ഐആർഎൻഎസ്എസ്-1 എയിലെ മൂന്ന് റൂബീഡിയം ക്ലോക്കുകൾ പ്രവർത്തനം നിലച്ച സാഹചര്യത്തിലാണ് പിന്തുണയ്ക്കാനുള്ള 1400 കിലോ ഭാരമുള്ള 1 എച്ച് ഉപഗ്രഹം അയയ്ക്കുന്നത്. യുഎസ് അധിഷ്ഠിത ജിപിഎസ് ശൃംഖലാ ഉപഗ്രഹങ്ങളോടു കിടപിടിക്കും വിധമുള്ള തദ്ദേശ ജിപിഎസ് സംവിധാനമാണ് ഐആർഎൻഎസ്എസ് ശ്രേണിയിലൂടെ ഇന്ത്യ കൈവരിച്ചത്.
സമുദ്രസഞ്ചാരം, ദുരന്തനിവാരണം, ജിപിഎസ് സംവിധാനങ്ങൾ തുടങ്ങിയവയ്ക്കായുള്ള ഈ ശ്രേണിയെ നാവിഗേഷൻ വിത്ത് ഇന്ത്യൻ കോൺസ്റ്റലേഷൻ (നാവ് ഐസി) എന്ന് പ്രധാനമന്ത്രി നരേന്ദ്ര മോദി നാമകരണം ചെയ്തിരുന്നു. ഈ ശ്രേണിയിലെ ഏഴാമത്തെ ഉപഗ്രഹമായ ഐആർഎൻഎസ്എസ് -1 ജി 2016 ഏപ്രിൽ 28നാണ് വിക്ഷേപിച്ചത്. ഐആർഎൻഎസ്എസ്-1എ മുതൽ1എഫ് വരെയുള്ള ആറ് ഉപഗ്രഹങ്ങൾ 2013 ജൂലൈ രണ്ടു മുതൽ 2016 മാർച്ച് 10 വരെ കാലയളവിൽ വിക്ഷേപിച്ചിരുന്നു
