Day: 23 March 2019

ബെംഗളൂരു : “കാരവൻ”എന്ന മാസിക പുറത്തു വിട്ട കർണാടക ബിജെപി അദ്ധ്യക്ഷനും മുൻ മുഖ്യമന്ത്രിയുമായ യെദ്യൂരപ്പയുടെ പേരിലുള്ള ഡയറി വ്യാജമാണെന്ന് ബെംഗളൂരുവിലുള്ള ആദായ നികുതി മന്ത്രാലയം വ്യക്തമാക്കി.ആദായ നികുതി മന്ത്രാലയത്തിന്റെ ബെംഗളൂരുവിലുള്ള ചീഫ് പ്രിൻസിപ്പൽ ആണ് ഇക്കാര്യം അറിയിച്ചത്.ഇത് ഫോറൻസിക് പരിശോധനയിൽ ഇക്കാര്യം തെളിഞ്ഞതാണ് എന്നും അദ്ദേഹം കൂട്ടിച്ചേർത്തു. കോടതിയിൽ തെളിവ് ആക്കി ഉപയോഗിക്കാൻ കഴിയാത്ത രേഖകളാണ് എന്ന് ആദായനികുതി ചീഫ് പ്രിൻസിപ്പൽ കമ്മീഷണർ വ്യക്തമാക്കി. വിവാദം മറ്റു കേസുകളിൽ സ്വാധീനിക്കാനുള്ള ശ്രമമാണ് എന്നും മന്ത്രി ഡി.കെ ശിവകുമാറിന്റെ കേസ് പരാമർശിക്കാതെ അദ്ദേഹം അറിയിച്ചു.…

ബെംഗളൂരു : സ്വതന്ത്ര സ്ഥാനാര്‍ഥിയായ സുമലതയെ പിന്തുണച്ച സൂപ്പര്‍ താരങ്ങളായ ദര്‍ശനെയും യഷിനെയും ഭീഷണി പ്പെടുത്തിയ കെ ആര്‍ പെട്ട് എം എല്‍ എ യും ജെ ഡി എസ് നേതാവുമായ നാരായണ ഗൌഡക്ക് എതിരെ തെരഞ്ഞെടുപ്പു കമ്മിഷന്‍ കേസ് എടുത്തു. ഗൌഡ തെരഞ്ഞെടുപ്പു പെരുമാറ്റ ചട്ടം ലംഘിച്ചതായി തെരഞ്ഞെടുപ്പു കമ്മിഷണര്‍ രവി കുമാര്‍ പറഞ്ഞു.”തങ്ങള്‍ക്കെതിരെ നില കൊണ്ടാല്‍ റൈഡ് നടത്താന്‍ മടിക്കില്ല,ഭരണം ഞങ്ങളുടെ കൈയ്യില്‍ ആണ്,വീട്ടില്‍ സ്വസ്തമായി ഇരിക്കുന്നതാണ് നല്ലത് “എന്നാണ് ഗൌഡയുടെ വിവാദ പരാമര്‍ശം.

ബെംഗളൂരു : ഉത്തര കര്‍ണാടകയിലെ വിജയപുരയില്‍ (പഴയ ബീജപൂര്‍) ലോറിയും മിനി വാനും കൂട്ടിയിടിച്ച് 9 പേര്‍ മരിച്ചു.6 പേര്‍ക്ക് പരിക്കേറ്റു.3 പേരുടെ നില ഗുരുതരമാണ്. ഇന്നലെ രാവിലെ ചിക്കസിന്ദഗിയില്‍ ആണ് അപകട മുണ്ടായത്,കലബുരഗി ചിതപുര സ്വദേശി സാഗര്‍ (25),അംബരീഷ് (28),ഗുരു ( 32),ചന്ദ് പാഷ (24),ശ്രീനാഥ് (30),ഷക്കീര്‍ ( 25),അജീം (26),മങ്ങ്സാബ് (29) എന്നിവരാണ്‌ മരിച്ചത്. ഗോവയില്‍ നിന്ന് വിനോദയാത്ര കഴിഞ്ഞു മടങ്ങുകയായിരുന്നു ഇവര്‍.ഡ്രൈവര്‍ ഉള്‍പ്പടെ 16 പേരാണ് മിനി വാനില്‍ ഉണ്ടായിരുന്നത്.സിന്ദഗി പോലീസ് കേസ് എടുത്തു.

ബെംഗളൂരു: സംസ്ഥാനത്ത് കോൺഗ്രസ്- ജെ.ഡി.എസ്. സഖ്യം വീണ്ടും വെല്ലുവിളികൾ നേരിടുന്നു. ജെ.ഡി.എസിന് എട്ടുമണ്ഡലം ലഭിച്ചെങ്കിലും പലതിലും ജനസ്വാധീനമുള്ള സ്ഥാനാർഥിയെ കണ്ടെത്താനായിട്ടില്ല. സുരക്ഷിതമണ്ഡലങ്ങളായ ഹാസൻ, മണ്ഡ്യ എന്നിവിടങ്ങളിൽ ദേവഗൗഡയുടെ കൊച്ചുമക്കളെ ആദ്യമേ ഇറക്കി. ഗൗഡ മനസ്സുതുറന്നിട്ടില്ലെങ്കിലും തുമകൂരുവിൽ മത്സരിക്കുമെന്നാണ് ഒടുവിലത്തെ റിപ്പോർട്ട്. എന്നാൽ, ഉഡുപ്പി-ചിക്കമംഗളൂരു, ഉത്തരകന്നഡ, ബെംഗളൂരു നോർത്ത്, വിജയപുര എന്നിവിടങ്ങളിൽ സ്ഥാനാർഥികളെ തേടുകയാണ്. ഈ മണ്ഡലങ്ങളിൽ കോൺഗ്രസിനാണ് നിർണായക സ്വാധീനം. അതിനാൽ ദൾ സ്ഥാനാർഥിയെ അംഗീകരിക്കുമോയെന്ന ആശങ്കയുമുണ്ട്. ഇതിന് പുതിയ പരിഹാരനിർദേശമാണ് ഇപ്പോൾ മുന്നോട്ടുവെക്കുന്നത്. ജനസ്വാധീനമുള്ള കോൺഗ്രസ് നേതാക്കളെ ദളിന്റെ സ്ഥാനാർഥിയാക്കി നിർത്താനുള്ള ആലോചനയാണ് നടക്കുന്നത്.…