Day: 1 October 2019

ബെംഗളൂരു : നാല് വര്‍ഷത്തിന് ശേഷം കോണ്‍ഗ്രസ്‌-ജെട് സി എസ് സഖ്യത്തില്‍ നിന്നും നഗരസഭയുടെ ഭരണം തിരിച്ചു പിടിച്ച് ബി ജെ പി.പൊതു തെരഞ്ഞെടുപ്പില്‍ ഏറ്റവും വലിയ ഒറ്റക്കക്ഷി ആയിരുന്നിട്ടും (107 സീറ്റ്) ഭരണം കയ്യിലോതുക്കാന്‍ ബി ജെ പിക്ക് കഴിഞ്ഞിരുന്നില്ല. ജോഗുപ്പാളയ കോര്‍പറേറ്റര്‍ എം.ഗൌതം ബി.ബി.എം.പിയുടെ പുതിയ മേയറായി തെരഞ്ഞെടുത്തു,ബൊമ്മനഹള്ളിയുടെ പ്രതിനിധി സി.എസ്.റാം മോഹന്‍ രാജു ആണ് പുതിയ ഡെപ്യൂട്ടി മേയര്‍. 43-year-old M Goutham Kumar, Bengaluru’s new Mayor is a graduate in Commerce. He has been…

ബെംഗളൂരു: ഡി.കെ. ശിവകുമാറിനെതിരെയുള്ള കള്ളപ്പണം വെളുപ്പിക്കൽ കേസിൽ സഹോദരൻ ഡി.കെ. സുരേഷ് എം.പി.ക്കും എൻഫോഴ്‌സ്‌മെന്റ് ഡയറക്ടറേറ്റിന്റെ സമൻസ്. കേസിൽ അറസ്റ്റിലായ ശിവകുമാർ ജുഡീഷ്യൽ കസ്റ്റഡിയിലാണ്. ഒക്ടോബർ ഏഴിന് ചോദ്യംചെയ്യുന്നതിന് ഹാജരാകണമെന്നാണ് ആവശ്യപ്പെട്ടിട്ടുള്ളത്. എന്നാൽ സമൻസ് ലഭിച്ചിട്ടില്ലെന്നും ആവശ്യപ്പെട്ടാൽ ചോദ്യംചെയ്യുന്നതിന് ഹാജരാകുമെന്നും സുരേഷ് പറഞ്ഞു. ബെംഗളൂരു റൂറൽ മണ്ഡലത്തിൽനിന്നുള്ള എം.പി.യാണ് സുരേഷ്. വനിതാ കോൺഗ്രസ് നേതാവ് ലക്ഷ്മി ഹെബ്ബാൾക്കറേയും ഡി.കെ. ശിവകുമാറിന്റെ മകളെയും നേരത്തേ ചോദ്യം ചെയ്തിരുന്നു.

ബെംഗളൂരു: മുൻ മുഖ്യമന്ത്രി എച്ച്.ഡി. കുമാരസ്വാമിയെ രാഷ്ട്രീയ നേതാക്കളടക്കം പ്രമുഖരുടെ ഫോൺ ചോർത്തിയെന്ന കേസിൽ സി.ബി.ഐ. ചോദ്യം ചെയ്തേക്കും. കുമാരസ്വാമിയുടെ പേഴ്‌സണൽ അസിസ്റ്റന്റിനെ ചോദ്യം ചെയ്തതിൽനിന്ന് ലഭിച്ച വിവരത്തിന്റെയടിസ്ഥാനത്തിലാണ് കുമാരസ്വാമിക്ക് നോട്ടീസ് അയയ്ക്കാൻ സി.ബി.ഐ. തീരുമാനിച്ചതെന്നാണ് വിവരം. കഴിഞ്ഞ സർക്കാർ കാലത്ത് 600-ഓളം രാഷ്ട്രീയനേതാക്കളുടെയും ഉന്നതോദ്യോഗസ്ഥരുടെയും ഫോൺ ചോർത്തിയെന്നാണ് കേസ്. കോൺഗ്രസ്- ജെ.ഡി.എസ്. സഖ്യസർക്കാരിനെ അട്ടിമറിക്കാൻ നടക്കുന്ന നീക്കങ്ങൾ അറിയുന്നതിനുവേണ്ടിയാണ് സർക്കാർ പ്രമുഖരുടെ ഫോൺ ചോർത്തിയതെന്നാണ് പരാതി. സിറ്റി പോലീസ് കമ്മിഷണറായിരുന്ന അലോക് കുമാറിനെ സി.ബി.ഐ. ചോദ്യം ചെയ്തിരുന്നു. കൂടുതൽ പോലീസ് ഉദ്യോഗസ്ഥരിൽനിന്ന്‌ തെളിവ് ശേഖരിക്കാനും…

