Day: 14 November 2017

ബെളഗാവി ∙ ഗൗരി ലങ്കേഷിന്റെ കൊലപാതകം മനുഷ്യത്വത്തിനു മേലുള്ള കടന്നാക്രമണമാണെന്നും ഘാതകരെ തന്റെ സർക്കാർ നിയമത്തിനു മുന്നിൽ കൊണ്ടുവരുമെന്നും മുഖ്യമന്ത്രി സിദ്ധരാമയ്യ. ബെളഗാവി സുവർണ സൗധയിൽ ആരംഭിച്ച ശീതകാല സമ്മേളനത്തിലാണു മുഖ്യമന്ത്രിയുടെ ഉറപ്പ്. പ്രതികളെ കണ്ടെത്താൻ ആത്മാർഥമായ ശ്രമമാണു പ്രത്യേക അന്വേഷണ സംഘം (എസ്ഐടി) നടത്തിവരുന്നത്. അതിദാരുണമായൊരു കൊലപാതകമാണിതെന്നും ഗൗരിയെ അനുസ്മരിച്ചു കൊണ്ട് മുഖ്യമന്ത്രി പറഞ്ഞു. ധാർവാഡിൽ കൊല്ലപ്പെട്ട കൽബുറഗിയുടെ ഘാതകരെയും പിടികൂടാനുള്ള ശ്രമവും സർക്കാരിന്റെ ഭാഗത്തു നിന്ന് ആത്മാർഥമായി നടന്നുവരികയാണെന്നും മുഖ്യമന്ത്രി പറഞ്ഞു. ആവിഷ്കാര സ്വാതന്ത്ര്യത്തിനു മേൽ പതിച്ച അസഹിഷ്ണുതയുടെ വെടിയുണ്ടയാണ് ഗൗരിയുടെ…

ബെംഗളൂരു ∙ ശബരിമലയിൽ കർണാടക ഭവൻ നിർമിക്കുന്നതിനായുള്ള സ്ഥലം സമയബന്ധിതമായി വിട്ടുനൽകണമെന്ന ആവശ്യം മുന്നോട്ടുവച്ച് കർണാടക സർക്കാർ. നിലയ്ക്കലിൽ ഇതിനായി അനുവദിച്ച നാലരയേക്കർ സ്ഥലം കാലതാമസമില്ലാതെ വിട്ടുനൽകണമെന്ന ആവശ്യമാണു തിരുവനന്തപുരത്തു മുഖ്യന്ത്രി പിണറായി വിജയൻ അധ്യക്ഷത വഹിച്ച ദക്ഷിണേന്ത്യൻ മുഖ്യമന്ത്രിമാരുടെ യോഗത്തിൽ കർണാടക ആവശ്യപ്പെട്ടത്. സംസ്ഥാന എമർജൻസി കോഓർഡിനേറ്റർ കെ.കെ.പ്രദീപാണ് മുഖ്യമന്ത്രി സിദ്ധരാമയ്യയുടെ പ്രതിനിധിയായി യോഗത്തിൽ പങ്കെടുത്തത്. 2013ൽ കർണാടക ഭവനു വേണ്ടി നിലയ്ക്കലിൽ നാലര ഏക്കർ ഭൂമി അനുവദിച്ചതിന്റെ പശ്ചാത്തലത്തിൽ ഭൂമിപൂജയും തറക്കല്ലിടലും വരെ നടത്തിയിരുന്നു. തുടർന്നു നടന്ന നിയമവ്യവഹാരങ്ങൾ നിർമാണപ്രവർത്തനങ്ങൾക്കു തടയിടുകയായിരുന്നു.…