മൈസൂരു: ചാമുണ്ഡിമലയിൽ ദർശനത്തിനെത്തിയ പെൺകുട്ടിയെ ആക്രമിക്കുകയും ലൈംഗികമായി പീഡിപ്പിക്കുകയും ചെയ്ത മൂന്നുപേരെ പോലീസ് അറസ്റ്റ് ചെയ്തു. ഇമ്രാൻ പാഷ, റഹ്മത്ത് ഷരീഫ്, മുബാരക് എന്നിവരെയാണ് ഭരത്‌നഗറിൽനിന്ന് മൈസൂരു റൂറൽ പോലീസ് അറസ്റ്റ് ചെയ്തത്. വ്യാഴാഴ്ച വൈകീട്ട് യുവാവിനൊപ്പം ബൈക്കിൽ ചാമുണ്ഡിമലയിലെത്തിയ പെൺകുട്ടി ദർശനം നടത്തിയശേഷം മടക്കയാത്രയിൽ വ്യൂപോയിന്റിന് സമീപം ഇറങ്ങി. അവിടെനിന്ന് പുറപ്പെട്ടപ്പോഴാണ് ബൈക്കിലെത്തിയ മൂന്നംഗസംഘം തടഞ്ഞുനിർത്തി ആക്രമിച്ചത്. കത്തികാട്ടി ഭീഷണിപ്പെടുത്തുകയും പെൺകുട്ടിയെ ലൈംഗികമായി പീഡിപ്പിക്കുകയും ചെയ്തുവെന്ന് പരാതി ലഭിച്ചതിനെത്തുടർന്ന് കെ.ആർ. പോലീസാണ് കേസ് രജിസ്റ്റർചെയ്തത്. പെൺകുട്ടിയിൽനിന്ന് തട്ടിയെടുത്ത മൊബൈൽ ഫോണും സ്വർണമാലയും അക്രമികളിൽനിന്ന് പിടിച്ചെടുത്തിട്ടുണ്ട്.
Read Moreചാമുണ്ഡിമലയിൽ ദർശനത്തിനെത്തിയ പെൺകുട്ടിയെ ആക്രമിക്കുകയും ലൈംഗികമായി പീഡിപ്പിക്കുകയും ചെയ്ത മൂന്നുപേരെ പോലീസ് അറസ്റ്റ് ചെയ്തു.
