Year: 2017

ബെംഗളൂരു∙ കർണാടകയിൽ വീടിനു സമീപം ടെക്കി യുവാവിനെ കുത്തേറ്റു മരിച്ചനിലയിൽ കണ്ടെത്തി. ഒഡീഷ സ്വദേശിയായ പ്രണയ് മിശ്ര (28) ആണ് തിങ്കളാഴ്ച രാവിലെ കൊല്ലപ്പെട്ടത്. താമസിച്ചിരുന്ന വാടക വീടിനു ഒരു കിലോമീറ്റര്‍ അടുത്താണ് മൃതദേഹം കണ്ടെത്തിയത്. അതുവഴി കടന്നുപോയവർ ഇയാളെ ആശുപത്രിയിൽ പ്രവേശിപ്പിച്ചെങ്കിലും മരിച്ചിരുന്നു. വനിതാ സുഹൃത്തിനെ കാണാനായി പോകുകയായിരുന്നു ഇയാളെന്നാണു വിവരം. സോഫ്റ്റ്‌വെയർ കമ്പനിയായ ആക്സെൻചറിലെ ഉദ്യോഗസ്ഥനാണ് പ്രണയ്. ഞായറാഴ്ച സുഹൃത്തുക്കൾക്കൊപ്പം പാർട്ടിയിൽ പങ്കെടുത്തശേഷം തിരിച്ചത്തിയ പ്രണയ് പിന്നീടു സമീപത്തു താമസിക്കുന്ന വനിതാ സുഹൃത്തിനെ കാണാൻ പോകുകയായിരുന്നു. നിരവധിത്തവണ കുത്തേറ്റിട്ടുണ്ട് എന്നാൽ വിലപിടിപ്പുള്ളതൊന്നും…

ബെംഗളൂരു∙ ബെന്നാർഘട്ടെ നാഷനൽ പാർക്കിൽ കടുവയുടെ ആക്രമണത്തിൽ ജീവനക്കാരൻ കൊല്ലപ്പെട്ടു. ഇന്നലെ രാത്രിയിലാണു സംഭവം. മൃഗശാലയിലെ കൂട്ടിനുള്ളിൽ കിടന്നിരുന്ന കടുവയ്ക്കു ഭക്ഷണം കൊടുക്കുന്നതിനിടെ ജീവനക്കാരൻ നാഗരാജിനെ ആക്രമിക്കുകയായിരുന്നു. ഗുരുതരമായി പരുക്കേറ്റ നാഗരാജിനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

 ബെംഗളൂരു∙ ദീപാവലിത്തിരക്ക് പരിഗണിച്ചു കേരള ആർടിസി ബെംഗളൂരുവിൽ നിന്നു 13നും 17നും സ്പെഷൽ ബസ് സർവീസുകൾ പ്രഖ്യാപിച്ചു. ആദ്യഘട്ടത്തിലെ അഞ്ച് വീതം സ്പെഷൽ ബസുകളിലേക്കുള്ള ഓൺലൈൻ ബുക്കിങ് ഇന്നാരംഭിക്കും. ദീപാവലിത്തലേന്നായ 17നു യാത്രക്കാരുടെ തിരക്കു പരിഗണിച്ചു കൂടുതൽ സ്പെഷൽ സർവീസുകൾ നടത്താനുള്ള ക്രമീകരണം ഒരുക്കിയിട്ടുണ്ടെന്നു കേരള ആർടിസി കൺട്രോളിങ് ഇൻസ്പെക്ടർ സി.കെ.ബാബു പറഞ്ഞു. കേരളത്തിൽ നിന്നു തിരിച്ചു 18നും 22നും അഞ്ച് വീതം സ്പെഷൽ ബസുകളിലേക്കുള്ള ബുക്കിങ്ങും ഇന്നാരംഭിക്കും. കർണാടക ആർടിസി 17നു ബെംഗളൂരുവിൽ നിന്നു കേരളത്തിലേക്ക് എട്ട് സ്പെഷൽ ബസുകളിലേക്കുള്ള ബുക്കിങ് ആരംഭിച്ചിട്ടുണ്ട്.…