്രി സുരേഷ് അംഗടി ഹുബ്ബള്ളി സ്റ്റേഷൻ സന്ദർശിച്ചിരുന്നു. ഉദ്യോഗസ്ഥർ കുറ്റകരമായ അനാസ്ഥ കാണിച്ചെന്ന് വ്യക്തമായതിനെത്തുടർന്നാണ് നടപടി. നാലുദിവസങ്ങൾക്കുള്ളിൽ സംഭവത്തെക്കുറിച്ച് വിശദമായ റിപ്പോർട്ട് സമർപ്പിക്കാനും മന്ത്രി ആവശ്യപ്പെട്ടിട്ടുണ്ട്. ഒക്ടോബർ 21-നാണ് ഹുബ്ബള്ളി റെയിൽവേ സ്റ്റേഷനിൽ സ്ഫോടനമുണ്ടായത്. അമരാവതിയിൽനിന്നുവന്ന തീവണ്ടിയിലെത്തിയ സ്ഫോടകവസ്തു നിറച്ച ബക്കറ്റാണ് പ്ലാറ്റ്ഫോമിൽ പൊട്ടിത്തെറിച്ചത്. സ്റ്റേഷനിൽ ചായക്കച്ചവടം നടത്തിവന്ന യുവാവിന് സ്ഫോടനത്തിൽ പരിക്കേൽക്കുകയുംചെയ്തു. തുടർന്നുനടന്ന പരിശോധനയിൽ സമാനമായ സ്ഫോടകവസ്തുക്കൾ അടങ്ങിയ ഒമ്പതോളം…

ബെംഗളൂരു: സിനിമ പ്രദർശനത്തിന് മുന്നോടിയായി ഉള്ള ദേശീയ ഗാനത്തിന് എഴുന്നേറ്റ് നിൽക്കാത്തതിൽ സിനിമാ നടൻ അരുൺ ഗൗഡയുടെ നേതൃത്വത്തിൽ നാലംഗ നാലംഗ സംഘത്തെ പുറത്താക്കി. സംഭവം നടന്നത് കഴിഞ്ഞ 23ന് ഒറിയോണ്‍ മാളിലെ പി വി ആർ മൾട്ടിപ്ലക്സിൽ “അസുരൻ”എന്ന ചിത്രം പ്രദർശിപ്പിക്കുമ്പോൾ ആയിരുന്നു. ഈ വീഡിയോ സമൂഹ മാധ്യമങ്ങളിൽ പരക്കെ പ്രചരിക്കപ്പെട്ടു. ” 52 സെക്കന്റ് രാജ്യത്തിന് വേണ്ടി ചെലവഴിക്കാൻ ഇവരുടെ കയ്യിൽ സമയമില്ല, എന്നാൽ 3 മണിക്കൂർ സിനിമാ കാണാൻ അവർക്ക് സമയമുണ്ട് ” ഒരാൾ ഇങ്ങനെ പറയുന്നതായി വീഡിയോയിൽ കേൾക്കാം.…

ബെംഗളൂരു: നഗരത്തിൽ അനധികൃതമായി താമസിക്കുകയായിരുന്ന 60 ബംഗ്ലാദേശികൾ പിടിയിൽ. പിടിയിലായവരിൽ 22 വനിതകളും ഒമ്പതു കുട്ടികളുമുണ്ട്. ബെല്ലന്ദൂർ, രാമമൂർത്തിനഗർ, മാറത്തഹള്ളി എന്നിവിടങ്ങളിൽ നടത്തിയ മിന്നൽപരിശോധനയിലാണ് ഇവരെ കണ്ടെത്തിയത്. നഗരത്തിലെ വിവിധ ഭാഗങ്ങളിൽ കരാർ ജോലിചെയ്തുവരികയായിരുന്നു ഇവരെന്ന് പോലീസ് അറിയിച്ചു. നഗരത്തിലുള്ള കരാറുകാരാണ് ഇവരെ എത്തിച്ചതെന്നാണ് പ്രാഥമികവിവരം. രഹസ്യാന്വേഷണവിഭാഗം നൽകിയ വിവരത്തെത്തുടർന്നാണ് സെൻട്രൽ ക്രൈംബ്രാഞ്ച് പരിശോധന നടത്തിയത്. പിടിയിലായവരെ തിരിച്ചയയ്ക്കാനുള്ള നടപടികൾ സ്വീകരിക്കുമെന്ന് സിറ്റി പോലീസ് കമ്മിഷണർ ഭാസ്‌കർ റാവു അറിയിച്ചു. മാറത്തഹള്ളിയിലെയും ബെന്ദൂരിലെയും ഒഴിഞ്ഞ സ്ഥലങ്ങളിൽ താത്കാലിക ഷെഡ്ഡുകൾ കെട്ടിയാണ് ഇവരിൽ ഭൂരിഭാഗവും കഴിഞ്ഞിരുന്നത്.…

