Day: 9 July 2019

ബെംഗളൂരു : 200ൽ അധികം ദേശീയ അന്തർദേശീയ അവാർഡുകൾ നേടിയിട്ടുള്ള കർണാടക സ്റ്റേറ്റ് റോഡ് ട്രാൻസ്പോർട്ട് കോർപറേഷന്റെ ശ്രദ്ധേയമായ പ്രെമോ വീഡിയോ താഴെ കാണാം.

ബെംഗളുരു: മന്ത്രിപദവി വച്ചു നീട്ടിയിട്ടും, കോൺഗ്രസ് നേതാക്കൾ നേരിട്ടെത്തി കണ്ടിട്ടും വഴങ്ങാത്ത വിമതരെ കോടതി കയറ്റാനാലോചിക്കുകയാണ് കോൺഗ്രസ് – ജനതാദൾ നേതൃത്വം. അവസാനശ്രമങ്ങളാണ് നേതാക്കൾ നടത്തുന്നത്. കോൺഗ്രസിന്‍റെ കേന്ദ്ര നേതൃത്വം തന്നെ ബെംഗളുരുവിലേക്ക് വരാനൊരുങ്ങുന്നു. ഗുലാം നബി ആസാദടക്കമുള്ള മുതിർന്ന നേതാക്കളാണ് ബെംഗളുരുവിലെത്തുക. സ്പീക്കർ കെ ആർ രമേശ് കുമാർ മറുവശത്ത് ഗവർണർക്ക് കത്ത് നൽകുന്നു. രാജി നടപടിക്രമങ്ങൾ പാലിച്ചല്ലെന്നും നേരിട്ട് വന്ന് കാണണമെന്നും സ്പീക്കർ എംഎൽഎമാരോട് ആവശ്യപ്പെട്ടിട്ടുണ്ട്. അന്തിമതീരുമാനം പരമാവധി നീട്ടി സഖ്യ നേതൃത്വത്തിന് സമയം നൽകുകയാണ് സ്പീക്കർ. Karnataka Assembly Speaker KR…

ബെംഗളൂരു: പകൽകൊള്ള നടത്തുന്ന നഗരത്തിലെ ഓട്ടോ ഡ്രൈവർമ്മാർക്കെതിരെ പ്രതിഷേധം ശക്തമാകുന്നു. കുതിച്ചു കയറുന്ന ഡിജിറ്റൽ മീറ്ററുകളുമായി ഓട്ടോറിക്ഷാ ഡ്രൈവർമാർ യാത്രക്കാരെ കൊള്ളയടിക്കുന്നത് നഗരത്തിൽ സ്ഥിരം സംഭവമായി മാറിയിരിക്കുകയാണ്. കഴിഞ്ഞദിവസം അമിതവേഗത്തിൽ കുതിക്കുന്ന ഡിജിറ്റൽ മീറ്ററിന്റെ വിഡിയോ മലയാളി യുവാവ് സമൂഹമാധ്യമങ്ങളിൽ പങ്കുവച്ചതോടെയാണ് കൂടുതൽ ആളുകൾ തങ്ങളുടെ അനുഭവങ്ങൾ പങ്കുവെച്ചത്. മഡിവാളയിലും കലാശിപാളയത്തും മൈസൂരു റോഡിലെ സാറ്റ്‌ലൈറ്റ് ബസ് സ്റ്റാൻഡിലുമെല്ലാം പുലർച്ചെ ബസിറങ്ങുന്ന അന്യ നാട്ടുകാരാണ് കൂടുതലും ഓട്ടോക്കാരുടെ കൊള്ളയ്ക്കിരയാകുന്നത്. ഓട്ടോക്കാരെ നന്നാക്കാൻ നോക്കുന്നതിനെക്കാൾ, സ്വയം ജാഗ്രത പാലിക്കുകയും ബദൽ യാത്രാ മാർഗം തേടുകയുമാണ് ഉചിതമെന്ന് അധികം പേരും അഭിപ്രായപ്പെട്ടു.

ബെംഗളൂരു : 40000 ഓളം പേരെ വഞ്ചിച്ച് 3000 കോടിയോളം രൂപ തട്ടിയ ഐഎംഎ ജ്വല്ലറി നിക്ഷേപ തട്ടിപ്പുമായി  ബന്ധപ്പെട്ട് നിർണായക നീക്കവുമായി പ്രത്യേക അന്വേഷണ സംഘം. 1.5 കോടി രൂപ കൈക്കൂലി വാങ്ങി ജ്വല്ലറി ഉടമ മൻസൂർഖാന് അനുകൂലമായി റിസർവ് ബാങ്കിന് റിപ്പോർട്ട് നൽകിയതിനാണ് മുതിർന്ന ഐഎഎസ് ഓഫീസറും അർബൻ ഡെപ്യൂട്ടി കമ്മീഷണറുമായ ബി.എം.വിജയശങ്കർ അറസ്റ്റിലായത്. ഇതേ കേസിൽ കഴിഞ്ഞ ആഴ്ച ബെംഗളൂരു നഗര ജില്ലാ നോർത്ത് ഡിവിഷണൽ അസിസ്റ്റന്റ് കമ്മീഷണർ എൽ സി നാഗരാജും അറസ്റ്റിലായിരുന്നു. ഐ എം എ യുടെ…