Day: 9 October 2017

ബെംഗളൂരു∙ ബെന്നാർഘട്ടെ നാഷനൽ പാർക്കിൽ കടുവയുടെ ആക്രമണത്തിൽ ജീവനക്കാരൻ കൊല്ലപ്പെട്ടു. ഇന്നലെ രാത്രിയിലാണു സംഭവം. മൃഗശാലയിലെ കൂട്ടിനുള്ളിൽ കിടന്നിരുന്ന കടുവയ്ക്കു ഭക്ഷണം കൊടുക്കുന്നതിനിടെ ജീവനക്കാരൻ നാഗരാജിനെ ആക്രമിക്കുകയായിരുന്നു. ഗുരുതരമായി പരുക്കേറ്റ നാഗരാജിനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

 ബെംഗളൂരു∙ ദീപാവലിത്തിരക്ക് പരിഗണിച്ചു കേരള ആർടിസി ബെംഗളൂരുവിൽ നിന്നു 13നും 17നും സ്പെഷൽ ബസ് സർവീസുകൾ പ്രഖ്യാപിച്ചു. ആദ്യഘട്ടത്തിലെ അഞ്ച് വീതം സ്പെഷൽ ബസുകളിലേക്കുള്ള ഓൺലൈൻ ബുക്കിങ് ഇന്നാരംഭിക്കും. ദീപാവലിത്തലേന്നായ 17നു യാത്രക്കാരുടെ തിരക്കു പരിഗണിച്ചു കൂടുതൽ സ്പെഷൽ സർവീസുകൾ നടത്താനുള്ള ക്രമീകരണം ഒരുക്കിയിട്ടുണ്ടെന്നു കേരള ആർടിസി കൺട്രോളിങ് ഇൻസ്പെക്ടർ സി.കെ.ബാബു പറഞ്ഞു. കേരളത്തിൽ നിന്നു തിരിച്ചു 18നും 22നും അഞ്ച് വീതം സ്പെഷൽ ബസുകളിലേക്കുള്ള ബുക്കിങ്ങും ഇന്നാരംഭിക്കും. കർണാടക ആർടിസി 17നു ബെംഗളൂരുവിൽ നിന്നു കേരളത്തിലേക്ക് എട്ട് സ്പെഷൽ ബസുകളിലേക്കുള്ള ബുക്കിങ് ആരംഭിച്ചിട്ടുണ്ട്.…