Day: 1 June 2019

ബെംഗളൂരു : സോഫ്റ്റ് വെയർ എഞ്ചിനീയറുടെ മൃതദേഹം കാറിനുള്ളിൽ കത്തിയ നിലയിൽ കണ്ടെത്തി.വെള്ളിയാഴ്ച്ച 11:30 ഓടെയാണ് ഈ കാർ ആളുകളുടെ ശ്രദ്ധയിൽ പെട്ടത്. ആന്ധ്ര സ്വദേശിയായ കാർത്തിക് റെഡ്ഡി (30)യുടെ മൃതദേഹം കണ്ടെത്തിയത് നഗരപ്രാന്തപ്രദേശമായ ശാന്തനൂർ ഹൊസഹളളിയിലെ ഒരാളൊഴിഞ്ഞ പ്രദേശത്ത് നിർത്തിയിട്ട സ്വന്തം കാറിൽ ആണ്. നഗരത്തിലെ ഒരു പ്രധാന സോഫ്റ്റ് വെയർ കമ്പനിയിൽ ജോലി ചെയ്യുന്ന കാർത്തിക്കിന് ഭാര്യയും ആറു മാസം പ്രായമായ ഒരു കുഞ്ഞും ഉണ്ട്. ഫ്രേസർ ടൗണിൽ താമസിക്കുന്ന കാർത്തിക്കിന്റെ അമ്മ വ്യാഴാഴ്ച മുതൽ  മകനെ കാണാനില്ല എന്ന് കാണിച്ച്…

ബെംഗളൂരു : കർണ്ണാടകത്തിൽ കോൺഗ്രസ്-ജെഡിഎസ് സർക്കാരിനെ അസ്ഥിരപ്പെടുത്തരുതെന്ന് ഡൽഹിയിൽ നിന്ന് നേതാക്കൾ ഉത്തരവിട്ടിട്ടുണ്ടെന്ന് ബിഎസ് യെദ്യൂരപ്പ. കർണ്ണാടകത്തിലെ രാഷ്ട്രീയ സാഹചര്യങ്ങളെ നിശബ്ദമായി വീക്ഷിക്കുമെന്ന് പറഞ്ഞ അദ്ദേഹം, കോൺഗ്രസും ജനതാദൾ എസും പരസ്പരം പോരടിച്ച് പിരിയുമെന്നും പറഞ്ഞു. കഴിഞ്ഞ വർഷം മെയ് 23 ന് അധികാരത്തിലേറിയതിന് ശേഷം ബിജെപി തങ്ങളുടെ സർക്കാരിനെ താഴെയിറക്കാൻ കുതിരക്കച്ചവടം നടത്തുന്നുവെന്ന ആരോപണം കോൺഗ്രസിന്റെയും ജനതാദൾ എസിന്റെയും പ്രവർത്തകർ ആരോപിച്ചിരുന്നു. ലോക്സഭാ തെരഞ്ഞെടുപ്പിൽ ആകെ രണ്ട് സീറ്റുകൾ മാത്രമാണ് കോൺഗ്രസ്-ജെഡിഎസ് സഖ്യത്തിന് ലഭിച്ചത്. കോൺഗ്രസ് നേതാവ് സിദ്ധരാമയ്യ തന്റെ അടുത്തേക്ക് കോൺഗ്രസ്…

ബെംഗളൂരു: തിരക്കേറിയ മജസ്റ്റിക് റെയിൽവേ സ്റ്റേഷനിൽ ഗ്രനേഡിനോട് സാമ്യമുള്ള വസ്തു കണ്ടെത്തിയത് പരിഭ്രാന്തി പരത്തി. വെള്ളിയാഴ്ച രാവിലെ 8.45-ന് ഒന്നാം നമ്പർ പ്ലാറ്റ്‌ഫോമിന്റെയും രണ്ടാം നമ്പർ പ്ലാറ്റ്‌ഫോമിന്റെയും ഇടയിലെ ട്രാക്കിലാണ് വസ്തു കണ്ടെത്തിയത്. ഇതേത്തുടർന്ന് പോലീസ് സ്ഥലത്തെത്തി യാത്രികരെ മാറ്റി സുരക്ഷയൊരുക്കി. വസ്തു കണ്ടെത്തി അരമണിക്കൂറിനുള്ളിൽ ബോംബ് സ്ക്വാഡ് സ്ഥലത്തെത്തി സ്ഫോടകവസ്തുവല്ലെന്ന് സ്ഥിരീകരിച്ചതോടെയാണ് യാത്രികർക്ക് ആശ്വാസമായത്. പരിഭ്രാന്തി പരത്തിയ വസ്തു, ഗ്രനേഡിന്റെ ലോഹ ആവരണം മാത്രമാണെന്നാണ് പ്രാഥമിക നിഗമനം. ഇതു കണ്ടെത്തിയ സമയത്ത് ബെംഗളൂരു- പട്ന സംഘമിത്ര എക്സ്പ്രസ് ഒന്നാം നമ്പർ പ്ലാറ്റ്‌ഫോമിലുണ്ടായിരുന്നു. സംഭവത്തെത്തുടർന്ന് ഒന്ന്,…

ബെംഗളൂരു: ഭരണപക്ഷ എം. എൽ. എ.മാരെ സ്വാധീനിക്കാൻ ബി.ജെ.പി. ശ്രമിക്കില്ല. ഇക്കാര്യത്തിൽ കേന്ദ്ര നേതൃത്വം വ്യക്തമായ നിർദ്ദേശം നൽകിയിട്ടുണ്ട്. സംസ്ഥാനത്ത് കാര്യക്ഷമമായ പ്രതിപക്ഷമായി പ്രവർത്തിക്കാനാണ് ആഗ്രഹിക്കുന്നതെന്നും അദ്ദേഹം പറഞ്ഞു. സർക്കാറിനെ വീഴത്താനുള്ള ബി.ജെ.പി. നീക്കത്തിനെതിരേ പ്രതിഷേധം ശക്തമായതാണ് യെദ്യൂരപ്പയുടെ മലക്കം മറിച്ചിലിനുള്ള കാരണമെന്നാണ് വിലയിരുത്തുന്നത്. സർക്കാർ രാജിവെച്ച് നിയമസഭ പരിച്ചുവിടണമെന്നാണ് ആദ്യം ആവശ്യപ്പെട്ടത്. പിന്നീട് നിയമസഭ പിരിച്ചുവിടേണ്ട കാര്യമില്ലെന്നും സഖ്യസർക്കാർ രാജിവെച്ചാൽ സർക്കാർ രൂപവത്കരിക്കുമെന്നും അവകാശപ്പെട്ടു. ഇതിന് പിന്നിലെയാണ് പ്രതിപക്ഷമായി പ്രവർത്തിക്കാനാണ് ആഗ്രഹിക്കുന്നതെന്ന് വ്യക്തമാക്കിയത്.