Month: February 2018

ബെംഗളൂരു : വൻ തീപിടിത്തം ഉണ്ടായി രണ്ടാഴ്ചയ്ക്കുള്ളിൽ ബെലന്തൂർ തടാകത്തിൽ വീണ്ടും തീയും പുകയും. കഴിഞ്ഞ ദിവസം മൂന്നിടങ്ങളിലായുണ്ടായ തീപിടിത്തം അഗ്നിശമനസേനയും ഇന്ത്യൻ സൈന്യവും ചേർന്നു നിയന്ത്രണവിധേയമാക്കി. തടാകത്തിലെ അഗ്നിബാധ സംബന്ധിച്ച കേസ് ദേശീയ ഹരിത ട്രൈബ്യൂണൽ (എൻജിടി) ഈ മാസം അവസാനം പരിഗണിക്കാനിരിക്കെ ഉണ്ടായ പുകയും തീയും സർക്കാരിനെയും പ്രാദേശിക ഭരണകൂടങ്ങളെയും പ്രതിരോധത്തിലാക്കി. തടാകത്തിൽ തീപിടിത്തം ഉണ്ടായതായി നാലുമണിയോടെയാണ് അഗ്നിശമനസേനയ്ക്കു വിവരം ലഭിച്ചതെന്നു ചീഫ് ഫയർ ഓഫിസർ ബസവണ്ണ പറഞ്ഞു. കഴിഞ്ഞ തവണ തീപിടിത്തം ഉണ്ടായിടത്താണു വീണ്ടും പുക ഉയർന്നത്. അഗ്നിശമനസേനയിലെ 25…

ബെംഗളൂരു : വാടക നൽകുന്നതിൽ വീഴ്ച വരുത്തിയതു ചോദ്യം ചെയ്ത യുവാവിനെ കൊലപ്പെടുത്തിയശേഷം തല അറുത്തുമാറ്റി. നെലമംഗല കംപലിഹള്ളി സ്വദേശി മഞ്ജുനാഥ് (38) ആണു കൊല്ലപ്പെട്ടത്. തല വയലിൽ കുഴിച്ചിട്ട നിലയിൽ കണ്ടെത്തി. സംഭവവുമായി ബന്ധപ്പെട്ട് മഞ്ജുനാഥിന്റെ വാടകക്കാരൻ അൽതാഫിനെ (45) ക്രൈംബ്രാഞ്ച് അറസ്റ്റ് ചെയ്തു. കുറ്റകൃത്യത്തിൽ പങ്കാളികളാണെന്ന സംശയത്താൽ ഇയാളുടെ പ്രായപൂർത്തിയാകാത്ത രണ്ട് ആൺമക്കളെയും കസ്റ്റഡിയിൽ എടുത്തിട്ടുണ്ട്. കഴിഞ്ഞ 23നു വീട്ടിൽ നിന്നിറങ്ങിയ മഞ്ജുനാഥ് തിരിച്ചെത്തിയില്ല. ഭാര്യ പല്ലവിയുടെ സഹോദരൻ വയലിൽ എത്തിയപ്പോൾ മഞ്ജുനാഥിന്റെ ബൈക്ക് കണ്ടെത്തി. തുടർന്നു മഞ്ജുനാഥിനെ കാണാനില്ലെന്നു നെലമംഗല…

ബെംഗളൂരു : ബെംഗളൂരു രാജ്യാന്തര ചലച്ചിത്രമേളയുടെ ഓഫ് ലൈൻ ഡെലിഗേറ്റ് റജിസ്ട്രേഷൻ ആരംഭിച്ചു. ഓൺലൈൻ റജിസ്ട്രേഷൻ അടുത്ത ദിവസം ആരംഭിക്കും. ഓപ്പൺ കാറ്റഗറിക്ക് 600 രൂപയും വിദ്യാർഥികൾ, ഫിലിം സൊസൈറ്റി അംഗങ്ങൾ, 60വയസ്സ് കഴിഞ്ഞവർ എന്നിവർക്ക് 300 രൂപയുമാണ് ഡെലിഗേറ്റ് ഫീസ്. കർണാടക ചലനച്ചിത്ര അക്കാദമിയുടെ നന്ദിനി എഫ്എച്ച്എസ് ലേഔട്ടിലെ ആസ്ഥാനം, ഇൻഫൻട്രി റോഡിലെ കർണാടക ഇൻഫർമേഷൻ ആൻഡ് പബ്ലിക് റിലേഷൻസ് വകുപ്പ് ഓഫിസ്, ഹൈഗ്രൗണ്ട്സ് ക്രസന്റ് റോഡിലെ കർണാടക ഫിലിം ചേംബർ ഓഫ് കൊമേഴ്സ് ആസ്ഥാനം, ബനശങ്കരിയിലെ സുചിത്ര ഫിലിം സൊസൈറ്റി എന്നിവിടങ്ങളിൽ…

ബെംഗളൂരു: ബെള്ളാരി റോഡിൽനിന്നു കെംപഗൗഡ രാജ്യാന്തര വിമാനത്താവളത്തിലേക്കുള്ള പ്രവേശന കവാടമായ ദേവനഹള്ളി ടോൾ പ്ലാസയിൽ ഇനി വാഹനങ്ങൾ പ്രവേശിക്കുമ്പോൾ തന്നെ  പണം നൽകേണ്ടിവരും. നിലവിൽ വിമാനത്താവളത്തിൽനിന്നു മടങ്ങുമ്പോഴാണ് ടോൾ നൽകേണ്ടത്. ഹെന്നൂരിൽനിന്നു വിമാനത്താവളത്തിലേക്കുള്ള പുതിയ റോഡ് അടുത്ത മാസം തുറന്നുകൊടുക്കുമ്പോഴാണ് ഈ മാറ്റം നടപ്പിലാക്കുക. ടോൾ പ്ലാസയിലൂടെ പ്രതിദിനം 50,000 കാറുകൾ കടന്നുപോകുന്നുണ്ടെന്നാണ് കണക്ക്. മറ്റു വാഹനങ്ങൾ ഇതിനു പുറമെയാണ്. പുതിയ റോഡിന് ടോൾ ഇല്ലാത്ത സാഹചര്യത്തിൽ ധാരാളം വാഹനങ്ങൾ അതുവഴി പോകാൻ സാധ്യതയുള്ളതിനാലാണ് നവയുഗ ദേവനഹള്ളി ടോൾ പ്രൈവറ്റ് ലിമിറ്റഡ് ദേശീയപാത അതോറിറ്റിക്ക് ഈ ആവശ്യമുന്നയിച്ച് കത്തു നൽകിയിട്ടുള്ളത്. എന്നാൽ വെബ് ടാക്സി ഡ്രൈവർമാരുടെ സംഘടനകൾ പറയുന്നത്…