ബെംഗളൂരു: വിമതരെ സ്ഥാനാർഥിയാക്കുന്നതിൽ ബി.ജെ.പി.ക്കുള്ളിൽ പ്രതിഷേധം ശക്തമാകുന്നതിനിടയിലാണ് യെദ്യൂരപ്പയുടെ പ്രസ്താവന. ഉപതിരഞ്ഞെടുപ്പിൽ കോൺഗ്രസ്, ജെ.ഡി.എസ്. വിമതർക്ക് സീറ്റ് നൽകുമെന്ന് മുഖ്യമന്ത്രി ബി.എസ്. യെദ്യൂരപ്പ. വിമതർ ആവശ്യപ്പെട്ടാൽ അവർ ബി.ജെ.പി. സ്ഥാനാർഥികളായി മത്സരിക്കുമെന്നും ഇതിന് പാർട്ടി ദേശീയാധ്യക്ഷൻ അമിത് ഷാ അനുമതി നൽകിയിട്ടുണ്ടെന്നും അദ്ദേഹം പറഞ്ഞു. 15 മണ്ഡലങ്ങളിലേക്ക് ഡിസംബർ അഞ്ചിനാണ് തിരഞ്ഞെടുപ്പ്. കോൺഗ്രസ്, ജെ.ഡി.എസ്. പാർട്ടികളിൽനിന്ന് 17 എം.എൽ.എ.മാർ രാജിവെച്ചതിനെത്തുടർന്നാണ് ബി.ജെ.പി.ക്ക് സർക്കാരുണ്ടാക്കാൻ കഴിഞ്ഞത്. ഈ സാഹചര്യത്തിൽ രാജിവെച്ചവർക്ക് സീറ്റ് നൽകേണ്ടത് പാർട്ടിയുടെ ഉത്തരവാദിത്വമാണെന്നും യെദ്യൂരപ്പ പറഞ്ഞു. സ്ഥാനാർഥികളുടെ വിജയത്തിന് പാർട്ടിപ്രവർത്തകരും നേതാക്കളും രംഗത്തിറങ്ങും.…

ബെംഗളൂരു: കെമ്പഗൗഡ അന്താരാഷ്ട്ര വിമാനത്താവളത്തിൽ വിമാനജീവനക്കാരിയോട് മോശമായി പെരുമാറിയ സൗദി സ്വദേശിയെയും കുടുംബത്തെയും സുരക്ഷാ ഉദ്യോഗസ്ഥർ തടഞ്ഞുവെച്ചു. വിമാനത്തിൽ കയറുന്നതിനുമുമ്പ് നടന്ന സുരക്ഷാപരിശോധനയിൽ ബാഗിൽ ലൈറ്റർ കണ്ടെത്തിയത് ചോദ്യംചെയ്തതിനെത്തുടർന്നാണ് സൗദി സ്വദേശി അബ്ദുള്ള അസീസ് എയർലൈൻസ് ജീവനക്കാരിയോട് മോശമായി പെരുമാറിയത്. കുടുംബത്തോടൊപ്പമാണ് ഇയാൾ വിമാനത്താവളത്തിലെത്തിയത്. ബാഗിൽ പത്ത് ലൈറ്റർ ഉണ്ടായിരുന്നെന്നും സുരക്ഷാ കാരണങ്ങളാൽ വിമാനത്തിൽ കയറാൻ അനുവദിക്കില്ലെന്നും സുരക്ഷാ ഉദ്യോഗസ്ഥർ അറിയിക്കുകയായിരുന്നു. ഇതിൽ പ്രകോപിതനായ അബ്ദുള്ള അസീസ് സമീപത്തുണ്ടായിരുന്നു എയർലൈൻസ് ജീവനക്കാരിയോട് മോശമായി പെരുമാറുകയായിരുന്നു. എന്നാൽ സംഭവത്തിൽ കേസെടുത്തിട്ടില്ല. മാപ്പ് എഴുതിവാങ്ങിയതിനുശേഷം വിട്ടയയ്ക്കുകയായിരുന്നു.