ബെംഗളൂരു : കുമാരസ്വാമി മന്ത്രിസഭയിലെ സിവിൽ സപ്ലെ വകുപ്പ് കൈകാര്യം ചെയ്തിരുന്ന മന്ത്രിയും ചാമരാജ പേട്ടിൽ നിന്നുള്ള കോൺഗ്രസ് എം എൽ എ .യുമായ ബി.സെഡ്.സമീർ അഹമ്മദ് ഖാനെ ഹൃദയാഘാതത്തെ തുടർന്ന് വിക്രം ഹോസ്പിറ്റലിൽ പ്രവേശിപ്പിച്ചു.
ഇന്ന് രാവിലെയാണ് സംഭവം നടന്നത്, അദ്ദേഹത്തെ ആൻജിയോ പ്ലാസ്റ്റിക്ക് വിധേയനാക്കി.
6 പ്രാവശ്യം എം എൽ എ ആയ സമീർ അഹമ്മദ് ഖാനെ ഐഎംഎ ജ്വല്ലറി സാമ്പത്തിക തട്ടിപ്പുമായി ബന്ധപ്പെട്ട് മാസങ്ങൾക്ക് മുമ്പ് സി.ബി.ഐ ചോദ്യം ചെയ്തിരുന്നു. 40000 പേരുടെ നിക്ഷേപം തട്ടിച്ച് കടന്നു കളഞ്ഞ ഐഎംഎ ഉടമ മുഹമ്മദ് മൻസൂർ ഖാനുമായുള്ള ബന്ധത്തെ തുടർന്നാണ് ചോദ്യം ചെയ്തത്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
