Day: 15 July 2017

ബെംഗളൂരു :മെട്രോയിൽ മദ്യപിച്ച് കയറുന്നവരെ പിടികൂടാൻ ബ്രത്ത് അനലൈസർ സ്ഥാപിക്കുന്നു. മദ്യപിച്ച് യാത്ര ചെയ്യുന്നവരുടെ എണ്ണം വർദ്ധിച്ച സാഹചര്യത്തിലാണ് നടപടി.നിലവിൽ മദ്യപിച്ച് കയറുന്നവരെ തിരിച്ചറിയാൻ സംവിധാനമില്ല. മെട്രോ ട്രെയിനിന്റെ സമയക്രമം ദീർഘിപ്പിച്ചതോടെ രാത്രി ട്രെയിനുകളിലാണ് മദ്യപരുടെ എണ്ണം കൂടിയത്.രാത്രി പാർട്ടികൾ കഴിഞ്ഞ് സ്വന്തം വാഹനം ഓടിച്ച് വീട്ടിൽ പോയിരുന്ന പലരും പോലീസിനെ പേടിച്ച് ഇപ്പോൾ യാത്ര മെട്രോയിലാക്കിയിട്ടുണ്ട്. 2002 ലെ മെട്രോ റയിൽവേ ഓപറേഷൻ ആക്ട് പ്രകാരം മദ്യപിച്ച് മെട്രോ ട്രെയിനിൽ കയറിയാൽ 500 രൂപയാണ് പിഴ.