ബെംഗളൂരു: മുൻമുഖ്യമന്ത്രി സിദ്ധരാമയ്യയും മുതിർന്ന നേതാവ് ജി. പരമേശ്വരയും ഡി.കെ. ശിവകുമാറിനെ ബെംഗളൂരു സദാശിവനഗറിലെ വീട്ടിലെത്തി സന്ദർശിച്ചു. ബെംഗളൂരുവിലെത്തിയ ശിവകുമാറിന്റെ സ്വീകരണപരിപാടികളിൽ ഇരുനേതാക്കളും പങ്കെടുത്തിരുന്നില്ല. ഡി.കെ. ശിവകുമാറിന് സ്വീകരണം നൽകുന്നതിൽ സിദ്ധരാമയ്യ അടക്കമുള്ള ചില നേതാക്കൾക്ക് താത്പര്യമുണ്ടായിരുന്നില്ലെന്ന അഭ്യൂഹമുയരുന്നതിനിടെയാണ് ഇരുനേതാക്കളുടെയും സന്ദർശനം. കോൺഗ്രസ് ഡി.കെ. ശിവകുമാറിനൊപ്പമുണ്ടെന്ന് സന്ദർശനത്തിനുശേഷം സിദ്ധരാമയ്യ പറഞ്ഞു. നേരിട്ടുകണ്ട് പിന്തുണ അറിയിക്കാനാണ് വീട്ടിലെത്തിയതെന്നും സിദ്ധരാമയ്യ കൂട്ടിച്ചേർത്തു. ജാമ്യംലഭിച്ച ഡി.കെ. ശിവകുമാറിന് ശനിയാഴ്ച അനുയായികളും പ്രവർത്തകരുംചേർന്ന് വൻസ്വീകരണമാണ് നൽകിയത്. കോൺഗ്രസ് നേതാക്കളും മുൻമുഖ്യമന്ത്രി എച്ച്.ഡി. കുമാരസ്വാമിയും ഉൾപ്പെടെ വിമാനത്താവളത്തിൽ നേരിട്ടെത്തി ശിവകുമാറിനെ സ്വീകരിച്ചു.…

ബെംഗളൂരു: മുൻ സ്പീക്കർ കെ.ആർ. രമേഷ് കുമാർ അയോഗ്യരാക്കിയ 17 എം.എൽ.എ.മാരുടെ വിഷയം പുതുതായി പരിഗണിക്കാൻ തയ്യാറാണെന്ന് ഇപ്പോഴത്തെ സ്പീക്കർ സുപ്രീംകോടതിയെ അറിയിച്ചു. അയോഗ്യത ചോദ്യംചെയ്ത് എം.എൽ.എ.മാർ നൽകിയ ഹർജി പരിഗണിക്കുന്പോഴാണ് ഇപ്പോഴത്തെ സ്പീക്കർ വി. ഹെഗ്‌ഡെ കാഗേരിക്കുവേണ്ടി സോളിസിറ്റർ ജനറൽ തുഷാർ മേത്ത ഇക്കാര്യമറിയിച്ചത്. ജസ്റ്റിസ് എൻ.വി. രമണ അധ്യക്ഷനായ ബെഞ്ചിനുമുൻപാകെ വെള്ളിയാഴ്ചയും വാദം തുടരും. നിയമസഭയിൽനിന്ന്‌ രാജിവെക്കാനുള്ള തങ്ങളുടെ അവകാശം നിഷേധിക്കാനാവില്ലെന്നും സ്പീക്കറുടെ നടപടി പകരംവീട്ടലാണെന്നും എം.എൽ.എ.മാർ കഴിഞ്ഞദിവസം വാദിച്ചിരുന്നു. അയോഗ്യതാ നടപടിയിൽ മറുപടി നൽകാൻ സ്പീക്കർ മാനദണ്ഡപ്രകാരമുള്ള ഏഴുദിവസം അനുവദിച്ചില്ലെന്നും…