Month: September 2019

ബെംഗളൂരു : ജോലിയാവശ്യത്തിനായി പൂനെയിലെത്തിയ കര്‍ണാടക സ്വദേശിയായ എന്‍ജിനിയര്‍, ഓട്ടോ ചാര്‍ജ് കേട്ട് അമ്പരന്നു. വെറും 15 കിലോമീറ്റര്‍ ദൂരം ഓടിയതിന് കര്‍ണാടക സ്വദേശിയില്‍ നിന്നും നാട്ടിലെങ്ങുമില്ലാത്ത ഓട്ടോ ചാര്‍ജാണ് പൂനെയിലെ ഈ ഡ്രൈവര്‍ ഈടാക്കിയത്. ദേശീയ മാധ്യമമായ ടൈംസ് ഓഫ് ഇന്ത്യയാണ് കഴുത്തറപ്പന്‍ ചാര്‍ജിനേക്കുറിച്ചുള്ള വിവരങ്ങള്‍ പുറത്തുവിട്ടത്. ഓഫീസ് ആവശ്യത്തിന് ബസിലാണ് യുവാവ് മഹാരാഷ്ട്രയിലെ പൂനെയിലെത്തിയത്. പൂനെയിലെ കറ്റ്‍രാജ് എന്ന സ്ഥലത്താണ് യുവാവിനെ ബസുകാര്‍ ഇറക്കിയത്. എന്നാല്‍ 14.5 കിലോമീറ്റര്‍ അകലെയുള്ള യേര്‍വാഡയിലായിരുന്നു യുവാവിന് പോകേണ്ടിയിരുന്നത്. യേര്‍വാഡയിലെ താമസ സ്ഥലത്തേക്ക് ഓണ്‍ലൈന്‍ വഴി…

ബെംഗളൂരു : ശക്തമായ മഴയ്ക്ക് സാധ്യത ഉള്ളതിനാൽ നഗരത്തിൽ പ്രഖ്യാപിച്ചു. ഈ മാസം 30 വരെ നഗരത്തിൽ കനത്ത മഴക്ക് സാദ്ധ്യതയുണ്ട്.29 നും 30 നും കൂടുതൽ മഴ ലഭിച്ചേക്കാം. 2 ദിവസമായി നഗരത്തിൽ വിവിധ പ്രദേശങ്ങളിൽ മഴ ലഭിക്കുന്നുണ്ട്. ബെംഗളൂരു നഗര, ഗ്രാമ ജില്ലകൾക്ക് പുറമെ മണ്ഡ്യ, തുമുക്കുരു, മൈസൂരു, രാമനഗര, കോലാർ, ചിക്കബെല്ലാപുര എന്നിവിടങ്ങളിലും യെല്ലോ അലർട്ട് പ്രഖ്യാപിച്ചിട്ടുണ്ട്.

ബെംഗളൂരു : ക്രിസ്മസ് അവധിക്ക് രണ്ടു മാസം മുൻപേ ബുക്കിംഗ് തുടങ്ങി ബംഗളൂരുവിൽ നിന്നുള്ള ദീർഘദൂര സ്വകാര്യ ബസുകൾ. കർണാടക-കേരള ആർ.ടി.സി ബസ്സുകളിൽ ബുക്കിംഗ് തുടങ്ങാൻ ഒരു മാസം ബാക്കിനിൽക്കെയാണ് തിരക്ക് മുതലെടുക്കാൻ ചില സ്വകാര്യ ഏജൻസികൾ വളരെ നേരത്തെ ബുക്കിംഗ് തുടങ്ങിയത്. എറണാകുളം (1350 -1800 രൂപ) കോട്ടയം (1500 രൂപ) എന്നിങ്ങനെ ടിക്കറ്റ് നിരക്ക് ഈടാാക്കുന്നതായാണ് വിവരം. ഈ ദിവസം ബംഗളൂരുവിൽ നിന്നുള്ള ട്രെയിനുകളിൽ ആയിരത്തിലേറെ പേർ വെയിറ്റിംഗ് ലിസ്റ്റിൽ ആയതിനാൽ ടിക്കറ്റ് ലഭിക്കാത്തവർക്ക് സ്വകാര്യ ബസുകളോ കർണാടക -കേരള ആർടിസി…

ബെംഗളൂരു : മൈസൂരു ദസറ ആഘോഷത്തിന് ദീപാലങ്കാരവുമായി കൊട്ടാരം നഗരി തയ്യാറായി കഴിഞ്ഞു. 75 കിലോമീറ്റർ ദൂരമാണ് ഇത്തവണ ദീപാലങ്കാരം ഒരുക്കുന്നത്. നഗരത്തിലെ 91 സർക്കിളുകളും അലങ്കരിക്കും നഗരത്തിലെ വൈദ്യുതി വിതരണച്ചുമതലയുള്ള ചാമുണ്ഡേശ്വരി ഇലക്ട്രിസിറ്റി സപ്ലൈ കോർപ്പറേഷൻ മൂന്നുകോടി രൂപ ചെലവഴിച്ചാണ് ദീപാലങ്കാരം ഒരുക്കിയിരിക്കുന്നത്. കഴിഞ്ഞ വർഷം 51 കിലോമീറ്റർ ദൂരമാണ് ദീപാലങ്കാരം ഒരുക്കിയിരുന്നത്. സർക്കാർ സ്വകാര്യ സ്ഥാപനങ്ങളിലും ദീപാലങ്കാരം ഒരുക്കുന്നുണ്ട് . ഊർജ സംരക്ഷണം ലക്ഷ്യമിട്ട് എൽഇഡി ബൾബുകളാണ് ഇത്തവണ ഉപയോഗിക്കുന്നത്.

ബെംഗളൂരു : ഡ്രൈവർമാർക്ക് മാന്യമായ വേതനം ഉറപ്പു വരുത്താൻ സർക്കാർ നടപടി സ്വീകരിക്കണമെന്ന് ആവശ്യപ്പെട്ട് ഈ മാസം 30ന് പണിമുടക്കിന് ആഹ്വാനം ചെയ്ത് വെബ് ടാക്സി ഡ്രൈവർമാർ . കമ്പനികൾ സ്വന്തമായി വാഹനങ്ങൾ വാങ്ങി പാട്ടത്തിനു കൊടുത്തു തുടങ്ങിയതോടെ വരുമാനം കുത്തനെ കുറഞ്ഞതായി മറ്റു ഡ്രൈവർമാർ ആരോപിക്കുന്നു. ഓട്ടോറിക്ഷ ടാക്സി ഡ്രൈവർമാർക്ക് ഗ്രൂപ്പ് ഇൻഷുറൻസ് സംവിധാനം ഏർപ്പെടുത്താനും സർക്കാർ നടപടി സ്വീകരിക്കണം. മൂവായിരത്തിലേറെ അംഗങ്ങളുള്ള യൂണിയനിലെ ഡ്രൈവർമാർ 30 ന് രാവിലെ 9 മുതൽ വൈകിട്ട് 4 വരെ പ്രതിഷേധം സംഘടിപ്പിക്കുമെന്നും ഭാരവാഹികൾ അറിയിച്ചു.